កីឡាអន្តរជាតិ
អន្តរជាតិ
Toure ចង់បន្តលេងនៅ EPL ដោយយកថ្លៃឈ្នួល១.៥ដុល្លារ ដើម្បីបង្ហាញ Pep ថាគេនៅតែខ្លាំង
×![]()
ដោយ: ទេព ពិទូរ្យ
ខ្សែបម្រើ Yaya Toure ត្រៀមខ្លួនរួចជាស្រេចក្នុងការចូលរួមជាមួយក្លិបធំៗនៅ Premier League ដែលជាគូប្រជែងរបស់ Manchester City ដោយយកប្រាក់ឈ្នួលតែ១ផោន (១.៣៤ដុល្លារ) ក្នុងមួយសប្ដាហ៍ប៉ុណ្ណោះ ដើម្បីបង្ហាញដល់លោក Pep Guardiola ថារូបគេនៅតែអាចលេងក្នុងកម្រិតកំពូលបាន។ នេះបើតាមការបញ្ជាក់របស់លោក Dimitri Seluk ដែលេជាភ្នាក់ងាររបស់ Toure។
អតីតក្រុមជម្រើសជាតិកូតឌីវ័រ វ័យ ៣៥ឆ្នាំ បានចាកចេញពីក្លិបជើងឯកលីគកំពូលអង់គ្លេសកាលពីបញ្ចប់រដូវកាលកន្លងទៅ ក្រោយផុតកិច្ចសន្យា។ Toure បានចាកចេញពី Barcelona មករួមរស់ជាមួយក្រុមមេឃខៀវរយៈពេល៨រដូវកាលមកហើយ ពោលគឺក្នុងឆ្នាំ២០១០ កាលលោក Roberto Mancini នៅដឹកនាំ។ ប៉ុន្តែចាប់ពី Pep Guardiola ឡើងជំនួសតំណែង Manuel Pellegrini នៅឆ្នាំ២០១៦មក រូបគេមិនស្ថិតក្នុងជម្រើសរបស់អ្នកចាត់ការសញ្ជាតិអេស្ប៉ាញនេះឡើយ។
ភ្នាក់ងារលោក Dimitry Seluk បានប្រាប់គេហទំព័ររុស្ស៊ី Sport24 ដូច្នេះថា៖«Yaya មានការផ្តល់ជូនជាច្រើនពីលីកធំៗនៅប្រទេសដ៏ទៃ ប៉ុន្តែកីឡាកររូបនេះនឹងប្តេជ្ញាបន្តលេងនៅលីគកំពូលអង់គ្លេសដើម្បីបង្ហាញដល់ Pep និងអ្នកគាំទ្រ Man City ថារូបគេនៅតែជាខ្សែបម្រើមានគុណភាពដដែល»។
លោក Dimitri Seluk ភ្នាក់ងារកីឡាកររបស់ YaYa Toure
ភ្នាក់ងារខាងលើបន្ថែមថា ម្ចាស់ពានកីឡាករឆ្មើមរបស់អាហ្វ្រិក៤សម័យ បានត្រៀមខ្លួនរួចរាល់ហើយដើម្បីផ្លាស់ទៅកាន់ក្លិបកំពូលៗទាំង ៦ នៅក្របខណ្ឌ Premier League ដោយគិតថ្លៃឈ្នួលប្រចាំសប្តាហ៍តែ ១.៣៤ដុល្លារអាមេរិកប៉ុណ្ណោះ។ ប៉ុន្តែលោក Seluk បញ្ជាក់ថា ប្រាក់រង្វាន់ផ្សេងៗដែលត្រូវលើកទឹកចិត្តដល់ Toure នឹងត្រូវមើលលើសមិទ្ធផលជោគជ័យរបស់ក្រុម។
បើតាមការផ្សាយរបស់ ESPN លោក Seluk ថា Toure ពិតជាសក្តិសមលេងឲ្យក្រុមដូចជា Arsenal, Chelsea, Liverpool, Tottenham ឬក៏ Manchester United៕
អតីតក្រុមជម្រើសជាតិកូតឌីវ័រ វ័យ ៣៥ឆ្នាំ បានចាកចេញពីក្លិបជើងឯកលីគកំពូលអង់គ្លេសកាលពីបញ្ចប់រដូវកាលកន្លងទៅ ក្រោយផុតកិច្ចសន្យា។ Toure បានចាកចេញពី Barcelona មករួមរស់ជាមួយក្រុមមេឃខៀវរយៈពេល៨រដូវកាលមកហើយ ពោលគឺក្នុងឆ្នាំ២០១០ កាលលោក Roberto Mancini នៅដឹកនាំ។ ប៉ុន្តែចាប់ពី Pep Guardiola ឡើងជំនួសតំណែង Manuel Pellegrini នៅឆ្នាំ២០១៦មក រូបគេមិនស្ថិតក្នុងជម្រើសរបស់អ្នកចាត់ការសញ្ជាតិអេស្ប៉ាញនេះឡើយ។
ភ្នាក់ងារលោក Dimitry Seluk បានប្រាប់គេហទំព័ររុស្ស៊ី Sport24 ដូច្នេះថា៖«Yaya មានការផ្តល់ជូនជាច្រើនពីលីកធំៗនៅប្រទេសដ៏ទៃ ប៉ុន្តែកីឡាកររូបនេះនឹងប្តេជ្ញាបន្តលេងនៅលីគកំពូលអង់គ្លេសដើម្បីបង្ហាញដល់ Pep និងអ្នកគាំទ្រ Man City ថារូបគេនៅតែជាខ្សែបម្រើមានគុណភាពដដែល»។
លោក Dimitri Seluk ភ្នាក់ងារកីឡាកររបស់ YaYa Toure
ភ្នាក់ងារខាងលើបន្ថែមថា ម្ចាស់ពានកីឡាករឆ្មើមរបស់អាហ្វ្រិក៤សម័យ បានត្រៀមខ្លួនរួចរាល់ហើយដើម្បីផ្លាស់ទៅកាន់ក្លិបកំពូលៗទាំង ៦ នៅក្របខណ្ឌ Premier League ដោយគិតថ្លៃឈ្នួលប្រចាំសប្តាហ៍តែ ១.៣៤ដុល្លារអាមេរិកប៉ុណ្ណោះ។ ប៉ុន្តែលោក Seluk បញ្ជាក់ថា ប្រាក់រង្វាន់ផ្សេងៗដែលត្រូវលើកទឹកចិត្តដល់ Toure នឹងត្រូវមើលលើសមិទ្ធផលជោគជ័យរបស់ក្រុម។
បើតាមការផ្សាយរបស់ ESPN លោក Seluk ថា Toure ពិតជាសក្តិសមលេងឲ្យក្រុមដូចជា Arsenal, Chelsea, Liverpool, Tottenham ឬក៏ Manchester United៕
Tag:
បាល់ទាត់
Yaya Toure
Manchester City
Pep Guardiola
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
