ជាតិ
ក្រោយធ្លាយវីដេអូតាមហ្វេសប៊ុក សមត្ថកិច្ចចាប់ខ្លួនឪពុកដែលវាយដំកូន
× ភ្នំពេញ៖ សមត្ថកិច្ច បានឃាត់ខ្លួនបុរសម្នាក់ ដែលបានប្រើហិង្សាលើកុមារ យកទៅសាកសួរចម្លើយ នៅថ្ងៃទី១៥ មិថុនានេះ។ ការឃាត់បុរសម្នាក់នេះ ធ្វើឡើងក្រោយពីមានការបង្ហោះវីដេអូលើបណ្ដាញហ្វេសប៊ុក ពីសកម្មភាពទាត់ធាក់កុមារយ៉ាងដំណំ។នេះបើតាមស្នងការដ្ឋាននគរបាលជាតិ។
លោក លៅ លីន នាយកការិយាល័យការពារអនិតិជន បាននិយាយថា បុរសដែលបានឃាត់ខ្លួននេះ គឺជាឪពុករបស់ក្មេងប្រុសបង្កើត ប៉ុន្តែការប្រើហិង្សាលើអនីតិជន គឺជាទង្វើខុសច្បាប់ ដែលសមត្ថកិច្ចត្រូវចាត់វិធានការតាមច្បាប់។ បើតាមលោក លៅ លីន សមត្ថកិច្ចសាកសួរជនសង្ស័យដែលប្រើហិង្សាលើកូននេះហើយ និងកសាងសំណុះរឿងតាមនីតិវិធីច្បាប់។
ការឈានទៅឃាត់ខ្លួនបុរសនេះ ធ្វើឡើងបន្ទាប់ពីបែកធ្លាយវីដេអូវាយដំកុមារ ហើយមានការរិះគន់ច្រើនពីសំណាក់ពលរដ្ឋ៕
© រក្សាសិទ្ធិដោយ thmeythmey.com