ជាតិ
សង្គមជាតិ
«កុំយកគំរូតាមខ្ញុំ!» សំដីស្ត្រីម្នាក់ដែលត្រូវអាជ្ញាធរណែនាំ ក្រោយបង្ហូរសំរាមតាមទឹកភ្លៀង
× ខ្ជិលយកសំរាមទៅចោល ហើយឆ្លៀតពេលភ្លៀង ស្ត្រីម្នាក់នៅខេត្តព្រះសីហនុ បានបង្ហូរសំរាមទាំងនោះទៅតាមទឹកភ្លៀង។ សកម្មភាពរបស់ស្ត្រីរូបនោះ ដែលបង្ហាញក្នុងឃ្លីបវីដេអូខ្លីមួយ រងនូវការរិះគន់ជាខ្លាំង ដែលហើយកាលពីថ្ងៃទី២៩ ខែឧសភា អាជ្ញាធរដែនដី បានហៅគាត់ទៅណែនាំ។
«កុំយកគំរូតាមខ្ញុំ»។ នេះជាការសន្យាជាលាយលក្ខណ៍អក្សររបស់ស្ត្រីឈ្មោះ រ៉ែន ដែលរស់នៅក្រោយផ្សារមាន់ សង្កាត់៤ ក្រុងព្រះសីហនុ ខេត្តព្រះសីហនុ។ ស្ត្រីអាយុ២៩ឆ្នាំរូបនេះ ត្រូវបានមន្ទីរបរិស្ថាន និងរដ្ឋបាលក្រុងព្រះសីហនុ ហៅទៅអប់រំណែនាំ ក្រោយគាត់បានចាក់សំរាមបង្ហូរតាមទឹកភ្លៀង ហើយសកម្មភាពរបស់គាត់ត្រូវបានគេលួចថត និងបង្ហោះតាមហ្វេសប៊ុកកាលពីរសៀលថ្ងៃអង្គារ ទី២៩ ខែឧសភា។
ក្នុងលិខិតសុំទោសដែលសរសេរនៅមុខ មន្ត្រីបរិស្ថាន និងរដ្ឋបាលក្រុងព្រះសីហនុ នៅល្ងាចថ្ងៃដដែល ស្ត្រីរូបនោះ បានសន្យាថា គាត់ឈប់ចោលសំរាមដូចក្នុងសកម្មភាពវីដេអូ ចាប់ពីពេលនេះតទៅ។
ចំណាត់ការរបស់អាជ្ញាធរក្រុងព្រះសីហនុដែលធ្វើឡើងក្នុងការលើកកម្ពស់ការថែរក្សាបរិស្ថានទទួលបាននូវការសាទរខ្លាំងពីសំណាក់អ្នកប្រើប្រាស់បណ្តាញសង្គម៕
© រក្សាសិទ្ធិដោយ thmeythmey.com