អន្តរជាតិ
លិខិតឆ្លងដែនដ៏មានឥទ្ធិពល៖ ជប៉ុនដណ្តើមលេខ១ពីសិង្ហបុរី កម្ពុជាលេខ៨១ រីឯអ៊ីរ៉ាក់ចុងគេ
×![]()
ដោយ: ធីតា
សិង្ហបុរី បាត់បង់ចំណាត់ថ្នាក់លេខមួយរបស់ខ្លួនក្នុងនាមជាប្រទេសដែលមានលិខិតឆ្លងដែនប្រកបដោយឥទ្ធិពលបំផុតលើលោក។ បច្ចុប្បន្ន ជប៉ុនបានដណ្តើមតំណែងនេះ ដោយលិខិតឆ្លងដែនពួកគេអាចធ្វើដំណើរទៅកាន់រហូតដល់ទៅ១៨៩ប្រទេសដោយមិនបាច់ប្រើទិដ្ឋាការ។ បើតាម Henley Passport Index សិង្ហបុរី និងអាល្លឺម៉ង់ ស្ថិតនៅចំណាត់ថ្នាក់លេខ២ ។
ភ្នាក់ងារ Henley & Partners កាលពីពេលថ្មីៗកន្លងមកនេះ បានចេញតារាងចំណាត់ថ្នាក់លិខិតឆ្លងដែនដែលមានឥទ្ធិពលជាងគេបំផុតលើពិភពលោក 2018 Henley Passport Index ដោយតាមទិន្នន័យពីសមាគមដឹកជញ្ជូនផ្លូវអាកាសអន្តរជាតិ International Air Transport Association (IATA)។
ក្នុងចំណោមប្រទេស និងរដ្ឋចំនួន១០១ ដែលបានសិក្សា ជប៉ុនបានដណ្តើមចំណាត់ថ្នាក់លេខ១ពីសិង្ហបុរី។ អ្នកកាន់លិខិតឆ្លងដែនជប៉ុន អាចធ្វើដំណើរទៅកាន់១៨៩ប្រទេសដោយមិនបាច់ប្រើទិដ្ឋាការ ហើយរុញសិង្ហបុរី ទៅចំណាត់ថ្នាក់លេខ២ជាមួយអាល្លឺម៉ង់ ដែលអាចទៅកាន់១៨៨ប្រទេស។
ក្រុមប្រទេសចំណាត់ថ្នាក់លេខ៣ ដែលអាចទៅកាន់១៨៧គោលដៅ រួមមាន ហ្វាំងឡង់ បារាំង អ៊ីតាលី កូរ៉េខាងត្បូង អេស្ប៉ាញ និងស៊ុយអែត ខណៈអូទ្រីស លុចសំបួរ ហូឡង់ ន័រវេស ព័រទុយហ្គាល់ ចក្រភពអង់គ្លេស និងសហរដ្ឋអាមេរិក អាចកាន់លិខិតឆ្លងដែនដោយមិនបាច់ទិដ្ឋាការនៅ១៨៦គោលដៅ។
នៅអាស៊ាន ក្រៅពីសិង្ហបុរី ដែលស្ថិតនៅចំណាត់លេខមួយលើពិភពលោក មាន ម៉ាឡេស៊ី ទៅបាន១៨០ប្រទេស ព្រុយណេ ទៅបាន១៦៥ប្រទេស ថៃ ៧៦ប្រទេស) ឥណ្ឌូណេស៊ី ៧១ប្រទេស ហ្វីលីពីន (៦៦ប្រទេស)។ កម្ពុជាស្ថិតនៅលេខ៨១ជាមួយហៃទី នីហ្សេ និងតូហ្គោ ដែលអាចទៅបាន៥៤ប្រទេស រីឯឡាវ បាន៥២ប្រទេស វៀតណាម ៥១ប្រទេស មីយ៉ាន់ម៉ា ៤៨ប្រទេស។
លិខិតឆ្លងដែន ដែលមានកម្រិតក្រោមគេ គឺអ៊ីរ៉ាក់ និងអាហ្វហ្គានីស្ថាន ដែលទៅបានត្រឹម៣០ប្រទេសដោយគ្មានទិដ្ឋាការ។ ប្រទេសផ្សេងទៀតរួមមាន ស៊ីរី សូម៉ាលី ប៉ាគីស្ថាន យ៉េមែន ស៊ូដង់ ប៉ាឡេស្ទីន អេរីត្រេ និងនេប៉ាល់៕
ភ្នាក់ងារ Henley & Partners កាលពីពេលថ្មីៗកន្លងមកនេះ បានចេញតារាងចំណាត់ថ្នាក់លិខិតឆ្លងដែនដែលមានឥទ្ធិពលជាងគេបំផុតលើពិភពលោក 2018 Henley Passport Index ដោយតាមទិន្នន័យពីសមាគមដឹកជញ្ជូនផ្លូវអាកាសអន្តរជាតិ International Air Transport Association (IATA)។
ក្នុងចំណោមប្រទេស និងរដ្ឋចំនួន១០១ ដែលបានសិក្សា ជប៉ុនបានដណ្តើមចំណាត់ថ្នាក់លេខ១ពីសិង្ហបុរី។ អ្នកកាន់លិខិតឆ្លងដែនជប៉ុន អាចធ្វើដំណើរទៅកាន់១៨៩ប្រទេសដោយមិនបាច់ប្រើទិដ្ឋាការ ហើយរុញសិង្ហបុរី ទៅចំណាត់ថ្នាក់លេខ២ជាមួយអាល្លឺម៉ង់ ដែលអាចទៅកាន់១៨៨ប្រទេស។
ក្រុមប្រទេសចំណាត់ថ្នាក់លេខ៣ ដែលអាចទៅកាន់១៨៧គោលដៅ រួមមាន ហ្វាំងឡង់ បារាំង អ៊ីតាលី កូរ៉េខាងត្បូង អេស្ប៉ាញ និងស៊ុយអែត ខណៈអូទ្រីស លុចសំបួរ ហូឡង់ ន័រវេស ព័រទុយហ្គាល់ ចក្រភពអង់គ្លេស និងសហរដ្ឋអាមេរិក អាចកាន់លិខិតឆ្លងដែនដោយមិនបាច់ទិដ្ឋាការនៅ១៨៦គោលដៅ។
នៅអាស៊ាន ក្រៅពីសិង្ហបុរី ដែលស្ថិតនៅចំណាត់លេខមួយលើពិភពលោក មាន ម៉ាឡេស៊ី ទៅបាន១៨០ប្រទេស ព្រុយណេ ទៅបាន១៦៥ប្រទេស ថៃ ៧៦ប្រទេស) ឥណ្ឌូណេស៊ី ៧១ប្រទេស ហ្វីលីពីន (៦៦ប្រទេស)។ កម្ពុជាស្ថិតនៅលេខ៨១ជាមួយហៃទី នីហ្សេ និងតូហ្គោ ដែលអាចទៅបាន៥៤ប្រទេស រីឯឡាវ បាន៥២ប្រទេស វៀតណាម ៥១ប្រទេស មីយ៉ាន់ម៉ា ៤៨ប្រទេស។
លិខិតឆ្លងដែន ដែលមានកម្រិតក្រោមគេ គឺអ៊ីរ៉ាក់ និងអាហ្វហ្គានីស្ថាន ដែលទៅបានត្រឹម៣០ប្រទេសដោយគ្មានទិដ្ឋាការ។ ប្រទេសផ្សេងទៀតរួមមាន ស៊ីរី សូម៉ាលី ប៉ាគីស្ថាន យ៉េមែន ស៊ូដង់ ប៉ាឡេស្ទីន អេរីត្រេ និងនេប៉ាល់៕
Tag:
លិខិតឆ្លងដែន
© រក្សាសិទ្ធិដោយ thmeythmey.com
