កីឡាជាតិ៖ ឡៅ ចន្ទ្រា និងឡៅ ចិត្រា បោះបង់ការប្រកួតដោយសារជាប់កាន់ទុក្ខឪពុក

កីឡាជាតិ

ជាតិ

កីឡាជាតិ៖ ឡៅ ចន្ទ្រា និងឡៅ ចិត្រា បោះបង់ការប្រកួតដោយសារជាប់កាន់ទុក្ខឪពុក

30, May 2018 , 10:19 pm

រូបភាព

កីឡាករ ឡៅ ចន្ទ្រា ឈ្នះពានលីអូរដូវកាលពីររបស់ស្ថានីយទូរទស្សន៍ PNN កាលពីពេលកន្លងមក

ដោយ:

អ្នកលេងគុនខ្មែរត្រកូលឡៅជួរមុខពីររូបរួមមានកីឡាករ ឡៅ ចន្ទ្រា និង ឡៅ ចិត្រា បានបោះបង់ការប្រកួតនៅក្នុងព្រឹត្តិការណ៍ជាតិលើកទី២ ដោយសារជាប់កាន់ទុក្ខឪពុក ដែលបានទទួលមរណភាពកាលពីថ្ងៃទី២៨ ឧសភា ដោយសារជំងឺគាំងបេះដូង។ កីឡាប្រដាល់គុនខ្មែរបានចាប់ផ្តើមប្រកួតក្នុងព្រឹត្តិការណ៍កីឡាជាតិនៅថ្ងៃទី៣០ ឧសភានេះ នៅពហុកីឡដ្ឋានជាតិមរតកតេជោ។

អ្នកគាំទ្រកីឡាប្រដាល់គុនខ្មែរនឹងមិនបានឃើញវត្តមានរបស់អ្នកលេងគុនខ្មែរជួរមុខកីឡាករ ឡៅ ចន្ទ្រា និង ឡៅ ចិត្រា ក្នុងការប្រកួតកីឡាជាតិលើកទី២នៅឆ្នាំនេះឡើយ។ អវត្តមានកីឡាករឆ្នើមទាំងពីររូបនេះ ដោយសារពួកគេត្រូវកាន់ទុក្ខមរណភាពឪពុក ដែលបានទទួលមរណភាព។ នេះជាការអះអាងរបស់កីឡាករ ឡៅ ស៊ីណាត បងប្រុសបង្កើតរបស់កីឡាករទាំងពីរ។

ឪពុកបង្កើតរបស់អ្នកប្រដាល់ត្រកូលឡៅ លោក ឡៅ ទ្រល បានទទួលមរណភាពក្នុងអាយុ៥៩ឆ្នាំ ដោយសារជំងឺគាំងបេះដូងកាលពីថ្ងៃទី២៨ ឧសភា ឆ្នាំ២០១៨ នៅភូមិត្រពាំងពោធិ៍ ឃុំភ្នំតូច ស្រុកឧដុង្គ ខេត្តកំពង់ស្ពឺ។

សម្រាប់ការប្រកួតកីឡាប្រដាល់គុនខ្មែរក្នុងព្រឹត្តិការណ៍កីឡាជាតិ ប្រព្រឹត្តទៅចាប់ពីថ្ងៃទី៣០ ខែឧសភា ដល់ថ្ងៃទី៤ ខែមិថុនា ឆ្នាំ២០១៨ នៅពហុកីឡដ្ឋានជាតិមរតកតេជោ៕