ជិត៤០ឆ្នាំ អ្នករងគ្រោះដោយសារមីន មានជាង៦ម៉ឺននាក់

ជាតិ

ជិត៤០ឆ្នាំ អ្នករងគ្រោះដោយសារមីន មានជាង៦ម៉ឺននាក់

17, May 2018 , 5:38 pm

រូបភាព

ដោយ: ថ្មីៗ

ដោយគិតត្រឹមឆ្នាំ១៩៧៩ មកដល់ឆ្នាំ២០១៧ មានជនរងគ្រោះចំនួន៦៤,៦៨៨នាក់ ដែលរងគ្រោះដោយសារគ្រាប់មីន និងសំណល់ជាតិផ្ទុះពីសម័យសង្គ្រាមនៅកម្ពុជា។ នេះបើតាមខ្លឹមសារក្នុងសុទ្ទរកថារបស់សម្តេច ហ៊ុន សែន ប្រមុខរដ្ឋាភិបាលកម្ពុជា ដែលបានឡើងអានក្នុងពិធីបិទសន្និបាតជាតិស្តីពីសកម្មភាពកម្ចាត់មីន នៅរសៀលថ្ងៃទី១៧ ខែឧសភា ឆ្នាំ២០១៨។

សម្តេច ហ៊ុន សែន ឡើងអានសុទ្ទរកថា។ រូបពីហ្វេសបុកសម្តេច ហ៊ុន សែន

សម្តេច ហ៊ុន សែន លើកឡើងថា ក្នុងរយៈពេលកន្លងមកនេះ កម្ពុជា បានទទួលជោគជ័យជាច្រើន ក្នុងការកម្ចាត់មីន និងសំណល់ជាតិផ្ទុះពីសម័យសង្គ្រាម។ ប្រមុខរដ្ឋាភិបាល ថ្លែងយ៉ាងដូច្នេះថា៖«គ្រាប់មីនប្រឆាំងមនុស្សជាង១លានគ្រាប់ មីនប្រឆាំងរថក្រោះ២ម៉ឺន៥ពាន់ និងសំណល់ជាតិផ្ទុះពីសង្គ្រាមជាង២លានគ្រាប់ ត្រូវបានរកឃើញ និងបំផ្លាញចោល»៕