ពីនេះ ពីនោះ
ចាស់ៗ នៅតែមិនទាន់ច្បាស់ពាក្យ «Idol» នេះ?
× ពាក្យ «Idol» ដែលសរសេរជាភាសាខ្មែរ អាយដល គឺជាពាក្យដែលយុវជនសម័យថ្មី យកមកប្រើប្រាស់ សម្រាប់ហៅទៅលើ ជនណាម្នាក់ដែល អស្ចារ្យ ដែលជាទីគោរពស្រឡាញ់ រាប់អាន ជាដើម។ Idol នេះ បើអ្នកដែលចេះភាសាអង់គ្លេស ប្រាកដជាដឹង។ តែបើចាស់ៗ ដែលមិនបានរៀនភាសាអង់គ្លេស នៅតែមានចម្ងល់ទៅលើពាក្យនេះ។
«Idol» ជាភាសាអង់គ្លេស ចង់បញ្ជាក់ថា ជាមនុស្សដែលខ្លួនចង់ឲ្យដូច ឬជាមនុស្សដែលគេសរសើរ និងគាំទ្រ។ ទោះបី ពាក្យ Idol មិនមែនជាពាក្យខ្មែរ ប៉ុន្តែ ស្រទាប់យុវជនសម័យថ្មីនេះពេញនិយមប្រើពាក្យនេះ ចំពោះតែ បុគ្គលដែលល្បីៗ បុគ្គលដែលគេចូលចិត្ត ស្រឡាញ់ ដូចជា តារាចម្រៀងល្បីៗ, តារា Original Songs, បុគ្គលដែលមានទេពកោសល្យប្លែក ឬបុគ្គលដែលមានភាពរាក់ទាក់ ជាដើម។
ពាក្យ Idol មិនមាននៅក្នុងវចនានុក្រមខ្មែរពិតមែន តែយុវជនសម័យបច្ចេកវិជ្ជា នៅតែចងចាំពាក្យនេះទុក ហាក់បីដូចជា ចងចាំបុគ្គលដែលខ្លួនពេញចិត្តអ៊ីចឹង។ ពាក្យជាភាសាបរទេសផ្សេងទៀត ដែលយុវជនយកមកប្រើប្រាស់ មានដូចជា Drama, Cute, Honey, Bro and Sis ។ល។
© រក្សាសិទ្ធិដោយ thmeythmey.com