ពីនេះ ពីនោះ
ព័ត៍មានសុខភាព
×![]()
ដោយ: ថ្មីៗ
បន្ថែមជាតិស័ង្គសីក្នុងរបបអាហារ
ខ្ទឹមបារាំង និងខ្ទឹមសគឺជាជំនួយដ៏ល្អក្នុងការធ្វើម្ហូប និងក្នុងបន្ទប់គេង។ វាជួយមនុស្សប្រុសក្នុងការបង្កើនមេជីវិតឈ្មោកាន់តែច្រើន និងគុណភាពល្អ។ ទាំងពីរនេះនឹងបង្កើនអ័រម៉ូនភេទប្រុសតេស្តូស្តេរ៉ូនបាន។ អាហារទាំងពីរប្រភេទនេះមានសារធាតុគីមីបែបធម្មជាតិខ្ពស់មួយឈ្មោះថា Flavonoids ដែលជាអ្នកជួយការពារមេជីវិតឈ្មោលកុំឲ្យខូចខាតបាន។
ញ៉ាំប្រូតេអ៊ីន
សាច់គោគ្មានខ្លាញ់ សាច់មាន់ ត្រី និងស៊ុតគឺជាជម្រើសដែលអ្នកអាចរកបាន។ តៅហ៊ូ សណ្តែក និងគ្រាប់ធញ្ញជាតិក៏មានប្រូតេអ៊ីនច្រើនដែរ។ ចូរព្យាយាមញ៉ាំប្រូតេអ៊ីន ១៤១ ទៅ ១៧០ក្រាមក្នុងមួយថ្ងៃ ថ្វីបើចំនួនដ៏ត្រឹមត្រូវសម្រាប់មនុស្សម្នាក់ៗអាស្រ័យទៅតាមអាយុ ភេទ និងរបៀបដែលអ្នកមានភាពសកម្មរាងកាយប៉ុណ្ណាដែរ។ នៅពេលអ្នកមិនបានញ៉ាំអាហារនេះគ្រប់គ្រាន់ទេ រាងកាយនឹងបង្កើតសារធាតុមួយច្រើនដែលទៅតោងជាមួយអ័រម៉ូនភេទ រហូតដល់កាត់បន្ថយចំនួនរបស់វាធ្វើការសម្រាប់រាងកាយតែម្តង។
ត្រី
ត្រីសម្បូរខ្លាញ់ដូចជា ត្រីសាលម៉ុន និងធូណា គឺសម្បូរទៅដោយវីតាមីន D។ វាគឺជាសារធាតុបង្កើនចំនួនអ័រម៉ូនតេស្តូស្តេរ៉ុនបែបធម្មជាតិមួយ ព្រោះតែវាធ្វើការដ៏សំខាន់ក្នុងការផលិតអ័រម៉ូន។
ម៉ាញ៉េស្យូម
ជាតិរ៉ែមួយនេះនឹងទៅទប់ស្កាត់ប្រូតេអ៊ីនមួយប្រភេទកុំឲ្យទៅតោងអ័រម៉ូនតេស្តូស្តេរ៉ូនបាន។ ដូច្នេះវានឹងកើនចំនួនអ័រម៉ូនភេទចរាចរណ៍ក្នុងឈាមអ្នកបាន។ ស្ពៃស្ពីណាចផ្ទុកទៅដោយសារធាតុមួយនេះច្រើនណាស់។ ផ្លែអាលម៉ុន គ្រាប់ផ្លែស្វាយចន្ទី និងសណ្តែកដីក៏ជាប្រភពដ៏ល្អដែរ។
អយស្ទើរ
មានហេតុផលមួយដែលថា អាហារប្រភេទសម្បកក្រាសៗបែបនេះត្រូវបានគេដឹងថា ជាអាហារដ៏អស្ចារ្យសម្រាប់សមត្ថភាពជួយឲ្យឆាប់មានកូន។ អយស្ទើរផ្ទុកទៅដោយជាតិស័ង្គសីច្រើនរហូតដល់ច្រើនជាងតម្រូវការប្រចាំថ្ងៃរបស់មនុស្សយើង ៥ដងឯណោះ។ ជាតិរ៉ែមួយនេះនឹងជួយរាងកាយក្នុងការផលិតអ័រម៉ូនតេស្តូស្តេរ៉ូន។ អ្នកក៏អាចទទួលបានសារធាតុនេះពីក្នុងសណ្តែក និងសាច់គោដែរ។
ផ្លែទទឹម
ចូរចាប់ផ្តើមថ្ងៃថ្មីជាមួយនឹងទឹកផ្លែទទឹមមួយកែវទៅ ព្រោះវាអាចជួយបន្ថយស្ត្រេសអ័រម៉ូន ហើយក៏ជួយបង្កើនចំនួនអ័រម៉ូនភេទបានដែរ។ វាក៏អាចជួយបញ្ចុះសម្ពាធឈាម និងធ្វើឲ្យមានអារម្មណ៍ល្អថែមទៀត។
កាត់បន្ថយស្រាបៀរ
ការដែលញ៉ាំគ្រឿងស្រវឹងជាទៀងទាត់ ៥ថ្ងៃជាប់គ្នាគឺគ្រប់គ្រាន់ក្នុងការបន្ថយចំនួនអ័រម៉ូនតេស្តូស្តេរ៉ុនហើយ។ គ្រឿងស្រវឹងប្រហែលជាប៉ះពាល់ច្រើនដល់រាងកាយជាងអ័រម៉ូនភេទនេះតែមួយទៅទៀត។ ការញ៉ាំគ្រឿងស្រវឹងច្រើនៗអាចធ្វើឲ្យពងស្វាសទៅជាស្វិត ពុកមាត់ដុះតិច ហើយអាចធ្វើឲ្យអ័រម៉ូនភេទស្រីកើនច្រើនទៀតផង។
ប្រើប្រាស់កែវជាងប្រើផ្លាស្ទិច
ចូរប្រុងប្រយ័ត្នអំពីអ្វីដែលអ្នកទុកដាក់សម្រាប់ញ៉ាំថ្ងៃក្រោយ។ សារធាតុ Bisphenol-A (BPA) គឺជាសារធាតុគីមីមួយប្រភេទដែលមានក្នុងផលិតផលផ្លាស្ទិច កំប៉ុង និងរបស់វិចខ្ចប់អាហារមួយចំនួន។ វាអាចរំខានជាមួយនឹងដំណើរការណ៍ផលិតអ័រម៉ូនក្នុងខ្លួនបាន។ រយៈពេល ៦ខែក្រោយ បុរសដែលធ្វើការនៅជុំវិញ BPA រាល់ថ្ងៃ គឺមានចំនួនអ័រម៉ូនភេទប្រុសតិចជាងបុរសដែលមិនបានធ្វើការជាមួយ។
បង្កើតភាពរឹងមាំ
ចូរផ្តោតសំខាន់ទៅលើការហ្វឹកហាត់សាច់ដុំ។ ចូរប្រើវិធីលើកទម្ងន់ជាការហាត់ប្រាណ ព្រោះវាអាចជួយអ្នកក្នុងការបង្កើតសាច់ដុំកាន់តែរឹងមាំផង ផ្តល់សុខភាពផង។ ការហាត់ប្រាណប្រភេទ Cardio មានប្រយោជន៍របស់វាមែន តែវាមិនអាចបង្កើនចំនួនអ័រម៉ូនភេទដូចការហាត់ប្រាណបង្កើនសាច់ដុំឡើយ។
គេងគ្រប់គ្រាន់
រាងកាយអ្នកអាចបង្កើនចំនួនអ័រម៉ូនតេស្តូស្តេរ៉ូនបាននៅពេលគេងលក់។ ចំនួនរបស់អ័រម៉ូននេះនឹងឡើងដល់កំពូលនៅពេលអ្នកចាប់ផ្តើមសុបិន្ត និងនៅដដែលរហូតដល់ភ្ញាក់ឡើង។ នៅពេលថ្ងៃ អ័រម៉ូនតេស្តូស្តេរ៉ូនអាចធ្លាក់ចុះ ១៥ភាគរយ នៅពេលអ្នកគ្រាន់តែគេងបាន ៥ម៉ោង។ ដូច្នេះយកល្អគួរតែគេងពី ៧ ទៅ៨ម៉ោងជារៀងរាល់យប់៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
