កីឡាជាតិ
ជាតិ
កីឡាករ សៀង អេងហ៊ុយ ត្រូវបានគេសែងចេញពីលានប្រកួតក្រោយរងរបួសជើង
×![]()
កីឡាករតេក្វាន់ដូ ITF សៀង អេងហ៊ុយ ម្ចាស់មេដាយមាសអាស៊ីនៅប្រទេសម៉ុងហ្គោលី ត្រូវបានដឹកយកទៅសង្គ្រោះភ្លាមៗនៅមន្ទីរពេទ្យ ក្រោយរងរបួសជើងធ្ងន់ធ្ងរអំឡុងពេលប្រកួតជាមួយកីឡាករ ង៉ែត រ៉ាវី ក្នុងព្រឹត្តិការណ៍កីឡាជាតិលើកទី២ នៅព្រឹកថ្ងៃទី២៩ ឧសភានេះ។ តាមការវាយតម្លៃបឋមរបស់អ្នកគ្រូពេទ្យ មាស អ៊ីសានីវ៉ា ឱសថការីនៃឱសថស្ថានមុន្នីពលៈ កីឡាករ សៀងអេងហ៊ុយ មានបញ្ហាជង្គង់ឃ្លាតចេញពីគ្នា ដែលអាចចំណាយពេលប្រមាណ១ខែ ដើម្បីសម្រាកព្យាបាល។
សម្រែកឈឺចាប់របស់កីឡាករ សៀង អេងហ៊ុយ ម្ចាស់មេដាយមាសអាស៊ីលើវិញ្ញាសាប្រយុទ្ធជាក្រុមនៅប្រទេសម៉ុងហ្គោលី ត្រូវបានបន្លឺឡើង ក្រោយរូបគេរងរបួសជង្គង់ធ្ងន់ធ្ងរក្នុងអំឡុងពេលប្រកួតជាមួយកីឡាករ ង៉ែត រ៉ាវី លើវិញ្ញាសាប្រយុទ្ធឯកត្តជនទម្ងន់៨០គីឡូក្រាមក្នុងព្រឹត្តិការណ៍កីឡាជាតិលើកទី២នៅថ្ងៃទី២៩ ឧសភា ឆ្នាំ២០១៨ នៅទីលានតេក្វាន់ដូក្នុងពហុកីឡដ្ឋានជាតិ។
ក្រោយការត្រួតពិនិត្យរបស់ក្រុមគ្រូពេទ្យនៅទីលាន កីឡាករ សៀង អេងហ៊ុយ ត្រូវបានដឹកទៅសង្គ្រោះភ្លាមៗនៅមន្ទីរពេទ្យកាល់ម៉ែត្រ តាមរថយន្តសាមុយដែលប្រចាំការនៅទីនោះ។ តាមការវាយតម្លៃបឋមរបស់កញ្ញា មាស អ៊ីសានីវ៉ា គ្រូពេទ្យស្ម័គ្រចិត្តប្រចាំសហព័ន្ធកីឡាតេក្វាន់ដូ ITF កម្ពុជា កីឡាករ សៀង អេងហ៊ុយ រងរបួសជង្គង់ឃ្លាតចេញពីគ្នា ដែលអាចចំណាយពេលប្រមាណ១ខែក្នុងការសម្រាកព្យាបាល។ តែយ៉ាងណា នេះគ្រាន់តែជាការសន្និដ្ឋានបឋមតែប៉ុណ្ណោះ ស្ថានភាពរបួសយ៉ាងណាត្រូវរង់ចាំលទ្ធផលជាក់ស្តែង ក្រោយការត្រួតពិនិត្យរបស់គ្រូពេទ្យជំនាញនៃមន្ទីរពេទ្យកាល់ម៉ែត្រ។
បញ្ហារបួសនេះ បានបង្ខំឲ្យកីឡាករ សៀង អេងហ៊ុយ បោះបង់ការប្រកួតទាំងពាក់កណ្តាលទី ដែលនាំឲ្យកីឡាករ ង៉ែត រ៉ាវី ទទួលបានជ័យជម្នះយ៉ាងស្រួលតែម្តង។ តាមការសន្និដ្ឋានរបស់ឱសថការី មាស អ៊ីសានីវ៉ា បញ្ហារបួសរបស់កីឡាករ សៀង អេងហ៊ុយ អាចបណ្តាលមកពីជើងរបស់គេមិនអាចទប់នឹងទម្ងន់ ក្រោយការលោតវាយគូប្រកួត។ ប៉ុន្តែតាមការអះអាងរបស់មិត្តរួមក្លិប កីឡាកររូបនេះ ធ្លាប់មានបញ្ហារបួសជើងបែបនេះម្តងរួចមកហើយកាលពេលកន្លងទៅ។
ទោះបីបោះបង់ការប្រកួតពាក់កណ្តាលទីក៏ពិតមែន តែកីឡាករ សៀង អេងហ៊ុយ ទទួលបានមេដាយសំរឹទ្ធស្ទួនលើវិញ្ញាសាប្រយុទ្ធឯកត្តជនបុរសទម្ងន់៨០គីឡូក្រាម ដែលមានកីឡាករ ឃឿន ប៊ុនលាង មកពីខេត្តស្ទឹងត្រែងជាម្ចាស់មេដាយមាស។ រីឯកីឡាករ ង៉ែត រ៉ាវី ដែលធ្វើឲ្យ អេងហ៊ុយ របួសទទួលបានមេដាយប្រាក់ និងកីឡាករ ថា ចិត្រ បានមេដាយសំរឹទ្ធ។
កីឡាករ សៀង អេងហ៊ុយ មានស្រុកកំណើតនៅខេត្តត្បូងឃ្មុំ ជាម្ចាស់មេដាយសំរឹទ្ធលើវិញ្ញាសាប្រយុទ្ធឯកត្តជន និងជាម្ចាស់មេដាយមាសលើវិញ្ញាសាប្រយុទ្ធជាក្រុម នាការប្រកួតកីឡាតេក្វាន់ដូ ITF ជ្រើសរើសជើងឯកអាស៊ីនៅប្រទេសម៉ុងហ្គោលី៕
សម្រែកឈឺចាប់របស់កីឡាករ សៀង អេងហ៊ុយ ម្ចាស់មេដាយមាសអាស៊ីលើវិញ្ញាសាប្រយុទ្ធជាក្រុមនៅប្រទេសម៉ុងហ្គោលី ត្រូវបានបន្លឺឡើង ក្រោយរូបគេរងរបួសជង្គង់ធ្ងន់ធ្ងរក្នុងអំឡុងពេលប្រកួតជាមួយកីឡាករ ង៉ែត រ៉ាវី លើវិញ្ញាសាប្រយុទ្ធឯកត្តជនទម្ងន់៨០គីឡូក្រាមក្នុងព្រឹត្តិការណ៍កីឡាជាតិលើកទី២នៅថ្ងៃទី២៩ ឧសភា ឆ្នាំ២០១៨ នៅទីលានតេក្វាន់ដូក្នុងពហុកីឡដ្ឋានជាតិ។
ក្រោយការត្រួតពិនិត្យរបស់ក្រុមគ្រូពេទ្យនៅទីលាន កីឡាករ សៀង អេងហ៊ុយ ត្រូវបានដឹកទៅសង្គ្រោះភ្លាមៗនៅមន្ទីរពេទ្យកាល់ម៉ែត្រ តាមរថយន្តសាមុយដែលប្រចាំការនៅទីនោះ។ តាមការវាយតម្លៃបឋមរបស់កញ្ញា មាស អ៊ីសានីវ៉ា គ្រូពេទ្យស្ម័គ្រចិត្តប្រចាំសហព័ន្ធកីឡាតេក្វាន់ដូ ITF កម្ពុជា កីឡាករ សៀង អេងហ៊ុយ រងរបួសជង្គង់ឃ្លាតចេញពីគ្នា ដែលអាចចំណាយពេលប្រមាណ១ខែក្នុងការសម្រាកព្យាបាល។ តែយ៉ាងណា នេះគ្រាន់តែជាការសន្និដ្ឋានបឋមតែប៉ុណ្ណោះ ស្ថានភាពរបួសយ៉ាងណាត្រូវរង់ចាំលទ្ធផលជាក់ស្តែង ក្រោយការត្រួតពិនិត្យរបស់គ្រូពេទ្យជំនាញនៃមន្ទីរពេទ្យកាល់ម៉ែត្រ។
បញ្ហារបួសនេះ បានបង្ខំឲ្យកីឡាករ សៀង អេងហ៊ុយ បោះបង់ការប្រកួតទាំងពាក់កណ្តាលទី ដែលនាំឲ្យកីឡាករ ង៉ែត រ៉ាវី ទទួលបានជ័យជម្នះយ៉ាងស្រួលតែម្តង។ តាមការសន្និដ្ឋានរបស់ឱសថការី មាស អ៊ីសានីវ៉ា បញ្ហារបួសរបស់កីឡាករ សៀង អេងហ៊ុយ អាចបណ្តាលមកពីជើងរបស់គេមិនអាចទប់នឹងទម្ងន់ ក្រោយការលោតវាយគូប្រកួត។ ប៉ុន្តែតាមការអះអាងរបស់មិត្តរួមក្លិប កីឡាកររូបនេះ ធ្លាប់មានបញ្ហារបួសជើងបែបនេះម្តងរួចមកហើយកាលពេលកន្លងទៅ។
ទោះបីបោះបង់ការប្រកួតពាក់កណ្តាលទីក៏ពិតមែន តែកីឡាករ សៀង អេងហ៊ុយ ទទួលបានមេដាយសំរឹទ្ធស្ទួនលើវិញ្ញាសាប្រយុទ្ធឯកត្តជនបុរសទម្ងន់៨០គីឡូក្រាម ដែលមានកីឡាករ ឃឿន ប៊ុនលាង មកពីខេត្តស្ទឹងត្រែងជាម្ចាស់មេដាយមាស។ រីឯកីឡាករ ង៉ែត រ៉ាវី ដែលធ្វើឲ្យ អេងហ៊ុយ របួសទទួលបានមេដាយប្រាក់ និងកីឡាករ ថា ចិត្រ បានមេដាយសំរឹទ្ធ។
កីឡាករ សៀង អេងហ៊ុយ មានស្រុកកំណើតនៅខេត្តត្បូងឃ្មុំ ជាម្ចាស់មេដាយសំរឹទ្ធលើវិញ្ញាសាប្រយុទ្ធឯកត្តជន និងជាម្ចាស់មេដាយមាសលើវិញ្ញាសាប្រយុទ្ធជាក្រុម នាការប្រកួតកីឡាតេក្វាន់ដូ ITF ជ្រើសរើសជើងឯកអាស៊ីនៅប្រទេសម៉ុងហ្គោលី៕
Tag:
តេក្វាន់ដូ ITF
សៀង អេងហ៊ុយ
កីឡាជាតិលើកទី២
National Games
© រក្សាសិទ្ធិដោយ thmeythmey.com
