អន្តរជាតិ
នាយករដ្ឋមន្ត្រីជប៉ុន អាបេ គាំទ្រ ដូណាល់ ត្រាំ ដែលលុបចោលជំនួបកំពូលជាមួយ គីម ជុងអ៊ុន
×![]()
ដោយ: ថ្មីៗ
នាយករដ្ឋមន្ត្រីជប៉ុនបង្ហាញការគាំទ្រចំពោះការសម្រេចចិត្តរបស់ប្រធានាធិបតីអាមេរិកលោក ដូណាល់ត្រាំ ក្នុងការលុបចោលជំនួបជាមួយមេដឹកនាំកូរ៉េខាងជើងលោក គីម ជុងអ៊ុន។ លោកបានសន្យាបន្តដាក់សម្ពាធឲ្យដល់កម្រិតអតិបរមាលើកូរ៉េខាងជើងដើម្បីឲ្យរបបនេះបោះបង់កម្មវិធី និងអាវុធនុយក្លេអ៊ែររបស់ខ្លួននៅពេលខាងមុខដែរ។
ស្ថិតក្នុងដំណើរទៅចូលរួមប្រជុំជាមួយប្រធានាធិបតីរុស្ស៊ីលោក វ៉ា្លឌីមៀ ពូទីននៅថ្ងៃសុក្រទី ២៥ ខែឧសភានេះ នាយករដ្ឋមន្ត្រីជប៉ុនលោក ស៊ីនហ្សូ អាបេ បានប្រកាសពេញៗមាត់ថាលោកគាំទ្រពេញទំហឹងចំពោះការលុបចោលកិច្ចប្រជុំកំពូងរវាងមេដឹកនាំអាមេរិក និងកូរ៉េខាងជើងនៅខែក្រោយនោះ។
បើតាមទីភ្នាក់ងារព័ត៌មានជប៉ុន Kyodo ក្រៅពីគាំទ្រការសម្រេចចិត្តរបស់លោក ត្រាំ លោក អាបេ ក៏បានបញ្ជាក់ផងដែរថាលោកចង់ជជែកជាមួយលោក ត្រាំ តាមទូរសព្ទផងដែរជុំវិញបញ្ហាដែលកំពុងកើតឡើងនោះ។ ប៉ុន្តែលោកបានធានាថា រដ្ឋាភិបាលលោកនឹងបន្តប្រើប្រាស់ទណ្ឌកម្មដាក់សម្ពាធលើកូរ៉េខាងជើងឲ្យប្តូរឥរិយបថរបស់ខ្លួនដូចគ្នា។
រដ្ឋមន្ត្រីការបរទេសជប៉ុន Taro Kono ដែលកំពុងបំពេញទស្សនកិច្ចនៅម៉ិកស៊ិកក៏បានអះអាងផងដែរថាលោកគាំទ្រចំពោះការលុបចោលកិច្ចប្រជុំ។ នេះក៏ដោយសារ វាជារឿងគ្មានន័យបន្តិចសោះ បើសិនជាកិច្ចប្រជុំនេះរៀបចំទៅហើយគ្មានសម្រេចបានផ្លែផ្កានោះ។
ដោយឡែកពាក់ព័ន្ធនឹងការដាក់សម្ពាធនេះ លេខាគណៈរដ្ឋមន្ត្រីជប៉ុនលោក Yoshihide Suga បានប្រាប់អ្នកសារព័ត៌មានថា ជប៉ុន អាមេរិក និងកូរ៉េខាងត្បូងនឹងបន្តប្រើប្រាស់ការដាក់សម្ពាធលើកូរ៉េខាងជើង ហើយជប៉ុននឹងបន្តតាមដានស្ថានការណ៍យ៉ាងប្រុងប្រយ័ត្នជាទីបំផុតដែរ។
តាមពិតទៅ ជប៉ុនធ្លាប់បង្ហាញក្តីសង្ឃឹមថា វានឹងនាំឲ្យមានការរំសាយអាវុធនុយក្លេអ៊ែរជាអចិន្ត្រៃយ៍នៅឧបទ្វីបកូរ៉េពេលកិច្ចប្រជុំរវាងលោក ត្រាំ និងលោក គីម ជុងអ៊ុន កើតឡើងនៅខែក្រោយ។ ហើយកន្លងមកជប៉ុនក៏ធ្លាប់ទទូចឲ្យអាមេរិកលើកយកបញ្ហាចាប់ជម្រិតជនជាតិជប៉ុនដោយកូរ៉េខាងជើងចាប់ពីឆ្នាំ ១៩៧០ ដល់ឆ្នាំ ១៩៨០ ផងដែរ ពេលដែលជួបមេដឹកនាំកំពូលកូរ៉េខាងជើងនោះ។
រដ្ឋមន្ត្រីការពារជាតិជប៉ុនលោក Itsunori Onodera ឯណោះវិញក៏បានបង្ហើបដែរថា រដ្ឋាភិបាលជប៉ុននឹងសហការជាមួយសម្ព័ន្ធមិត្តអាមេរិក រួមទាំងប្រទេសជិតខាងកូរ៉េខាងត្បូងដើម្បីដាក់គំនាបលើកូរ៉េខាងជើង និងឃ្លាំមើលការដឹកជញ្ជូនទំនិញផងដែរ។ លោកសង្ឃឹមថា កូរ៉េខាងជើងនឹងធ្វើសកម្មភាពច្បាស់លាស់ក្នុងការបោះបង់អាវុធនុយក្លេអ៊ែរ និងមីស៊ីលបាលីស្ទិកផងដែរ៕
ស្ថិតក្នុងដំណើរទៅចូលរួមប្រជុំជាមួយប្រធានាធិបតីរុស្ស៊ីលោក វ៉ា្លឌីមៀ ពូទីននៅថ្ងៃសុក្រទី ២៥ ខែឧសភានេះ នាយករដ្ឋមន្ត្រីជប៉ុនលោក ស៊ីនហ្សូ អាបេ បានប្រកាសពេញៗមាត់ថាលោកគាំទ្រពេញទំហឹងចំពោះការលុបចោលកិច្ចប្រជុំកំពូងរវាងមេដឹកនាំអាមេរិក និងកូរ៉េខាងជើងនៅខែក្រោយនោះ។
បើតាមទីភ្នាក់ងារព័ត៌មានជប៉ុន Kyodo ក្រៅពីគាំទ្រការសម្រេចចិត្តរបស់លោក ត្រាំ លោក អាបេ ក៏បានបញ្ជាក់ផងដែរថាលោកចង់ជជែកជាមួយលោក ត្រាំ តាមទូរសព្ទផងដែរជុំវិញបញ្ហាដែលកំពុងកើតឡើងនោះ។ ប៉ុន្តែលោកបានធានាថា រដ្ឋាភិបាលលោកនឹងបន្តប្រើប្រាស់ទណ្ឌកម្មដាក់សម្ពាធលើកូរ៉េខាងជើងឲ្យប្តូរឥរិយបថរបស់ខ្លួនដូចគ្នា។
រដ្ឋមន្ត្រីការបរទេសជប៉ុន Taro Kono ដែលកំពុងបំពេញទស្សនកិច្ចនៅម៉ិកស៊ិកក៏បានអះអាងផងដែរថាលោកគាំទ្រចំពោះការលុបចោលកិច្ចប្រជុំ។ នេះក៏ដោយសារ វាជារឿងគ្មានន័យបន្តិចសោះ បើសិនជាកិច្ចប្រជុំនេះរៀបចំទៅហើយគ្មានសម្រេចបានផ្លែផ្កានោះ។
ដោយឡែកពាក់ព័ន្ធនឹងការដាក់សម្ពាធនេះ លេខាគណៈរដ្ឋមន្ត្រីជប៉ុនលោក Yoshihide Suga បានប្រាប់អ្នកសារព័ត៌មានថា ជប៉ុន អាមេរិក និងកូរ៉េខាងត្បូងនឹងបន្តប្រើប្រាស់ការដាក់សម្ពាធលើកូរ៉េខាងជើង ហើយជប៉ុននឹងបន្តតាមដានស្ថានការណ៍យ៉ាងប្រុងប្រយ័ត្នជាទីបំផុតដែរ។
តាមពិតទៅ ជប៉ុនធ្លាប់បង្ហាញក្តីសង្ឃឹមថា វានឹងនាំឲ្យមានការរំសាយអាវុធនុយក្លេអ៊ែរជាអចិន្ត្រៃយ៍នៅឧបទ្វីបកូរ៉េពេលកិច្ចប្រជុំរវាងលោក ត្រាំ និងលោក គីម ជុងអ៊ុន កើតឡើងនៅខែក្រោយ។ ហើយកន្លងមកជប៉ុនក៏ធ្លាប់ទទូចឲ្យអាមេរិកលើកយកបញ្ហាចាប់ជម្រិតជនជាតិជប៉ុនដោយកូរ៉េខាងជើងចាប់ពីឆ្នាំ ១៩៧០ ដល់ឆ្នាំ ១៩៨០ ផងដែរ ពេលដែលជួបមេដឹកនាំកំពូលកូរ៉េខាងជើងនោះ។
រដ្ឋមន្ត្រីការពារជាតិជប៉ុនលោក Itsunori Onodera ឯណោះវិញក៏បានបង្ហើបដែរថា រដ្ឋាភិបាលជប៉ុននឹងសហការជាមួយសម្ព័ន្ធមិត្តអាមេរិក រួមទាំងប្រទេសជិតខាងកូរ៉េខាងត្បូងដើម្បីដាក់គំនាបលើកូរ៉េខាងជើង និងឃ្លាំមើលការដឹកជញ្ជូនទំនិញផងដែរ។ លោកសង្ឃឹមថា កូរ៉េខាងជើងនឹងធ្វើសកម្មភាពច្បាស់លាស់ក្នុងការបោះបង់អាវុធនុយក្លេអ៊ែរ និងមីស៊ីលបាលីស្ទិកផងដែរ៕
Tag:
ស៊ីនហ្សូ អាបេ
ដូណាល់ ត្រាំ
គីម ជុងអ៊ុន
© រក្សាសិទ្ធិដោយ thmeythmey.com
