ជាតិ
សង្គមជាតិ
ជប៉ុននឹងផ្ដល់គ្រឿងចក្របោសសម្អាតមីនតម្លៃជិត៥លានដុល្លារដល់កម្ពុជា
× ជប៉ុន បានផ្ដល់ជំនួយឥតសំណងជាគ្រឿងចក្រកម្ចាត់មីន មកកម្ពុជា ដែលមានតម្លៃទឹកប្រាក់ជិត ៥លានដុល្លារអាមេរិក។ ការផ្ដល់ជំនួយនេះ គឺដើម្បីចូលរួម នឹងពន្លឿនផែនការសម្អាតមីន ប្រចាំឆ្នាំ២០១៨ ដែលស៊ីម៉ាក់បានកំណត់ទុក។
គ្រឿងចក្រកម្ទេចមីនធន់ធ្ងន់ ចំនួន ៥គ្រឿង និងសម្ភារបច្ចេកទេស គាំទ្រការបោសសម្អាតមីនមួយចំនួនទៀត ដែលគិតជាទឹកប្រាក់ជិត៥លានដុល្លារ ត្រូវបានជប៉ុន ផ្ដល់ជាជំនួយឥតសំណងដល់កម្ពុជា ដើម្បីចូលរួមសកម្មភាពកម្ចាត់មីនរបស់ស៊ីម៉ាក់នៅកម្ពុជា។
បើតាម លោក ហេង រតនាអគ្គនាយក មជ្ឈមណ្ឌលកម្ចាត់មីនកម្ពុជា (ស៊ីម៉ាក់) ពិធីផ្តល់ជាផ្លូវការ នឹងប្រារព្ធធ្វើនៅថ្ងៃទី៨ ខែឧសភា នៅទីបញ្ជាការស៊ីម៉ាក់ ខេត្តបាត់ដំបង ក្រោមវត្តមាន លោក ហ៊ុន ម៉ាណែត និងលោក Horinouchi Hidehisa ឯកអគ្គរដ្ឋទូតជប៉ុនប្រចាំនៅកម្ពុជា។
ឆ្នាំ២០១៨នេះ ស៊ីម៉ាក់ មានផែនការបោសសម្អាតផ្ទៃដីចម្ការមីន ឲ្យបាន ១២០គីឡូម៉ែត្រការ៉េ ដែលត្រូវការជំនួយប្រមាណ ១៨លានដុល្លារអាមេរិក៕
Tag:
សង្គម
មីន
ជំនួយ
គ្រឿងចក្រ
© រក្សាសិទ្ធិដោយ thmeythmey.com