ជាតិ
បោះឆ្នោត
គ.ជ.ប. រើសមន្ត្រីជាង ១សែននាក់ ពេលដំណើរការបោះឆ្នោត ជិតមកដល់ រូបភាព៖ ការរៀបចំការប្រឡងរើសមន្រ្តីគ.ជ.ប. នាពេលកន្លងមក
× គណៈកម្មាធិការជាតិរៀបចំការបោះឆ្នោត (គ.ជ.ប.) ប្រកាសជ្រើសរើសមន្ត្រីជាប់កិច្ចសន្យារយៈពេលខ្លី ចំនួន១៣៧,៨០២ នាក់ ដើម្បីបម្រើការងារនៅតាមគណៈកម្មការការិយាល័យបោះឆ្នោតទូទាំងប្រទេស សម្រាប់ការបោះឆ្នោតតំណារាស្ត្រនីតិកាលទី៦ ដែលនឹងប្រព្រឹត្តទៅនៅថ្ងៃទី២៩ ខែកក្កដា ឆ្នាំ២០១៨។ នេះបើតាមសេចក្តីជូនដំណឹងរបស់គ.ជ.ប.។
សមាសភាពនៃគណៈកម្មការការិយាល័យបោះឆ្នោតនីមួយៗ មាន ប្រធាន១រូប អនុប្រធាន១រូប លេខាធិការ១រូប និងសមាជិក៣រូប។
គ.ជ.ប. បានបញ្ជាក់ថា មិនមែនតែប្រជាពលរដ្ឋទូទៅទេ សូម្បីតែមន្ត្រីរាជការ ដែលបម្រើការងារនៅតាមក្រុង ស្រុក ខណ្ឌ ឃុំ សង្កាត់ ក៏អាចដាក់ពាក្យចូលបម្រើការងារតាមមុខតំណែងខាងលើដែរ។ សេចក្តីជូនដំណឹងស្តីពីការជ្រើសរើសមន្ត្រីនេះ នឹងត្រូវបិទផ្សាយនៅតាមគណៈកម្មការឃុំ សង្កាត់ រៀបចំការបោះឆ្នោត និងនៅតាមទីកន្លែងសាធារណៈ ដែលស្ថិតក្នុងឃុំ សង្កាត់ ចាប់ពីថ្ងៃទី២២ ខែមិថុនា ឆ្នាំ២០១៨ តទៅ។
ពាក្យសុំចូលបម្រើការងារ មិនគិតថ្លៃនោះទេ។ ការទទួលពាក្យ នឹងចាប់ផ្តើមពីថ្ងៃទី២ រហូតដល់ថ្ងៃទី៨ ខែកក្កដា ឆ្នាំ២០១៨៕
Tag:
បោះឆ្នោត
គជប
មន្ត្រី
© រក្សាសិទ្ធិដោយ thmeythmey.com