FIFA
កីឡាអន្តរជាតិ
អន្តរជាតិ
World Cup៖ ក្រុមពីអឺរ៉ុប ស៊ុយអែត បែលហ្សិក និងអង់គ្លេស សុទ្ធតែឈ្នះការប្រកួត
បែលហ្ស៊ិក អង់គ្លេស និងស៊ុយអែត សុទ្ធតែឈ្នះការប្រកួត។ រូបថត FIFA
×![]()
ដោយ: រួបរួម
ការប្រកួត FIFA World Cup នៅរាត្រីថ្ងៃចន្ទ ឈានចូលថ្ងៃអង្គារ នេះ ផ្តល់នូវលទ្ធផលដ៏គាប់ចិត្តសម្រាប់ក្រុមពីតំបន់អឺរ៉ុប។ ស៊ុយអែត បើកការប្រកួតពូល F ដោយឈ្នះកូរ៉េខាងត្បូង ១-០ ដោយគ្រាប់បាល់ប៉េណាល់ទី មុនពេលដែល បែលហ្ស៊ិកបំបាក់ក្រុមចំណូលថ្មី ប៉ាណាម៉ា ៣-០ ហើយអង់គ្លេសឈ្នះទុយនីស៊ី ២-១ នៅនាទីបន្ថែម សម្រាប់ជំនួបពូល G។
VAR នាំសំណាងដល់ស៊ុយអែត
ប្រធានក្រុមស៊ុយអែត Andreas Granqvist បានស៊ុតបាល់ប៉េណាល់ទីនៅនាទី៦៥ ដើម្បីនាំជ័យជម្នះ ១-០ លើកូរ៉េខាងត្បូង សម្រាប់ការប្រកួតក្នុងពូល F នៅកីឡដ្ឋាន Nizhny Novgorod Stadium។ គ្រាល់បាល់នេះកើតឡើងបន្ទាប់រូបភាពវីដេអូ VAR បង្ហាញអាជ្ញាកណ្តាលឲ្យឃើញថា Kim Min-woo បានធាក់ចំជើងរបស់ Viktor Claesson នៅតំបន់គ្រោះថ្នាក់។ នេះជាជ័យជម្នះក្នុងការប្រកួតបើកឆាក World Cup លើកដំបូងរបស់ស៊ុយអែត បើគិតចាប់តាំងពីពួកគេបានយកឈ្នះម៉ិកស៊ិក ៣-០ កាលពីឆ្នាំ១៩៥៨។
Romelu Lukaku រកបាន២គ្រាប់ក្នុងជ័យជម្នះ ៣-០
ខ្សែប្រយុទ្ធ Romelu Lukaku បានស៊ុតបាល់បញ្ចូលទី២គ្រាប់ក្នុងជ័យជម្នះ ៣-០ លើប៉ាណាម៉ា ដែលជាក្រុមចំណូលថ្មីនៅ World Cup សម្រាប់ការប្រកួតបើកឆាកនៅពូល G។ គ្រាប់បញ្ចូលទីបានកើតឡើងនៅតង់ទីពីរ ដែលរកបានដំបូងដោយ Dries Mertens ហើយ Lukaka បន្ថែមពីរគ្រាប់ជាបន្តបន្ទាប់។
Harry Kane តែតបាល់បញ្ចូលទីនៅនាទីបន្ថែមនាំជ័យជម្នះដល់អង់គ្លេស
ប្រធានក្រុម Harry Kane បានស៊ុតបាល់បញ្ចូលទី២គ្រាប់ នៅដើមតង់ និងនៅនាទីបន្ថែម ដើម្បីនាំឲ្យអង់គ្លេសទទួលជ័យជម្នះ ២-១ លើទុយនីស៊ី សម្រាប់ការប្រកួតបើកឆាកពូល G។
អង់គ្លេសបើកការវាយលុកយ៉ាងខ្លាំង ដោយ Kane រកបានគ្រាប់ដំបូងនៅនាទី១១។ នៅនាទី៣៥ ទុយនីស៊ីតាមស្មើវិញ ដោយសារការទាត់បាល់ប៉េណាល់ទីរបស់ Ferjani Sassi បន្ទាប់ពី Kyle Walker បង្ករកំហុសលើ Fakhreddine Ben Youssef។ បញ្ហារបួសនាំឲ្យអ្នកចាំទី Hassen ត្រូវបានដាក់ជំនួសដោយ Farouk Ben Mustapha ដែលជួយសង្គ្រោះបាល់គ្រោះថ្នាក់ដ៏ច្រើន មុនពេលដែល Kane បានតែតបញ្ចូលទីនៅនាទីបន្ថែមដំបូង៕
VAR នាំសំណាងដល់ស៊ុយអែត
ប្រធានក្រុមស៊ុយអែត Andreas Granqvist បានស៊ុតបាល់ប៉េណាល់ទីនៅនាទី៦៥ ដើម្បីនាំជ័យជម្នះ ១-០ លើកូរ៉េខាងត្បូង សម្រាប់ការប្រកួតក្នុងពូល F នៅកីឡដ្ឋាន Nizhny Novgorod Stadium។ គ្រាល់បាល់នេះកើតឡើងបន្ទាប់រូបភាពវីដេអូ VAR បង្ហាញអាជ្ញាកណ្តាលឲ្យឃើញថា Kim Min-woo បានធាក់ចំជើងរបស់ Viktor Claesson នៅតំបន់គ្រោះថ្នាក់។ នេះជាជ័យជម្នះក្នុងការប្រកួតបើកឆាក World Cup លើកដំបូងរបស់ស៊ុយអែត បើគិតចាប់តាំងពីពួកគេបានយកឈ្នះម៉ិកស៊ិក ៣-០ កាលពីឆ្នាំ១៩៥៨។
Romelu Lukaku រកបាន២គ្រាប់ក្នុងជ័យជម្នះ ៣-០
ខ្សែប្រយុទ្ធ Romelu Lukaku បានស៊ុតបាល់បញ្ចូលទី២គ្រាប់ក្នុងជ័យជម្នះ ៣-០ លើប៉ាណាម៉ា ដែលជាក្រុមចំណូលថ្មីនៅ World Cup សម្រាប់ការប្រកួតបើកឆាកនៅពូល G។ គ្រាប់បញ្ចូលទីបានកើតឡើងនៅតង់ទីពីរ ដែលរកបានដំបូងដោយ Dries Mertens ហើយ Lukaka បន្ថែមពីរគ្រាប់ជាបន្តបន្ទាប់។
Harry Kane តែតបាល់បញ្ចូលទីនៅនាទីបន្ថែមនាំជ័យជម្នះដល់អង់គ្លេស
ប្រធានក្រុម Harry Kane បានស៊ុតបាល់បញ្ចូលទី២គ្រាប់ នៅដើមតង់ និងនៅនាទីបន្ថែម ដើម្បីនាំឲ្យអង់គ្លេសទទួលជ័យជម្នះ ២-១ លើទុយនីស៊ី សម្រាប់ការប្រកួតបើកឆាកពូល G។
អង់គ្លេសបើកការវាយលុកយ៉ាងខ្លាំង ដោយ Kane រកបានគ្រាប់ដំបូងនៅនាទី១១។ នៅនាទី៣៥ ទុយនីស៊ីតាមស្មើវិញ ដោយសារការទាត់បាល់ប៉េណាល់ទីរបស់ Ferjani Sassi បន្ទាប់ពី Kyle Walker បង្ករកំហុសលើ Fakhreddine Ben Youssef។ បញ្ហារបួសនាំឲ្យអ្នកចាំទី Hassen ត្រូវបានដាក់ជំនួសដោយ Farouk Ben Mustapha ដែលជួយសង្គ្រោះបាល់គ្រោះថ្នាក់ដ៏ច្រើន មុនពេលដែល Kane បានតែតបញ្ចូលទីនៅនាទីបន្ថែមដំបូង៕
Tag:
FIFA World Cup
GroupG
GroupF
© រក្សាសិទ្ធិដោយ thmeythmey.com
