FIFA
កីឡាអន្តរជាតិ
អន្តរជាតិ
ប្រធានក្រុមបារាំង អូស្ត្រាលី និងដាណឺម៉ាក សរសេរទៅ FIFA សុំឲ្យ Guerrero បានលេង World Cup
×![]()
ដោយ: ទេព ពិទូរ្យ
ប្រធានក្រុមកីឡាករបាល់ទាត់ជម្រើសជាតិ៣រូបដែលមានឈ្មោះទៅ World Cup នៅរុស្ស៊ីគាំទ្រឲ្យសហព័ន្ធកីឡាបាល់ទាត់អន្តរជាតិ (FIFA) បញ្ចប់ការហាមឃាត់លើកីឡាករ Paolo Guerrero ខ្សែប្រយុទ្ធរបស់ប៉េរូ ដែលត្រូវបានរកឃើញថាមានផ្ទុកសារធាតុហាមឃាត់។
Guerrero ត្រូវបានហាមឃាត់ក្នុងសកម្មភាពកីឡាបាល់ទាត់រយៈពេល ១៤ ខែ កាលពីថ្ងៃទី១៤ ខែឧសភាពីសំណាក់តុលាការអាជ្ញាកណ្តាលកីឡា (CAS) ក្រោយធ្វើតេស្តរកឃើញថាមានផ្ទុកសារធាតុកូកាអ៊ីន ដែលនឹងធ្វើឲ្យរូបគេខកខានទៅចូលរួមជាមួយក្រុមជម្រើសជាតិប៉េរូក្នុងការប្រកួតបាល់ទាត់ពិភពលោកនៅរុស្ស៊ីខែក្រោយនេះ។
បើតាមការផ្សាយរបស់ទីភ្នាក់ងារព័ត៌មាន Rertuers ប្រធានក្រុមរបស់ក្រុមជម្រើសជាតិបារាំងអ្នកចាំទី Hugo Lloris និងខ្សែបម្រើ Mile Jedinak ប្រធានក្រុមអូស្ដ្រាលី រួមទាំងប្រធានក្រុមដាណឺម៉ាក Simon Kjaer បានផ្ញើលិខិតរួមគ្នាទៅកាន់ FIFA ថាការហាមឃាត់នេះគឺមិនសមហេតុផលឡើយ និងទាមទារឲ្យបញ្ឈប់ការដាក់បម្រាមនេះវិញដើម្បីឲ្យ Guerrero បានលេងនៅ World Cup។
«តាមទស្សនៈរបស់យើងវាពិតជាខុសឆ្គងណាស់ក្នុងការដកគាត់ចេញពីព្រឹត្តិការណ៍លំដាប់ពិភពលោកជាលើកដំបូងក្នុងអាជីពរបស់គាត់»។ Jedinak, Kjaer និង Lloris បាននិយាយដូច្នេះនៅក្នុងលិខិតមួយដែលចេញផ្សាយដោយ FIFPro។
ប្រធានក្រុមទាំងបីនាក់នេះបានបន្ថែមទៀតថា ខ្សែប្រយុទ្ធ និងជាប្រធានក្រុមរបស់ប៉េរូរូបនេះ គួរតែត្រូវបានអនុញ្ញាតឲ្យចូលលេងក្នុងការប្រកួតនៅរុស្ស៊ីសិន រួចសឹមបន្តការហាមប្រាមបន្តទៀត ហើយនេះជាដំណោះស្រាយល្អបំផុត។
ខ្សែប្រយុទ្ធវ័យ៣៤ឆ្នាំរបស់ក្រុម Flamengo នៃក្របខណ្ឌកំពូលប្រេស៊ីល ស្ថិតក្នុងបញ្ជីសមាសភាពកីឡាករ ២៥នាក់របស់គ្រូបង្វឹកប៉េរូលោក Ricardo Gareca ទៅកាន់ World Cup លើកទី២២។
ក្រុមជម្រើសជាតិប៉េរូ ស្ថិតក្នុងពូល C ដែលត្រូវប៉ះក្រុមខ្លាំងបារាំង អូស្ត្រាលី និងដាណឺម៉ាក។ ការប្រកួតដំបូងរបស់ពួកគេនឹងត្រូវជួបដាណឺម៉ាកនៅថ្ងៃទី១៦ ខែមិថុនា វេលាម៉ោង ១១យប់ (ម៉ោងនៅកម្ពុជា)៕
Guerrero ត្រូវបានហាមឃាត់ក្នុងសកម្មភាពកីឡាបាល់ទាត់រយៈពេល ១៤ ខែ កាលពីថ្ងៃទី១៤ ខែឧសភាពីសំណាក់តុលាការអាជ្ញាកណ្តាលកីឡា (CAS) ក្រោយធ្វើតេស្តរកឃើញថាមានផ្ទុកសារធាតុកូកាអ៊ីន ដែលនឹងធ្វើឲ្យរូបគេខកខានទៅចូលរួមជាមួយក្រុមជម្រើសជាតិប៉េរូក្នុងការប្រកួតបាល់ទាត់ពិភពលោកនៅរុស្ស៊ីខែក្រោយនេះ។
បើតាមការផ្សាយរបស់ទីភ្នាក់ងារព័ត៌មាន Rertuers ប្រធានក្រុមរបស់ក្រុមជម្រើសជាតិបារាំងអ្នកចាំទី Hugo Lloris និងខ្សែបម្រើ Mile Jedinak ប្រធានក្រុមអូស្ដ្រាលី រួមទាំងប្រធានក្រុមដាណឺម៉ាក Simon Kjaer បានផ្ញើលិខិតរួមគ្នាទៅកាន់ FIFA ថាការហាមឃាត់នេះគឺមិនសមហេតុផលឡើយ និងទាមទារឲ្យបញ្ឈប់ការដាក់បម្រាមនេះវិញដើម្បីឲ្យ Guerrero បានលេងនៅ World Cup។
«តាមទស្សនៈរបស់យើងវាពិតជាខុសឆ្គងណាស់ក្នុងការដកគាត់ចេញពីព្រឹត្តិការណ៍លំដាប់ពិភពលោកជាលើកដំបូងក្នុងអាជីពរបស់គាត់»។ Jedinak, Kjaer និង Lloris បាននិយាយដូច្នេះនៅក្នុងលិខិតមួយដែលចេញផ្សាយដោយ FIFPro។
ប្រធានក្រុមទាំងបីនាក់នេះបានបន្ថែមទៀតថា ខ្សែប្រយុទ្ធ និងជាប្រធានក្រុមរបស់ប៉េរូរូបនេះ គួរតែត្រូវបានអនុញ្ញាតឲ្យចូលលេងក្នុងការប្រកួតនៅរុស្ស៊ីសិន រួចសឹមបន្តការហាមប្រាមបន្តទៀត ហើយនេះជាដំណោះស្រាយល្អបំផុត។
ខ្សែប្រយុទ្ធវ័យ៣៤ឆ្នាំរបស់ក្រុម Flamengo នៃក្របខណ្ឌកំពូលប្រេស៊ីល ស្ថិតក្នុងបញ្ជីសមាសភាពកីឡាករ ២៥នាក់របស់គ្រូបង្វឹកប៉េរូលោក Ricardo Gareca ទៅកាន់ World Cup លើកទី២២។
ក្រុមជម្រើសជាតិប៉េរូ ស្ថិតក្នុងពូល C ដែលត្រូវប៉ះក្រុមខ្លាំងបារាំង អូស្ត្រាលី និងដាណឺម៉ាក។ ការប្រកួតដំបូងរបស់ពួកគេនឹងត្រូវជួបដាណឺម៉ាកនៅថ្ងៃទី១៦ ខែមិថុនា វេលាម៉ោង ១១យប់ (ម៉ោងនៅកម្ពុជា)៕
Tag:
បាល់ទាត់
FIFA World Cup
ប៉េរូ
GroupC
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
