កីឡាជាតិ
ជាតិ
U21 កម្ពុជាត្រូវតតាំងជាមួយសិង្ហបុរី, ឡាវ ក្នុងពានរង្វាន់ស្តេចព្រុយណេ ក្រុមកីឡាករជម្រើសជាតិអាយុក្រោម២១ឆ្នាំកម្ពុជាថតជុំគ្នានៅអាកាសយានដ្ឋានអន្តរជាតិភ្នំពេញ មុនចេញដំណើរទៅព្រុយណេ, រូបភាពពី FFC
× ក្រុមកីឡាករជម្រើសជាតិអាយុក្រោម២១ឆ្នាំកម្ពុជា ត្រូវប្រជែងជាមួយសិង្ហបុរី និងឡាវ ក្នុងពានរង្វាន់ស្តេចព្រុយណេ Hassanal Bolkiah Trophy នៅប្រទេសព្រុយណេ។ ក្រោមការដឹកនាំរបស់លោក ប្រាក់ សុវណ្ណារ៉ា U21 កម្ពុជាបានចាកចេញពីកម្ពុជាទៅកាន់ប្រទេសព្រុយណេកាលពីថ្ងៃទី២៣ ខែមេសា ឆ្នាំ២០១៨។
ក្រុម U21 កម្ពុជា ដែលស្ថិតនៅក្នុងពូល B ត្រូវប្រកួតបើកឆាកជាមួយ U21 សិង្ហបុរីនាថ្ងៃទី២៨ មេសា មុនជួប U21 ឡាវ នៅថ្ងៃទី៣០ មេសា ដែលជាជំនួបចុងក្រោយប្រចាំពូលនៃពានរង្វាន់ស្តេចព្រុយណេ Hassanal Bolkiah Trophy ប្រចាំឆ្នាំ២០១៨។ លោក ប្រាក់ សុវណ្ណារ៉ា គ្រូបង្វឹកក្រុមជម្រើសជាតិកម្ពុជា បានដឹកនាំក្រុមកីឡាករជម្រើសជាតិអាយុក្រោម២១ឆ្នាំកម្ពុជា ទៅកាន់ប្រទេសព្រុយណេកាលពីព្រឹកថ្ងៃទី២៣ ខែមេសា ឆ្នាំ២០១៨។
ពានរង្វាន់ Hassanal Bolkiah Trophy ឆ្នាំនេះ មានក្រុមចូលរួមចំនួន៧ ដោយបែងចែកជាពីរពូល។ ក្នុងនោះពូល A មានម្ចាស់ផ្ទះព្រុយណេ មីយ៉ាន់ម៉ា ថៃ និងទីម័រខាងកើត ខណៈពូល B មានកម្ពុជា ឡាវ និងសិង្ហបុរី។ ពានរង្វាន់នេះគ្រោងចាប់ផ្តើមនៅថ្ងៃទី២៣ មេសា និងបញ្ចប់នៅថ្ងៃទី៥ ឧសភា ឆ្នាំ២០១៨។
កីឡាករកម្ពុជាទាំង២២រូបរួមមាន៖ អ្នកចាំទី៖ កែវ សុខសិលា, ជា វណ្ណសាក់, ខ្សែប្រយុទ្ធ៖ ឃួន ឡាបូរ៉ាវី, កាន់ ពិសាល, ណារ៉ុង កក្កដា, ម៉ាត់ នូរុណ, ខ្សែបម្រើ៖ សុះ ស៊ូហាណា, ស៊ិន កក្កដា, ប្រាក់ ធីវ៉ា, អ៊ិន សូដាវីដ, អ៊ន ចាន់ប៉ូលីន, គន្ធា រ៉ាវ៉ាន់, សេត រ៉ស៊ីប, សុខ ហៀង, ឡុង ភារ៉ាត់ ខ្សែការពារ៖ សឿត បារាំង, យ៉ើ សាហ្វី, អ៊ុក សុវណ្ណ, ប្រាក់ សុវណ្ណពិសិដ្ឋ, សឿយ វិសាល, លី វ៉ាហេទ និង ឆេង ម៉េង៕
Tag:
Hassanal Bolkiah Trophy
U21
ព្រុយណេ
© រក្សាសិទ្ធិដោយ thmeythmey.com