ជាតិ
សិល្បះ
ទូតកូរ៉េខាងត្បូង សង្ឃឹមថា K-Pop ជួយជំរុញការផ្លាស់ប្ដូរវប្បធម៌រវាងយុវជនកម្ពុជា-កូរ៉េខាងត្បូង
លោក អូ ណាក់យ៉ុង អគ្គរដ្ឋកូរ៉េខាងត្បូងប្រចាំកម្ពុជា
×![]()
ដោយ: តន ចាន់រិទ្ធារ៉ា
ឯកអគ្គរដ្ឋទូតកូរ៉េខាងត្បូងប្រចាំកម្ពុជា លោក អូ ណាក់យ៉ុង បង្ហាញក្ដីសង្ឃឹមថា K-POP នឹងជួយជំរុញទំនាក់ទំនងរវាងកម្ពុជា និងកូរ៉េខាងត្បូង តាមរយៈការការផ្លាស់ប្ដូរវប្បធម៌ក្នុងចំណោមយុវជនប្រទេសទាំងពីរ។ លោកលើកឡើងបែបនេះក្នុងព្រឹត្តការណ៍ K-POP World Festival 2018 in Changwon វគ្គដំបូងប្រចាំកម្ពុជានៅថ្ងៃទី១៥ ខែមិថុនា ។ ក្រុមរាំ NT Crew ទទួលបានជ័យលាភីលេខ១ និងក្លាយជាតំណាងកម្ពុជាចូលរួមប្រកួតវគ្គបន្ទាប់នៅកូរ៉េខាងត្បូង។
K-POP World Festival 2018 in Changwon គឺជា K-POP Festival ដ៏ធំបំផុតក្នុងពិភពលោកដែលត្រូវបានរៀបចំឡើងដោយក្រសួងការបរទេសកូរ៉េខាងត្បូង ស្ថានីយ៍ទូរទស្សន៍ KBS និង KOCIS (Korean Culture and Information Service) ។ កម្មវិធីនេះទទួលបានការចូលរួមយ៉ាងច្រើនកុះករពីសំណាក់អ្នកគាំទ្រ K-POP ទូទាំងពិភពលោក។
សម្រាប់កម្ពុជា បេក្ខជនប្រមាណ៤០ក្រុមដែលមានរាំនិងច្រៀង បានដាក់ពាក្យចូលរួមប្រកួតកម្មវិធីនេះ ហើយមានបេក្ខជនចំនួន១៦ក្រុមបានឆ្លងដល់វគ្គជម្រុះដំបូងនៅថ្ងៃទី១៥ ខែមិថុនា។ ឆ្លងកាត់ការបង្ហាញសមត្ថភាពរួចមក ក្រុមរាំ NT Crew បានទទួលជ័យលាភីលេខ១ ដែលត្រូវតំណាងឲ្យកម្ពុជាទៅប្រកួតធំវគ្គទី១ នៅទីក្រុង Changwon នៅដើមខែតុលាខាងមុខជាមួយនឹងបេក្ខជនប្រកួតមកពីប្រទេសជាច្រើនទៀត។ ទូរទស្សន៍ល្បីឈ្មោះ KBS World របស់កូរ៉េខាងត្បូង ផ្សាយផ្ទាល់កម្មវិធីនេះ។
អគ្គរដ្ឋទូតកូរ៉េខាងត្បូងប្រចាំកម្ពុជា លោក អូ ណាក់យ៉ុង ថ្លែងថា K-POP បានក្លាយជាទៅជាវប្បធម៌មួយលើពិភពលោកនេះហើយ។ លោកបានកត់សម្គាល់ពីការចូលចិត្ត K-POP ក្នុងចំណោមប្រជាជនកម្ពុជា ដែលស្ដែងតាមរយៈការចូលរួមទស្សនាយ៉ាងច្រើនកុះករក្នុងកម្មវិធីប្រកួតជម្រុះជុំដំបូងនៅឯមជ្ឈមណ្ឌលសហប្រតិបត្តិការកម្ពុជាកម្ពុជា-កូរ៉េ (CKCC)។
លោក អូ ណាក់យ៉ុង បញ្ជាក់ទៀតថា លោករីករាយដែលប្រជាប្រិយភាពរបស់ K-POP បានកើនឡើងជាលំដាប់ជាពិសេសក្នុងចំណោមយុវជនកម្ពុជា។ លោក អូ ណាក់យ៉ុង សង្ឃឹមថា ការផ្លាស់ប្ដូរវប្បធម៌រវាងយុវជនកម្ពុជា និងកូរ៉េខាងត្បូងដែលនិយម K-POP ដូចគ្នា នឹងនាំដល់ការរីកចម្រើនទំនាក់ទំនងទ្វេភាគីមិនខាន ក៏ដូចជាការស្វែងយល់ពីកូរ៉េខាងត្បូងបានទូលាយផង។ លោកបន្តថា កម្ពុជា និងវៀតណាម គឺជាប្រទេសដំបូងគេដែល K-POP ពេញនិយមជាងគេ។
ជាមួយនឹងការអរគុណប្រជាជនកម្ពុជាដែលចូលចិត្ត K-POP តំណាងកូរ៉េខាងត្បូងខាងលើសន្យាថា ស្ថានទូតកូរ៉េខាងត្បូងនឹងបន្តរៀបចំកម្មវិធី K-POP រួមទាំងកម្មវិធីណែនាំពីវប្បធម៌កូរ៉េជាច្រើនប្រភេទទៀត៕
K-POP World Festival 2018 in Changwon គឺជា K-POP Festival ដ៏ធំបំផុតក្នុងពិភពលោកដែលត្រូវបានរៀបចំឡើងដោយក្រសួងការបរទេសកូរ៉េខាងត្បូង ស្ថានីយ៍ទូរទស្សន៍ KBS និង KOCIS (Korean Culture and Information Service) ។ កម្មវិធីនេះទទួលបានការចូលរួមយ៉ាងច្រើនកុះករពីសំណាក់អ្នកគាំទ្រ K-POP ទូទាំងពិភពលោក។
សម្រាប់កម្ពុជា បេក្ខជនប្រមាណ៤០ក្រុមដែលមានរាំនិងច្រៀង បានដាក់ពាក្យចូលរួមប្រកួតកម្មវិធីនេះ ហើយមានបេក្ខជនចំនួន១៦ក្រុមបានឆ្លងដល់វគ្គជម្រុះដំបូងនៅថ្ងៃទី១៥ ខែមិថុនា។ ឆ្លងកាត់ការបង្ហាញសមត្ថភាពរួចមក ក្រុមរាំ NT Crew បានទទួលជ័យលាភីលេខ១ ដែលត្រូវតំណាងឲ្យកម្ពុជាទៅប្រកួតធំវគ្គទី១ នៅទីក្រុង Changwon នៅដើមខែតុលាខាងមុខជាមួយនឹងបេក្ខជនប្រកួតមកពីប្រទេសជាច្រើនទៀត។ ទូរទស្សន៍ល្បីឈ្មោះ KBS World របស់កូរ៉េខាងត្បូង ផ្សាយផ្ទាល់កម្មវិធីនេះ។
អគ្គរដ្ឋទូតកូរ៉េខាងត្បូងប្រចាំកម្ពុជា លោក អូ ណាក់យ៉ុង ថ្លែងថា K-POP បានក្លាយជាទៅជាវប្បធម៌មួយលើពិភពលោកនេះហើយ។ លោកបានកត់សម្គាល់ពីការចូលចិត្ត K-POP ក្នុងចំណោមប្រជាជនកម្ពុជា ដែលស្ដែងតាមរយៈការចូលរួមទស្សនាយ៉ាងច្រើនកុះករក្នុងកម្មវិធីប្រកួតជម្រុះជុំដំបូងនៅឯមជ្ឈមណ្ឌលសហប្រតិបត្តិការកម្ពុជាកម្ពុជា-កូរ៉េ (CKCC)។
លោក អូ ណាក់យ៉ុង បញ្ជាក់ទៀតថា លោករីករាយដែលប្រជាប្រិយភាពរបស់ K-POP បានកើនឡើងជាលំដាប់ជាពិសេសក្នុងចំណោមយុវជនកម្ពុជា។ លោក អូ ណាក់យ៉ុង សង្ឃឹមថា ការផ្លាស់ប្ដូរវប្បធម៌រវាងយុវជនកម្ពុជា និងកូរ៉េខាងត្បូងដែលនិយម K-POP ដូចគ្នា នឹងនាំដល់ការរីកចម្រើនទំនាក់ទំនងទ្វេភាគីមិនខាន ក៏ដូចជាការស្វែងយល់ពីកូរ៉េខាងត្បូងបានទូលាយផង។ លោកបន្តថា កម្ពុជា និងវៀតណាម គឺជាប្រទេសដំបូងគេដែល K-POP ពេញនិយមជាងគេ។
ជាមួយនឹងការអរគុណប្រជាជនកម្ពុជាដែលចូលចិត្ត K-POP តំណាងកូរ៉េខាងត្បូងខាងលើសន្យាថា ស្ថានទូតកូរ៉េខាងត្បូងនឹងបន្តរៀបចំកម្មវិធី K-POP រួមទាំងកម្មវិធីណែនាំពីវប្បធម៌កូរ៉េជាច្រើនប្រភេទទៀត៕
Tag:
កម្ពុជា
កូរ៉េខាងត្បូង
K-POP
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
