FIFA
កីឡាអន្តរជាតិ
អន្តរជាតិ
Carlos Vela ថាជីតារបស់ខ្លួន បានទទួលមរណភាព បន្ទាប់ពីម៉ិកស៊ិកឈ្នះអាល្លឺម៉ង់
× ខ្សែប្រយុទ្ធ Carlos Vela បានចូលរយៈពេល៥៨នាទីក្នុងការប្រកួតបើកឆាកពូល F ជាមួយអាល្លឺម៉ង់ ដោយក្រុមជម្រើសជាតិម៉ិកស៊ិករបស់គេបានយកឈ្នះម្ចាស់ការពារតំណែងជើងឯកក្នុងលទ្ធផល ១-០ ដ៏រំភើបកាលពីថ្ងៃអាទិត្យកន្លងមក។
អាយុ២៩ឆ្នាំ Vela ជាសមាសភាពដ៏សំខាន់ម្នាក់របស់លោក Juan Carlos Osorio។ មួយថ្ងៃក្រោយជ័យជម្នះដ៏រំភើបរបស់ម៉ិកស៊ិក Vela បានប្រកាសនៅលើ Instagram របស់ខ្លួនថា ជីតាបានស្លាប់ ហើយបទពិសោធន៍ចុងក្រោយក្នុងជីវិតរបស់គាត់ គឺបានឃើញជ័យជម្នះរបស់ម៉ិកស៊ិក។
«ជ័យជម្នះចុងក្រោយដែលលោកតាបានឃើញ... ចៅសង្ឃឹមថា លោកចាកចេញដោយមានមោទកភាពចំពោះចៅ»។ នេះសំណេររបស់ Vela នៅលើបណ្តាញសង្គម។
ទោះបីជាយ៉ាងណាក៏ដោយ Vela នៅបន្តស្ថិតនៅក្នុងក្រុម ដោយត្រៀមតទល់ជាមួយកូរ៉េខាងត្បូងនៅថ្ងៃសៅរ៍ខាងមុខនេះ៕
Tag:
FIFA World Cup
GroupF
© រក្សាសិទ្ធិដោយ thmeythmey.com