អន្តរជាតិ
ជំនួបស្លាប់មុនកើតរបស់លោក ត្រាំ និងលោក គីម ធ្វើឲ្យសណ្ឋាគារនៅសិង្ហបុរីខកចិត្តមិនស្ទើរ
រូបភាព AP
×![]()
ដោយ: តន ចាន់រិទ្ធារ៉ា
ចុងក្រោយ ជំនួបរវាងប្រធានាធិបតី ដូណាល់ ត្រាំ និងមេដឹកនាំកំពូលកូរ៉េខាងជើង គីម ជុងអ៊ុន ត្រូវលុបចោលទាំងមិនទាន់លេចជារូបរាង។ នៅសិង្ហបុរីឯណោះ ការរៀបចំទទួលភ្ញៀវពិសេសទាំងពីរ និងប្រតិភូ ក៏ដូចជាអ្នកសារព័ត៌មានអន្តរជាតិ ដែលបានធ្វើឡើងជាបណ្ដើរៗទៅហើយនោះ បានផ្អាកសកម្មភាពទៅវិញ។ បណ្ដាសណ្ឋាគារនានាក៏បានបញ្ចេញបន្ទប់ដែលត្រៀមសម្រាប់អ្នកចូលរួមជំនួបពិសេសនេះដែរ។
ជំនួបស្លាប់មុនកើតរវាងលោក ដូណាល់ ត្រាំ និងលោក គីម ជុងអ៊ុន ហាក់ធ្វើឲ្យខកចិត្តមិនស្ទើរឡើយ។ ប៉ុន្មានម៉ោងក្រោយលោក ត្រាំ ប្រកាសលុបចោលជំនួបនេះ មន្ត្រីប៉ូលិសសិង្ហបុរីដែលទទួលបញ្ជាឲ្យបំពេញភារកិច្ចការពារក្នុងជំនួបនេះ ត្រូវបានប្រាប់ថា ពួកគេមានសិទ្ធិសុំច្បាប់សម្រាកវិញ។ នេះបើតាមការផ្សាយរបស់សារព័ត៌មាន Straits Times ដែលបន្តថា ការណែនាំចេញផ្សាយនៅថ្ងៃទី២៥ ខែឧសភា។
ជាមួយគ្នានេះ សណ្ឋាគារធំៗដែលបានរក្សាទុកបន្ទប់ដើម្បីទទួលភ្ញៀវដែលចូលរួមជំនួបលើកដំបូងនេះ ក៏បានបង្វិលបន្ទប់ទាំងនោះសម្រាប់ការទទួលភ្ញៀវធម្មតាវិញដែរ។ នេះក៏ព្រោះតែសណ្ឋាគារទាំងនោះរំពឹងថា ចំនួនភ្ញៀវនឹងកើនឡើងខ្លាំងក្នុងពេលជំនួបប្រវត្តិសាស្ត្ររវាងមេដឹកនាំអាមេរិក និងកូរ៉េខាងជើង។ សណ្ឋាគារធំពីររបស់សិង្ហបុរី Marina Bay Sands និង The Shangri-La Hotel ដែលអាចជាទីតាំងធ្វើម្ចាស់ផ្ទះនោះ ក៏បានចាត់វិធានការមុនពេលការប្រកាសលុបចោលជំនួបនេះទៅទៀត។
យ៉ាងណាមិញ បណ្ដាសណ្ឋាគារទាំងនោះមិនទទួលផលប៉ះពាល់ខ្លាំងពីការលុបចោលជំនួបនេះឡើយ។ បើតាមប្រភពព័ត៌មានខាងលើ អ្នកជំនាញខ្លះនិយាយថា ភាពមិនច្បាស់លាស់ក្នុងវិស័យនេះជារឿងធម្មតាប៉ុណ្ណោះ។ ជាធម្មតា ដរាបណាមិនទាន់ការកក់បន្ទប់ទុកនោះ គេមិនអាចដឹងច្បាស់ពីពីតម្រូវការជាក់ស្ដែងឡើយ ដូច្នេះការរក្សាទុកបន្ទប់ទុក ត្រូវពឹងផ្អែកលើនិន្នការពីមុនៗមកដើម្បីវាស់ស្ទង់តម្រូវការទាំងនេះ។
តាមពិតទៅ បន្ទាប់ពីការប្រកាសជ្រើសរើសយកសិង្ហបុរីជាម្ចាស់ផ្ទះមក ការរៀបចំការចរចាដ៏ធំនេះត្រូវបានធ្វើឡើងភ្លាមតែម្ដង។ អាមេរិក និងសិង្ហបុរីក៏បានចេញសេចក្ដីប្រកាសព័ត៌មានទទួលចុះឈ្មោះអ្នកសារព័ត៌មានដែលចង់រាយការណ៍ពីជំនួបចរចាលើកដំបូងនេះទៀតផង។
សូមបញ្ជាក់ថា លោក ដូណាល់ ត្រាំ នៅថ្ងៃទី២៤ ខែឧសភា បានសរសេរសំបុត្រមួយច្បាប់ផ្ញើទៅកាន់លោក គីម ជុងអ៊ុន ប្រធានគណៈកម្មការកិច្ចការរដ្ឋនៃកូរ៉េខាងជើង ដើម្បីជូនដំណឹងពីការលុបចោលជំនួបនៅសិង្ហបុរី។ ប្រធានាធិបតីអាមេរិករូបនេះនិយាយថា៖ «ដោយផ្អែកលើកំហឹងដ៏សម្បើម និងអាកប្បកិរិយាអរិភាពជាចំហដែលស្ដែងតាមរយៈសេចក្ដីថ្លែងការណ៍ថ្មីៗនេះ ខ្ញុំមានអារម្មណ៍ថា មិនសមស្របដើម្បីមានជំនួបដែលរៀបចំជាយូរឡើយ»៕
ជំនួបស្លាប់មុនកើតរវាងលោក ដូណាល់ ត្រាំ និងលោក គីម ជុងអ៊ុន ហាក់ធ្វើឲ្យខកចិត្តមិនស្ទើរឡើយ។ ប៉ុន្មានម៉ោងក្រោយលោក ត្រាំ ប្រកាសលុបចោលជំនួបនេះ មន្ត្រីប៉ូលិសសិង្ហបុរីដែលទទួលបញ្ជាឲ្យបំពេញភារកិច្ចការពារក្នុងជំនួបនេះ ត្រូវបានប្រាប់ថា ពួកគេមានសិទ្ធិសុំច្បាប់សម្រាកវិញ។ នេះបើតាមការផ្សាយរបស់សារព័ត៌មាន Straits Times ដែលបន្តថា ការណែនាំចេញផ្សាយនៅថ្ងៃទី២៥ ខែឧសភា។
ជាមួយគ្នានេះ សណ្ឋាគារធំៗដែលបានរក្សាទុកបន្ទប់ដើម្បីទទួលភ្ញៀវដែលចូលរួមជំនួបលើកដំបូងនេះ ក៏បានបង្វិលបន្ទប់ទាំងនោះសម្រាប់ការទទួលភ្ញៀវធម្មតាវិញដែរ។ នេះក៏ព្រោះតែសណ្ឋាគារទាំងនោះរំពឹងថា ចំនួនភ្ញៀវនឹងកើនឡើងខ្លាំងក្នុងពេលជំនួបប្រវត្តិសាស្ត្ររវាងមេដឹកនាំអាមេរិក និងកូរ៉េខាងជើង។ សណ្ឋាគារធំពីររបស់សិង្ហបុរី Marina Bay Sands និង The Shangri-La Hotel ដែលអាចជាទីតាំងធ្វើម្ចាស់ផ្ទះនោះ ក៏បានចាត់វិធានការមុនពេលការប្រកាសលុបចោលជំនួបនេះទៅទៀត។
យ៉ាងណាមិញ បណ្ដាសណ្ឋាគារទាំងនោះមិនទទួលផលប៉ះពាល់ខ្លាំងពីការលុបចោលជំនួបនេះឡើយ។ បើតាមប្រភពព័ត៌មានខាងលើ អ្នកជំនាញខ្លះនិយាយថា ភាពមិនច្បាស់លាស់ក្នុងវិស័យនេះជារឿងធម្មតាប៉ុណ្ណោះ។ ជាធម្មតា ដរាបណាមិនទាន់ការកក់បន្ទប់ទុកនោះ គេមិនអាចដឹងច្បាស់ពីពីតម្រូវការជាក់ស្ដែងឡើយ ដូច្នេះការរក្សាទុកបន្ទប់ទុក ត្រូវពឹងផ្អែកលើនិន្នការពីមុនៗមកដើម្បីវាស់ស្ទង់តម្រូវការទាំងនេះ។
តាមពិតទៅ បន្ទាប់ពីការប្រកាសជ្រើសរើសយកសិង្ហបុរីជាម្ចាស់ផ្ទះមក ការរៀបចំការចរចាដ៏ធំនេះត្រូវបានធ្វើឡើងភ្លាមតែម្ដង។ អាមេរិក និងសិង្ហបុរីក៏បានចេញសេចក្ដីប្រកាសព័ត៌មានទទួលចុះឈ្មោះអ្នកសារព័ត៌មានដែលចង់រាយការណ៍ពីជំនួបចរចាលើកដំបូងនេះទៀតផង។
សូមបញ្ជាក់ថា លោក ដូណាល់ ត្រាំ នៅថ្ងៃទី២៤ ខែឧសភា បានសរសេរសំបុត្រមួយច្បាប់ផ្ញើទៅកាន់លោក គីម ជុងអ៊ុន ប្រធានគណៈកម្មការកិច្ចការរដ្ឋនៃកូរ៉េខាងជើង ដើម្បីជូនដំណឹងពីការលុបចោលជំនួបនៅសិង្ហបុរី។ ប្រធានាធិបតីអាមេរិករូបនេះនិយាយថា៖ «ដោយផ្អែកលើកំហឹងដ៏សម្បើម និងអាកប្បកិរិយាអរិភាពជាចំហដែលស្ដែងតាមរយៈសេចក្ដីថ្លែងការណ៍ថ្មីៗនេះ ខ្ញុំមានអារម្មណ៍ថា មិនសមស្របដើម្បីមានជំនួបដែលរៀបចំជាយូរឡើយ»៕
Tag:
សិង្ហបុរី
កូរ៉េខាងជើង
អាមេរិក
© រក្សាសិទ្ធិដោយ thmeythmey.com
