កម្មវិធី«Mercedes-Benz និងកំណប់អាថ៌កំបាំង» បានទៅដល់តំបន់ទេសចរណ៍វប្បធម៌ និងធម្មជាតិជាច្រើនក្នុងខេត្តរតនគិរី

ជាតិ

រថយន្ត

26, Jun 2018 , 6:59 pm

រូបភាព

រតនគិរី៖ កម្មវិធី«Mercedes-Benz និងកំណប់អាថ៌កំបាំង» បានបញ្ចប់ដំណើរបេសកកម្មលើកទី៣ ដោយជោគជ័យ ជាមួយនឹងការធ្វើដំណើរទៅកាន់រមណីយដ្ឋានទេសចរធម្មជាតិ និងទេសចរណ៍វប្បធម៌ ជាច្រើនកន្លែង នៅក្នុងខេត្តរតនគិរី។ រយៈពេល ។ បេសកកម្មរយៈពេល៤ថ្ងៃ ពីថ្ងៃទី១៧-២០ មិថុនា ក្រុមការងារនៃកម្មវិធី «Mercedes-Benz និងកំណប់អាថ៌កំបាំង» បានទទួលទានម្ហូបអាហាររបស់ជនជាតិដើមភាគតិច ដែលរួមមាន សម្លរព្រោង, ពគ្រីវបុកត្រីឆ្អើរ,សម្លទំពាំងបុកម្សៅ និងឡាបសាច់គោ។

ក្រុមការងារបានធ្វើដំណើរទៅកាន់សមាគមអភិរក្សដំរីខ្មែរអៃរាវត្តា និងការជិះដំរីកម្សាន្តក្នុងព្រៃសហគមន៍កាទៀង ធ្វើដំណើរទៅកាន់រមណីយដ្ឋានបឹងយក្ខឡោម ទៅសហគមន៍ជនជាតិដើមភាគតិចក្រឹងដើម្បីស្វែងយល់ពីជីវភាពរស់នៅរបស់ពួកគាត់ ក៏ដូចជាទស្សនាការសម្ដែងរបាំ និងចម្រៀងជនជាតិដើមភាគតិចជាដើម។

សូមទស្សនាឡើងវិញ ការផ្សាយផ្ទាល់តាមទំព័រហ្វេសប៊ុកសារព័ត៌មានថ្មីៗ នៅក្នុងអំឡុងបេសកកម្មរយៈពេល៤ ថ្ងៃ នៃកម្មវិធី«Mercedes-Benz និងកំណប់អាថ៌កំបាំង» នៅក្នុងខេត្តរតនគិរីដូចតទៅ៖

កម្មវិធី«Mercedes-Benz និងកំណប់អាថ៌កំបាំង» បង្កើតឡើងដោយក្រុមហ៊ុនស្តារអូតូ ខេមបូឌា ដែលជាក្រុមហ៊ុនទទួលសិទ្ធិផ្តាច់មុខ នាំចូល និងចែកចាយ រថយន្តប្រណីត Mercedes-Benz គ្រប់ប្រភេទ ប្រចាំប្រទេសកម្ពុជា ក្នុងបំណងគាស់កកាយតំបន់ទេសចរណ៍សក្តានុពលដែលគេមិនសូវស្គាល់ នៅទូទាំងប្រទេស៕