កីឡាអន្តរជាតិ
អន្តរជាតិ
Man Utd ត្រៀម ១៣៣លានដុល្លារ ដើម្បីយក Fred និង Alderweireld មក Old Trafford
× ក្លិប Manchester United កំពុងទាក់ទងកីឡាករពីររូបយ៉ាងស្អិតរមួតគឺ Toby Alderweireld ខ្សែការពាររបស់ Tottenham Hotspur និងខ្សែបម្រើ Fred របស់ Shakhtar Donetsk មកកាន់ទឹកដី Old Trafford។
បើតាមការផ្សាយរបស់ BBC ខ្សែការពារសញ្ជាតិបែលហ្ស៊ិក និងខ្សែបម្រើសញ្ជាតិប្រេស៊ីលទាំងពីររូបនេះនឹងត្រូវចំណាយជាង ១០០ លានផោន (ជាង១៣៣លានដុល្លារ) សម្រាប់អ្នកចាត់ការទូទៅលោក Jose Mourinho យកមកពង្រឹងក្រុមនារដូវកាលក្រោយ។
ក្លិបរហស្សនាមបិសាចក្រហមសង្ឃឹមថានឹងបញ្ចប់កិច្ចព្រមព្រៀងជាមួយ Fred ឲ្យបានមុនការប្រកួតបាល់ទាត់ពិភពលោក World Cup ដែលចាប់ផ្តើមយុទ្ធនាការខែក្រោយនេះ ខណៈ Alderweireld ដែលបានបង្ហាខ្លួនឲ្យក្រុមមាន់ខ្នាយមាសត្រឹម៦ប្រកួតក្នុងរដូវកាល ២០១៧-២០១៨ រំពឹងថានឹងមកចូលរួមជាមួយអ្នកចាត់ការសញ្ជាតិព័រទុយហ្គាល់ឆាប់ៗនេះ។
Alderweireld វ័យ២៩ឆ្នាំ និង Fred វ័យ២៥ឆ្នាំសុទ្ធតែជាប់ក្នុងបញ្ជី២៣នាក់របស់ក្រុមជម្រើសជាតិពួកគេទៅកាន់រុស្ស៊ីរៀងៗខ្លួន។
Man Utd បញ្ចប់ទៅក្នុងចំណាត់ថ្នាក់ទី២នៅ Premier League ដែលជាលទ្ធផលល្អបំផុតចាប់តាំងពីការចូលនិវត្តន៍របស់ Sir Alex Ferguson កាលពីឆ្នាំ២០១៣ ប៉ុន្តែតាមពីក្រោយក្រុមជើងឯក Manchester City រហូត១៩ពិន្ទុ និងមិនបានពានអ្វីសោះក្នុងរដូវកាលនេះ៕
Tag:
បាល់ទាត់
Manchester United
Toby Alderweireld
Fred
© រក្សាសិទ្ធិដោយ thmeythmey.com