World Cup នៅរុស្ស៊ី ក្លិបយក្ស Barcelona ពង្រាយកីឡាករនៅគ្រប់ពូល

កីឡាអន្តរជាតិ

អន្តរជាតិ

World Cup នៅរុស្ស៊ី ក្លិបយក្ស Barcelona ពង្រាយកីឡាករនៅគ្រប់ពូល

05, Jun 2018 , 10:39 pm

រូបភាព

ដោយ: ទេព ពិទូរ្យ

ក្នុងចំណោមពូលទាំង៨ ចាប់ពីពូល A ដល់ H ក្នុងការប្រកួតពានរង្វាន់ World Cup នៅរុស្ស៊ី ឆ្នាំ២០១៨ សុទ្ធិតែមានសមាសភាពកីឡាកររបស់ក្លិប FC Barcelona ក្នុងនោះទាំងអស់។ក្លិបយ្សអេស្ប៉ាញដែលមានរហស្សនាមអ្នកមានបុណ្យ បានក្លាយជាជើងឯក La Liga រួមទាំងពាន Copa del Rey ប្រចាំរដូវកាល ២០១៧-២០១៨ សម្បូរទៅដោយកីឡាករដែលមានទេពកោសល្យ និងតម្លៃខ្លួនថ្លៃៗផង។

ដោយសារក្រុមបានបង្ហាញទម្រង់លេងល្អ សមាជិករបស់ Barca មានរហូត ១៣រូប ត្រូវបានគ្រូវបង្វឹកកោះហៅទៅជួយក្រុមជម្រើសជាតិរបស់ពួករៀងៗខ្លួន ដើម្បីធ្វើដំណើរទៅរុស្ស៊ី ថ្ងៃទី១៤ ខែមិថុនា ខាងមុខនេះ។

កីឡាករទាំង១៣រូប រួមមាន ខ្សែប្រយុទ្ធ៖ Lionel Messi (អាហ្សង់ទីន), Luis Suarez (អ៊ុយរូហ្គាយ) និង Ousmane Dembele (បារាំង)។
ខ្សែការពារ៖ Gerard Pique (អេស្ប៉ាញ), Sergio Busquets (អេស្ប៉ាញ), Jordi Alba (អេស្ប៉ាញ), Samuel Umtiti (បារាំង), Yerry Mina (កូឡុំប៊ី) និង Thomas Vermaelen (បែលហ្ស៊ិក)។

ខ្សែបម្រើ ៖ Ivan Rakitic (ក្រូអាស៊ី), Philippe Coutinho (ប្រេស៊ីល) និង Poulinho (ប្រេស៊ីល) រួមទាំងអ្នកចាត់ទី Ter Stegen (អាល្លឺម៉ង់)។

អ្វីដែលគួរឲ្យកត់សម្គាល់នោះ កីឡាករទាំង១៣នាក់របស់អ្នកចាត់ការទូទៅលោក Ernesto Valverde មាននៅក្នុងពូលទាំងអស់ ដែលក្នុងនោះមានដូចជា៖
ពូល A៖
-ខ្សែប្រយុទ្ធ Luis Suarez (អ៊ុយរូហ្គាយ)

ពូល B៖
-ខ្សែការពារ Gerard Pique (អេស្ប៉ាញ)
-ខ្សែបម្រើ Sergio Busquets (អេស្ប៉ាញ)
-ខ្សែការពារ Jordi Alba (អេស្ប៉ាញ)

ពូល C៖
-ខ្សែការពារ Samuel Umtiti (បារាំង)
-ខ្សែប្រយុទ្ធ Ousmane Dembele (បារាំង)

ពូល D៖
-ខ្សែប្រយុទ្ធ Lionel Messi (អាហ្សង់ទីន)
-ខ្សែបម្រើ Ivan Rakitic (ក្រូអាស៊ី)

ពូល E៖
-ខ្សែបម្រើ Philippe Coutinho (ប្រេស៊ីល)
-ខ្សែបម្រើ Poulinho (ប្រេស៊ីល)

ពូល F៖
-អ្នកចាំទី Ter Stegen (អាល្លឺម៉ង់)

ពូល G៖
-ខ្សែការពារ Thomas Vermaelen (បែលហ្ស៊ិក)

ពូល H៖
-ខ្សែការពារ Yerry Mina (កូឡុំប៊ី)