FIFA
កីឡាអន្តរជាតិ
អន្តរជាតិ
មិត្តភាពអន្តរជាតិ៖ គ្មាន Salah អេហ្ស៊ីប ត្រូវបែលហ្ស៊ិកលត់ ៣-០
× ក្រុមកីឡាបាល់ទាត់ជម្រើសជាតិបែលហ្ស៊ិកបានយកឈ្នះ អេហ្ស៊ីបក្នុងលទ្ធផល ៣-០ ក្នុងការប្រកួតមិត្តភាពអន្តរជាតិកំដៅសាច់ដុំមុន World Cup ដែលមិនមានវត្តមានរបស់ Mohamed Salah។
សមាជិកក្រុម Manchester United ពីររូបរួមមានខ្សែប្រយុទ្ធ Romelu Lukaku និងបម្រើ Marouane Fellaini រកបានម្នាក់មួយគ្រាប់ រួមទាំង Eden Hazard ខ្សែបម្រើឆ្នើម Chelsea ស៊ុតបានមួយគ្រាប់ដែរក្នុងជំនួបមិត្តភាពអន្តរជាតិនេះ។
Salah ខ្សែប្រយុទ្ធលេចធ្លោរបស់ Liverpool មិនមានវត្តមានក្នុងការប្រកូតដែលអេហ្ស៊ីបបរាជ័យ ៣-០ ក្រោមថ្វីជើងក្រុមខ្លាំងពីអឺរ៉ុបបែលហ្ស៊ិនេះទេដោយសារមិនទាន់ជាសះស្បើយពីរបួសស្មាអំឡុងប៉ះទង្គិចគ្នាជាមួយ Ramos កាលពីប្រកួតផ្តាច់ព្រ័ត្រ Champions League។
ក្រុមទាំងពីរសុទ្ធតែមានឈ្មោះទៅរុស្ស៊ី ដើម្បីប្រជែងពានរង្វាន់ពិភពលោក ដែលប្រព្រឹត្តិទៅចាំពីថ្ងៃទី ១៤ ខែមិថុនាខាងមុខនេះ។
ក្រុមរហស្សនាមបិសាចក្រហមដែលស្ថិតនៅក្នុងពូល G ជាមួយក្រុមខ្លាំងអង់គ្លេស នឹងត្រូវបើកការប្រកួតដំបូងជាមួយប៉ាណាម៉ា នៅថ្ងៃទី ១៨ ខែមិថុនា ខណៈអេហ្ស៊ីបដែលរំពឹងថាវីរបុរសរបស់ខ្លួនជាពីរបួសទាន់ពេលនោះ នឹងត្រូវស្វាគន៍អ៊ុយរូហ្គាយក្រុមខ្លាំងពីអាមេរិកឡាទីនក្នុងវគ្គសន្សំពិន្ទុពូល A នៅថ្ងៃទី១៥ ខែមិថុនា៕
Tag:
បាល់ទាត់
អេហ្ស៊ីប
បែលហ្ស៊ិក
Mohamed Salah. FIFA World Cup
© រក្សាសិទ្ធិដោយ thmeythmey.com