ចិន ផ្តល់ជំនួយ១០០លានដុល្លារ ដល់កម្ពុជា សម្រាប់វិស័យយោធា

ជាតិ

ចិន ផ្តល់ជំនួយ១០០លានដុល្លារ ដល់កម្ពុជា សម្រាប់វិស័យយោធា

18, Jun 2018 , 11:59 am

រូបភាព

ជំនួបរវាងសម្តេច ទៀ បាញ់ និងលោក វៃ ហ្វេនហេ នៅវិមានសន្តិភាព កាលពីថ្ងៃទី១៧ ខែមិថុនា ឆ្នាំ២០១៨។ រូបពីហ្វេសបុករបស់សម្តេច ទៀ បាញ់

ដោយ: ថ្មីៗ

កម្ពុជា-ចិន នឹងបន្តធ្វើសមយុទ្ធយោធារួមគ្នា នៅឆ្នាំ២០១៩ ដើម្បីពង្រឹងទំនាក់ទំនង ជាពិសេសពាក់ព័ន្ធនឹងវិស័យយោធា។ ការសម្រេចបន្តធ្វើសមប្រយុទ្ធយោធានៅឆ្នាំក្រោយនេះ គឺធ្វើឡើងក្នុងជំនួបរវាងសម្តេច ទៀ បាញ់ រដ្ឋមន្ត្រីក្រសួងការពារជាតិកម្ពុជា និងលោក វៃ ហ្វេនហេ (WEI FENGHE) រដ្ឋមន្ត្រីក្រសួងការពារជាតិចិន កាលពីថ្ងៃទី១៧ ខែមិថុនា ឆ្នាំ២០១៨។

លើសពីនេះ រដ្ឋាភិបាលចិន បានផ្តល់ជំនួយជាថវិកាដល់កម្ពុជា ដើម្បីយកមកប្រើប្រាស់លើវិស័យយោធា។ បើតាមការចុះផ្សាយរបស់សារព័ត៌មាន Fresh News ថវិកាដែលចិនផ្តល់ឲ្យកម្ពុជា មានចំនួន៦៤៥យ័ន ដែលស្មើនឹងប្រមាណ១០០លានដុល្លារ។

លោក វៃ ហ្វេនហេ ក៏នឹងមានជំនួបជាមួយសម្តេចនាយករដ្ឋមន្ត្រី ហ៊ុន សែន ផងដែរ។ ដំណើរទស្សនកិច្ចរបស់លោក នៅកម្ពុជា នឹងត្រូវបញ្ចប់នៅថ្ងៃទី២០ ខែមិថុនា៕