រថយន្ត
អន្តរជាតិ
Uber បង្ហាញពីគំរូ eCRM-003 UberAIR នាវេទិកា Elevate Summit កាលពីថ្ងៃទី៨ ខែឧសភា។ រូបថត AFP
×![]()
ដោយ: ធីតា
Uber បានប្រកាសពីគម្រោងរថយន្តតាក់ស៊ី «ហោះ» (Flying Taxi) នៅចាប់ពីឆ្នាំ២០២៣ ខាងមុខ។ នាជំនួបប្រចាំឆ្នាំលើកទីពីរ Elevate Summit នៅ Los Angeles សហរដ្ឋអាមេរិក កាលពីពេលថ្មីៗកន្លងមក ក្រុមហ៊ុនផ្តល់សេវាហៅរថយន្តតាក់ស៊ីតាមប្រព័ន្ធបច្ចេកវិទ្យាមួយនេះ បានអះអាងថា គម្រោងខ្លួនទទួលបានកិច្ចសហប្រតិបត្តិការពីភ្នាក់ងារអវកាសណាសា (NASA)។
សេវាកម្មតាក់ស៊ីលើអាកាស UberAIR ត្រូវបានផ្តួចផ្តើមឡើងតាំងពីខែមេសា ឆ្នាំ២០១៧ មកម្ល៉េះ ហើយក្រុមហ៊ុន Uber បោះជំហានទៅមុខជានិច្ចចំពោះគម្រោងបច្ចេកវិទ្យាថ្មីរបស់ខ្លួនមួយនេះ។ នាកិច្ចប្រជុំ Elevate Summit កាលពីពេលថ្មីកន្លងមក Uber គម្រោងធ្វើសាកល្បងនៅ Dallas និង Los Angeles នាឆ្នាំ២០២០ ហើយនឹងដំណើរផ្លូវការនៅឆ្នាំ២០២៣ ។
ក្នុងនាមជាដៃគូសហការ អង្គការណាសា នឹងជួយអភិវឌ្ឍន៍ប្រព័ន្ធចរាចរណ៍នៅលើផ្លូវអាកាស និងលក្ខខណ្ឌផ្សេងៗ ខណៈគំរូរថយន្តមិនទាន់ត្រូវបានកំណត់ច្បាស់លាស់នោះឡើយ ដែលអាចមានរាងដូចយន្តហោះបញ្ជា (Drone) ឬក៏ឧទ្ធម្ភាគចក្រ។
តាមគម្រោង UberAIR អាចហោះហើរលើកម្ពស់រវាង៣០០ម៉ែត្រ និង៦០០ម៉ែត្រ ក្នុងល្បឿនប្រមាណ៣២០គីឡូម៉ែត្រក្នុង១ម៉ោង ដោយអាចផ្ទុកមនុស្ស៤នាក់។ លោក Dara Khosrowshahi អគ្គនាយក Uber បានបញ្ជាក់ថា៖ «យើងបង្កើតសេវាកម្មសម្រាប់មនុស្សទាំងអស់គ្នា ដែលមានលទ្ធភាពជិះតាក់ស៊ីហោះ ក្នុងរយៈចម្ងាយឆ្ងាយ ជាមួយនឹងតម្លៃសមរម្យ»។
.Uber មិនមែនជាក្រុមហ៊ុនដំបូងដែលប្រកាសពីគម្រោងសេវាកម្មរថយន្តហោះនោះឡើយ ក្រុមហ៊ុនស្លូវ៉ាគី AeroMobil បានលើកឡើងផងដែរពីការអភិវឌ្ឍន៍រថយន្តហោះ ដែលមានទម្រង់ដូចជាយន្តហោះ។ ជាមួយគ្នានេះ ក្រុមហ៊ុន Cora ដែលទទួលបានហិរញ្ញវត្ថុពីសហស្ថាបនិក Google លោក Larry Page ក៏ត្រៀមខ្លួនប្រជែងលើសេវាកម្មបច្ចេកវិទ្យាទំនើបនេះផងដែរ៕
សេវាកម្មតាក់ស៊ីលើអាកាស UberAIR ត្រូវបានផ្តួចផ្តើមឡើងតាំងពីខែមេសា ឆ្នាំ២០១៧ មកម្ល៉េះ ហើយក្រុមហ៊ុន Uber បោះជំហានទៅមុខជានិច្ចចំពោះគម្រោងបច្ចេកវិទ្យាថ្មីរបស់ខ្លួនមួយនេះ។ នាកិច្ចប្រជុំ Elevate Summit កាលពីពេលថ្មីកន្លងមក Uber គម្រោងធ្វើសាកល្បងនៅ Dallas និង Los Angeles នាឆ្នាំ២០២០ ហើយនឹងដំណើរផ្លូវការនៅឆ្នាំ២០២៣ ។
ក្នុងនាមជាដៃគូសហការ អង្គការណាសា នឹងជួយអភិវឌ្ឍន៍ប្រព័ន្ធចរាចរណ៍នៅលើផ្លូវអាកាស និងលក្ខខណ្ឌផ្សេងៗ ខណៈគំរូរថយន្តមិនទាន់ត្រូវបានកំណត់ច្បាស់លាស់នោះឡើយ ដែលអាចមានរាងដូចយន្តហោះបញ្ជា (Drone) ឬក៏ឧទ្ធម្ភាគចក្រ។
តាមគម្រោង UberAIR អាចហោះហើរលើកម្ពស់រវាង៣០០ម៉ែត្រ និង៦០០ម៉ែត្រ ក្នុងល្បឿនប្រមាណ៣២០គីឡូម៉ែត្រក្នុង១ម៉ោង ដោយអាចផ្ទុកមនុស្ស៤នាក់។ លោក Dara Khosrowshahi អគ្គនាយក Uber បានបញ្ជាក់ថា៖ «យើងបង្កើតសេវាកម្មសម្រាប់មនុស្សទាំងអស់គ្នា ដែលមានលទ្ធភាពជិះតាក់ស៊ីហោះ ក្នុងរយៈចម្ងាយឆ្ងាយ ជាមួយនឹងតម្លៃសមរម្យ»។
.Uber មិនមែនជាក្រុមហ៊ុនដំបូងដែលប្រកាសពីគម្រោងសេវាកម្មរថយន្តហោះនោះឡើយ ក្រុមហ៊ុនស្លូវ៉ាគី AeroMobil បានលើកឡើងផងដែរពីការអភិវឌ្ឍន៍រថយន្តហោះ ដែលមានទម្រង់ដូចជាយន្តហោះ។ ជាមួយគ្នានេះ ក្រុមហ៊ុន Cora ដែលទទួលបានហិរញ្ញវត្ថុពីសហស្ថាបនិក Google លោក Larry Page ក៏ត្រៀមខ្លួនប្រជែងលើសេវាកម្មបច្ចេកវិទ្យាទំនើបនេះផងដែរ៕
© រក្សាសិទ្ធិដោយ thmeythmey.com
