ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
សម្តេច ហ៊ុន សែន ចំណាយថវិកាផ្ទាល់ខ្លួនជិត២០ម៉ឺនដុល្លារ លើតេក្វាន់ ITF និងប៉េតង់
28, May 2018 ,
7:59 am
រូបភាព
×
ដោយ:
នាពិធីជួបសំណេះសំណាលជាមួយថ្នាក់ដឹកនាំ គ្រូបង្វឹក និងកីឡាករជ័យលាភីជើងឯកអាស៊ីកីឡាតេក្វាន់ដូ ITF នៅម៉ុងហ្គោលីកាលពីថ្ងៃទី២២ ឧសភា នាវិមានសន្តិភាព។ សម្តេចនាយករដ្ឋមន្ត្រី ហ៊ុន សែន បានចំណាយថវិកាផ្ទាល់ខ្លួនប្រមាណជាជិត២០ម៉ឺនដុល្លារ ដើម្បីលើកទឹកចិត្តដល់ជ័យលាភីជើងឯកអាស៊ីតេក្វាន់ដូ ITF និងជើងឯកប៉េតង់ពិភពលោកនារីនៅប្រទេសចិន។ តែប្រតិភូកីឡាប៉េតង់ទាំងនេះទទួលបានថវិកាលើកទឹកចិត្តពីរដ្ឋរួចហើយ នៅឡើយតែថវិការបស់សម្តេចតែប៉ុណ្ណោះ។
សម្តេចនាយករដ្ឋមន្ត្រី ហ៊ុន សែន បានចំណាយថវិកាផ្ទាល់ខ្លួនប្រមាណជិត២០ម៉ឺនដុល្លារ ដើម្បីលើកទឹកដល់ជ័យលាភីជើងឯកអាស៊ីកីឡាតេក្វាន់ដូ ITF នៅម៉ុងហ្គោលី និងជ័យលាភីជើងឯកពិភពលោកនារីកីឡាប៉េតង់នៅប្រទេសចិន កាលពីឆ្នាំ២០១៧។ ថវិកាទាំងនេះ ត្រូវបានចំណាយលើជ័យលាភីជើងឯកអាស៊ីកីឡាតេក្វាន់ដូ ITF ដែលដណ្តើមបានមេដាយមាស៨ ប្រាក់៥ និងសំរឹទ្ធ៨ ចំនួន១៦០,៦០០ដុល្លារ និងជ័យលាភីជើងឯកពិភពលោកកីឡាប៉េតង់នៅចិន ដែលឈ្នះមេដាយមាស១ និងសំរឹទ្ធ៣ ចំនួន២១,០០០ដុល្លារ។ គួរបញ្ជាក់ថា ជ័យលាភីជើងឯកពិភពលោកកីឡាប៉េតង់ ទទួលបានថវិកាឧបត្ថម្ភពីរដ្ឋរួចហើយកាលពីពេលកន្លងទៅ។
សម្រាប់ជ័យលាភីមេដាយមាសជើងឯកអាស៊ីតេក្វាន់ដូ ITF ទទួលបានថវិកាលើកទឹកចិត្តពីសម្តេចនាយករដ្ឋមន្ត្រី ហ៊ុន សែន ចំនួន៤ពាន់ដុល្លារ ប្រាក់៣ពាន់ដុល្លារ និងសំរឹទ្ធ២ពាន់ដុល្លារ។ រីឯគ្រូបង្វឹកទទួលបានថវិកាលើកទឹកចិត្តស្មើមេដាយមាស និងគ្រូជំនួយទទួលបាន៧០ភាគរយនៃមេដាយមាស។ ក្រៅពីថវិការបស់សម្តេច ក្រុមជ័យលាភីទាំងនេះ ក៏ទទួលបានថវិកាលើកទឹកចិត្តពីរដ្ឋបន្ថែមផងដែរ ក្នុងនោះមេដាយមាសទទួលបាន១៦លានរៀល ប្រាក់១៣លានរៀល និងសំរឹទ្ធ១១លានរៀល។ រីឯគ្រូបង្វឹកបានស្មើមេដាយមាស និងគ្រូជំនួយបាន៧០ភាគរយនៃមេដាយមាស។
ទាំងថវិការដ្ឋ និងថវិការបស់សម្តេច ហ៊ុន សែន ត្រូវបានគល់ជូនគ្រូបង្វឹក គ្រូជំនួយ និងកីឡាករកីឡាការិនីជ័យលាភីអស់ហើយកាលពីថ្ងៃទី២២ ឧសភា ឆ្នាំ២០១៨ នៅវិមានសន្តិភាព ក្រោមវត្តមានសម្តេចនាយករដ្ឋមន្ត្រី ហ៊ុន សែន។ ក្នុងចំណោមកីឡាករជ័យលាភីជើងឯកអាស៊ីតេក្វាន់ដូ ITF ទាំង២១រូប កីឡាករ សុភ័ក្ត្រ ច័ន្ទឧត្តម ទទួលបានថវិកាលើកទឹកចិត្តច្រើនជាងគេក្រោយដណ្តើមបានមេដាយមាស៣ ប្រាក់១ និងសំរឹទ្ធ១។ ច័ន្ទឧត្តម ទទួលបានថវិកា៧២លានរៀលពីរដ្ឋ និងថវិកាសម្តេច ១៧,០០០ដុល្លារ។ ចំណែកកីឡាករ សុខ ស៊ូណាម ទទួលបានថវិកាច្រើនលំដាប់ទី២ គឺបាន៦៩លានរៀលពីរដ្ឋ និង១៦,០០០ដុល្លារពីសម្តេច ហ៊ុន សែន ក្រោយរូបគេឈ្នះមេដាយមាស២ ប្រាក់២ និងសំរឹទ្ធ១។
សម្រាប់ជើងឯកពិភពលោកកីឡាប៉េតង់នារីនៅប្រទេសចិនកាលពីឆ្នាំ២០១៧ កីឡាការិនី កែ ឡេង ដែលដណ្តើមបានមេដាយមាសទទួលបានថវិកាពីសម្តេច ហ៊ុន សែន ចំនួន១ម៉ឺនដុល្លារ។ រីឯកីឡាការិនី អ៊ុក ស្រីមុំ, អ៊ុន ស្រីយ៉ា និងកីឡាការិនី ស្រ៊ាង សុរ៉ាឃីម ដែលដណ្តើមបានមេដាយសំរឹទ្ធទទួលបានម្នាក់២ពាន់ដុល្លារ។ ចំណែកលោក សុខ ម៉ុង គ្រូបង្វឹកទទួលបាន៣ពាន់ដុល្លារ និងលោក អ៊ិន គឹមស្រ៊ុន ប្រធានប្រតិភូទទួលបាន២ពាន់ដុល្លារ។
នាការប្រកួតកីឡាតេក្វាន់ដូ ITF ជ្រើសរើសជើងឯកអាស៊ីនៅទីក្រុងអ៊ូឡង់បាទ័រ ប្រទេសម៉ុងហ្គោលី ដែលមាន២០ប្រទេសចូលរួម កម្ពុជាបានបញ្ជូនអត្តពលិក២៤រូប(ស្រី២)ឲ្យចូលរួម។ ជាលទ្ធផលអត្តពលិកកម្ពុជាដណ្តើមបានមេដាយមាស៨ ប្រាក់៥ និងសំរឹទ្ធ៨ ដើម្បីជួយឲ្យកម្ពុជាទទួលបានពានចំណាត់ថ្នាក់លេខ២ផ្នែកយុវជនថ្នាល និងលេខ៣ផ្នែកយុវជនពេញវ័យ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
តេក្វាន់ដូ ITF
ហ៊ុន សែន
ប៉េតង់
© រក្សាសិទ្ធិដោយ thmeythmey.com
អត្ថបទពេញនិយម
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
5 ថ្ងៃ
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
1 សប្តាហ៍
«មជ្ឈការ»មានន័យខុសពី«វិមជ្ឈការ»ដូចម្តេច?
4 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
6 ថ្ងៃ
«ប្រេសិត»មានន័យដូចម្តេច?
5 ថ្ងៃ
អត្ថបទពេញនិយមបន្ថែម