កីឡាអន្តរជាតិ
អន្តរជាតិ
×![]()
ដោយ: ទេព ពិទូរ្យ
មនុស្សជាង៣ពាន់នាក់នៅថៃ ត្រូវបានចាប់ខ្លួនពីបទភ្នាល់បាល់ World Cup ខុសច្បាប់ ក្នុងរយៈពេល៤ថ្ងៃ ពោលគឺចាប់ពីថ្ងៃប្រកួតបើកឆាករវាងម្ចាស់ផ្ទះរុស្ស៊ីទល់នឹងអារ៉ាប៊ីសាអូឌីតមក។
ប៉ូលិសថៃកំពុងបង្ហាញពីការប្រុងប្រយ័ត្នយ៉ាងខ្លាំងអំពីការប្រយុទ្ធប្រឆាំងនឹងការលេងល្បែងភ្នាល់កីឡាបាល់ទាត់ខុសច្បាប់អំឡុងការប្រកួតពានរង្វាន់កីឡាបាល់ទាត់ពិភពលោកឆ្នាំ២០១៨ នៅរុស្ស៊ី។
បើយោងតាមការផ្សាយរបស់កាសែតបាងកកប៉ុស្តិ៍ នៅថ្ងៃទី១៨ ខែមិថុនា លោក Chalermkiat Srivorakhan មេប៉ូលិសរងនៅក្រុងបាងកក បានប្រកាសថាអ្នកលេងល្បែងស៊ីសងចំនួន ៣ពាន់នាក់ និងអ្នកភ្នាល់បាល់ខុសច្បាប់ប្រមាណ ២៥០ នាក់ត្រូវបានចាប់ខ្លួននៅរាជធានីរបស់ថៃ និងតាមបណ្តាខេត្តជាប់គ្នានោះ។
ស្នងការរងខាងលើ ក៏បានកត់សម្គាល់ឃើញថា សកម្មភាពភ្នាល់បាល់លើកនេះមានកម្រិតខ្ពស់ជាងការប្រកួតកាលពីឆ្នាំ២០១៤ ដែលមានអ្នកភ្នាល់ ៧% នៃប្រជាជនថៃសរុប ដោយដាក់ប្រាក់ភ្នាល់មួយចំនួនលើការប្រកួតកីឡាបាល់ទាត់ពិភពលោកនៅប្រេស៊ីល។ កម្រិតខ្ពស់ដោយសារតែប្រជាជនបច្ចុប្បន្នមានភាពងាយស្រួលចូលទៅកាន់គេហទំព័រភ្នាល់អនឡាញតាមរយៈទូរសព្ទដៃ។
បញ្ហានេះដែរ ការិយាល័យប្រឆាំងការលាងលុយ (AMLO) របស់ថៃបានសហការជាមួយធនាគារចំនួន ៣ និងស្ថាប័នហិរញ្ញវត្ថុដទៃទៀតដើម្បីតាមដានសកម្មភាពគណនីណាដែលគួរឲ្យសង្ស័យក្នុងអំឡុងពេលការប្រកួត World Cup នេះ។ ប៉ូលិសក៏បានដាក់បញ្ជីរាយឈ្មោះគេហទំព័រភ្នាល់ល្បែងខុសច្បាប់ខុសៗគ្នាជាង ៣០០ ដែលជាអ្នកផ្តល់សេវាអ៊ីនធឺណែតក្នុងស្រុកកឲ្យបញ្ចប់ដំណើរការផងដែរ។
ការប្រកួតកីឡាបាល់ទាត់ពិភពលោកលើកទី២២ ដែលធ្វើឡើងក្នុងក្រុងចំនួន១២ របស់រុស្ស៊ី បានដំណើរការប្រកួតរយៈពេល៦ថ្ងៃហើយ បើគិតទាំងថ្ងៃទី១៩នេះទៀត។ ការប្រកួតក៏បានឈានដល់ជុំទី២ដែរនាថ្ងៃទី ១៩ ខែមិថុនានេះ សម្រាប់ជំនួបរវាងម្ចាស់ផ្ទះរុស្ស៊ី និងអេហ្ស៊ីបក្នុងពូល A នៅវេលាម៉ោង ១អាធ្រាត្រ (ម៉ោងនៅកម្ពុជា) បន្ទាប់ពីការប្រកួតពីរគូចុងក្រោយជុំទី១ក្នុងពូល H រវាងជម្រើសជាតិកូឡុំប៊ីទល់នឹងជប៉ុន (ម៉ោង ៧យប់) មុនជំនួប ប៉ូឡូញ និងសេណេហ្គាល់នៅម៉ោង ១០យប់៕
ប៉ូលិសថៃកំពុងបង្ហាញពីការប្រុងប្រយ័ត្នយ៉ាងខ្លាំងអំពីការប្រយុទ្ធប្រឆាំងនឹងការលេងល្បែងភ្នាល់កីឡាបាល់ទាត់ខុសច្បាប់អំឡុងការប្រកួតពានរង្វាន់កីឡាបាល់ទាត់ពិភពលោកឆ្នាំ២០១៨ នៅរុស្ស៊ី។
បើយោងតាមការផ្សាយរបស់កាសែតបាងកកប៉ុស្តិ៍ នៅថ្ងៃទី១៨ ខែមិថុនា លោក Chalermkiat Srivorakhan មេប៉ូលិសរងនៅក្រុងបាងកក បានប្រកាសថាអ្នកលេងល្បែងស៊ីសងចំនួន ៣ពាន់នាក់ និងអ្នកភ្នាល់បាល់ខុសច្បាប់ប្រមាណ ២៥០ នាក់ត្រូវបានចាប់ខ្លួននៅរាជធានីរបស់ថៃ និងតាមបណ្តាខេត្តជាប់គ្នានោះ។
ស្នងការរងខាងលើ ក៏បានកត់សម្គាល់ឃើញថា សកម្មភាពភ្នាល់បាល់លើកនេះមានកម្រិតខ្ពស់ជាងការប្រកួតកាលពីឆ្នាំ២០១៤ ដែលមានអ្នកភ្នាល់ ៧% នៃប្រជាជនថៃសរុប ដោយដាក់ប្រាក់ភ្នាល់មួយចំនួនលើការប្រកួតកីឡាបាល់ទាត់ពិភពលោកនៅប្រេស៊ីល។ កម្រិតខ្ពស់ដោយសារតែប្រជាជនបច្ចុប្បន្នមានភាពងាយស្រួលចូលទៅកាន់គេហទំព័រភ្នាល់អនឡាញតាមរយៈទូរសព្ទដៃ។
បញ្ហានេះដែរ ការិយាល័យប្រឆាំងការលាងលុយ (AMLO) របស់ថៃបានសហការជាមួយធនាគារចំនួន ៣ និងស្ថាប័នហិរញ្ញវត្ថុដទៃទៀតដើម្បីតាមដានសកម្មភាពគណនីណាដែលគួរឲ្យសង្ស័យក្នុងអំឡុងពេលការប្រកួត World Cup នេះ។ ប៉ូលិសក៏បានដាក់បញ្ជីរាយឈ្មោះគេហទំព័រភ្នាល់ល្បែងខុសច្បាប់ខុសៗគ្នាជាង ៣០០ ដែលជាអ្នកផ្តល់សេវាអ៊ីនធឺណែតក្នុងស្រុកកឲ្យបញ្ចប់ដំណើរការផងដែរ។
ការប្រកួតកីឡាបាល់ទាត់ពិភពលោកលើកទី២២ ដែលធ្វើឡើងក្នុងក្រុងចំនួន១២ របស់រុស្ស៊ី បានដំណើរការប្រកួតរយៈពេល៦ថ្ងៃហើយ បើគិតទាំងថ្ងៃទី១៩នេះទៀត។ ការប្រកួតក៏បានឈានដល់ជុំទី២ដែរនាថ្ងៃទី ១៩ ខែមិថុនានេះ សម្រាប់ជំនួបរវាងម្ចាស់ផ្ទះរុស្ស៊ី និងអេហ្ស៊ីបក្នុងពូល A នៅវេលាម៉ោង ១អាធ្រាត្រ (ម៉ោងនៅកម្ពុជា) បន្ទាប់ពីការប្រកួតពីរគូចុងក្រោយជុំទី១ក្នុងពូល H រវាងជម្រើសជាតិកូឡុំប៊ីទល់នឹងជប៉ុន (ម៉ោង ៧យប់) មុនជំនួប ប៉ូឡូញ និងសេណេហ្គាល់នៅម៉ោង ១០យប់៕
Tag:
បាល់ទាត់
FIFA World Cup
ភ្នាល់បាល់
ថៃ
© រក្សាសិទ្ធិដោយ thmeythmey.com
