ជាតិ
បទយកការណ៍ / បទសម្ភាសន៍
អ្នកជំនាញផ្នែកច្បាប់៖ មិនគួរបង្ហោះរូបភាព ឬវីដេអូ បរិហារគ្នាក្រោយមានជម្លោះ
× ភ្នំពេញ៖ បន្ទាប់ពីមានករណីបរិហារគ្នាទៅវិញទៅមក ដែលភាគច្រើនកើតពីទំនាស់ក្នុងគ្រួសារ ឬករណីបែកបាក់ស្នេហានោះ ត្រូវបានលោកមេធាវី សុក សំអឿន ប្រធានក្រុមអ្នកច្បាប់អមរិន្ទ លើកឡើងថា ជាទង្វើមិនគួរកើតមានឡើយ។ បើតាមលោក សុក សំអឿនការបរិហារគ្នានេះ អាចនឹងមិនខុសច្បាប់ បើវាជារឿងពិត បើមិនដូច្នោះ អ្នកដែលនិយាយនឹងមានទោស។
បើទោះជាទៅដល់កន្លែងផ្ទាល់ ឃើញថាប្ដី ឬប្រពន្ធ កំពុងនៅកៀកកើយជិតនរណាក៏ដោយ ក៏មិនគួរថតវីដេអូ យកមកបង្ហោះនៅក្នុងបណ្ដាញសង្គមឡើយ។ នេះបើតាមការលើកឡើងរបស់លោកមេធាវី សុក សំអឿន។ ប្រធានក្រុមអ្នកច្បាប់អមរិន្ទុរូបនេះបន្តថា ការបញ្ចេញវីដេអូបកអាក្រាតនរណាម្នាក់ គឺជាជម្រើសចុងក្រោយរបស់តុលាការ ដើម្បីបញ្ជាក់ថាបុគ្គលនោះ ពិតជាបានធ្វើខុសមែន តែមិនមែនជាការបង្ហោះជាសារធារណៈនោះ។
ផ្ទុយទៅវិញ ការមិនបង្ហោះបកអាក្រាតគ្នា បានបង្ហាញពីសីលធម៌របស់មនុស្ស ជាពិសេសភាពជាគំរូដល់ក្មេងជំនាន់ក្រោយ។ នេះជាការយល់ឃើញរបស់លោក សុខ សំអឿន ដែលបន្តបន្ថែមដូច្នេះ៖«ការបង្ហោះវីដេអូប្រពន្ធចុង ឬប្ដីរបស់ខ្លួនជាមួយស្រីកំណាន់ គឺមានន័យថា ទំនាក់ទំនងរវាងប្ដីប្រពន្ធរូបនេះ មិនអាចផ្សះផ្សារគ្នាបានឡើយ។ តែបើសិនជាមិនចង់លែងលះគ្នានោះទេ គួរកុំបង្ហោះជាសាធារណៈ»។
ដើម្បីជ្រាបកាន់តែច្បាស់សូមស្ដាប់កិច្ចសម្ភាសរវាងកញ្ញា ថាន រស្មី អ្នកព័ត៌មាននៃសារព័ត៌មានថ្មីៗ ជាមួយលោកមេធាវី សុក សំអឿន ប្រធានក្រុមអ្នកច្បាប់អមរិន្ទដូចតទៅ៖
Tag:
បណ្ដាញសង្គម
ហ្វេសប៊ុក
FB
បរិហារកេរ្តិ៍
ច្បាប់
សីលធម៌
ច្បាប់
© រក្សាសិទ្ធិដោយ thmeythmey.com