ជាតិ
សេដ្ឋកិច្ច
កម្ពុជា បញ្ជូនបេសកជនពិសេសទៅបញ្ចុះបញ្ចូលសហភាពអឺរ៉ុប កុំឲ្យដកការអនុគ្រោះពន្ធ
រូបពីហ្វេសប៊ុកសមាគមសហគ្រិនស្ត្រីកម្ពុជា
×![]()
ភ្នំពេញ៖ កម្ពុជា បានបញ្ជូនបេសកជនទៅបញ្ចុះបញ្ចូលសហភាពអឺរ៉ុប ដើម្បីទប់ស្កាត់ការដកប្រព័ន្ធអនុគ្រោះពន្ធ(Everything But Arm )កម្ពុជា ដែលកំពុងស្ថិតនៅក្នុងបញ្ជីឈ្មោះប្រទេសមានបញ្ហារបស់សហភាពអឺរ៉ុប។
លោក សុក ស៊ីផាន់ណា ទីប្រឹក្សារាជរដ្ឋាភិបាល ជាអ្នកទទួលភារកិច្ចបញ្ចុះបញ្ចូលនិងទប់ស្កាត់វិធានការដកប្រព័ន្ធអនុគ្រោះពន្ធ «គ្រប់មុខទំនិញលើកលែងគ្រឿងសព្វាវុធ» (Everything But Arms-EBAs) ពីប្រទេសកម្ពុជា។ ភារកិច្ចដែលបេសកជនកម្ពុជា ត្រូវដោះស្រាយជាមួយសហភាពអឺរ៉ុបនោះ គឺមានរយៈពេលពីថ្ងៃទី១៨មិថុនា ដល់ខែ១ វិច្ចិកាខាងមុខ ។
គោលបំណងដែលលោក សុក ស៊ីផាន់ណា ត្រៀមបំភ្លឺជូនមន្ត្រីជាន់ខ្ពស់សំខាន់ៗរបស់គណៈកម្មការអឺរ៉ុប ប្រធានគណៈកម្មាធិការកិច្ចការបរទេសរបស់សភាអឺរ៉ុប និងឥស្សរជនសំខាន់ៗផ្សេងទៀត អំពីសភាពការណ៍ពិតនៅកម្ពុជា។ ខ្លឹមសារដែលកម្ពុជា គ្រោងយកទៅពិភាក្សាជាមួយភាគីសហភាពអឺរ៉ុប មានចំនួន១០ចំណុចជាអាទិ៍ សម្រាប់ការបកស្រាយ និងបន្ទន់ចិត្តសហភាពអឺរ៉ុប ឲ្យងាកមកដោះស្រាយជាមួយកម្ពុជាដោយការយោគយល់វិញ។
បើតាមខ្លឹមសារទាំងនោះ លោក សុក ស៊ីផាន់ណា ក៏នឹងពន្យល់ពីកិច្ចខិតខំប្រឹងប្រែងរបស់រដ្ឋាភិបាល ក្នុងការជួយដោះស្រាយបញ្ហាកម្មករនិយោជិត ឲ្យស្របតាមច្បាប់ការងារអន្តរជាតិ និងគោលនយោបាយរបស់រដ្ឋាភិបាល ដែលចង់បន្តសហការជាមួយសហភាពអឺរ៉ុប ក្នុងទិសដៅអភិវឌ្ឍន៍សេដ្ឋកិច្ច និងប្រទេស។ ទន្ទឹមនឹងការបកស្រាយនេះ លោក សុក ស៊ីផាន់ណា ក៏មិនភ្លេចពន្យល់ពីមូលហេតុដែលនាំឲ្យកម្ពុជា ក្លាយទៅជាប្រទេសមួយ ស្ថិតនៅក្នុងបញ្ជីអាក្រក់របស់សហភាពអឺរ៉ុបដែរ។
បញ្ហាដែលបេសកជនកម្ពុជា នឹងប្រាប់សហភាពអឺរ៉ុប គឺករណីកត់ត្រារបស់អ្នករាយការណ៍ពិសេសទទួលបន្ទុកសិទ្ធិមនុស្សរបស់អង្គការសហប្រជាជាតិ ដែលតែងតែប្រើប្រាស់របាយការណ៍ដដែលៗច្រើនជាង៣០ដង ដោយរបាយការណ៍នោះ ប្រជានិយមទៅខាងគណបក្សប្រឆាំង រួមទាំងរបាយការណ៍ពីខាងអង្គការសង្គមស៊ីវិល ដែលមាននិន្នាការនយោបាយ មករិះគន់ និងវាយប្រហារលើរដ្ឋាភិបាលកម្ពុជា។ ត្រង់ចំណុចនេះហើយ ដែលនាំឲ្យសហភាពអឺរ៉ុប ដាក់កម្ពុជាចូលក្នុងបញ្ជី ប្រទេសមានបញ្ហារបស់ខ្លួន (List Issue)។
សម្រាប់កម្ពុជា ការដកប្រព័ន្ធអនុគ្រោះពន្ធបណ្ដោះអាសន្ន ដោយសារតែរដ្ឋាភិបាលប្រើប្រាស់ជម្រើសការពារស្ថាប័ន ប្រឆាំងនឹងគោលបំណងផ្លាស់ប្តូររបបថ្មី ដែលផ្ទុយពីលទ្ធិប្រជាធិបតេយ្យនោះ វាមិនមែនជាផ្លូវល្អ ដែលអាចធ្វើឲ្យរដ្ឋាភិបាលផ្លាស់ប្ដូរឆន្ទៈក្នុងការរក្សាសន្តិភាព ស្ថិរភាព និងការអភិវឌ្ឍប្រទេសឡើយ។
តាមរយៈខ្លឹមសារដែលបេសកជនកម្ពុជាបកស្រាយនេះ ក៏ស្នើឲ្យសហភាពអឺរ៉ុបពិចារណាចំពោះវិធានការលើកម្ពុជា យ៉ាងដូច្នេះថា៖«វាគ្មានការសង្ស័យទេថា ប្រជាជនកម្ពុជា នឹងរងគ្រោះ ហើយវាច្បាស់ណាស់ថា ដំណើរការទ្រទ្រង់នៃការអភិវឌ្ឍប្រទេស និងត្រូវបញ្ឈប់ ដោយសារការដកប្រព័ន្ធអនុគ្រោះពន្ធបណ្ដោះអាសន្នលើកម្ពុជានេះ ខណៈដែលទណ្ឌកម្មស្រដៀងគ្នានេះ មិនត្រូវបានដាក់ទៅប្រទេស ដែលគ្មានសេរីភាពសារព័ត៌មាន ,ការសម្លាប់រង្គាលដោយគ្មានទោសពៃរ៍ ,ការបង្ក្រាបមិនរើសមុខស្ទើជារៀងរាល់ថ្ងៃ ចំពោះអ្នកប្រឆាំងរដ្ឋាភិបាល។ ដូច្នេះគួរតែមានវិធានការឲ្យដូចគ្នាចំពោះប្រទេសដទៃទៀតទាំងអស់ ដែលកំពុងមានភាពអយុត្តិធម៌អាក្រក់បំផុតនេះ»។
ទន្ទឹមនឹងការលើកឡើងនេះកម្ពុជា ចាត់ទុកការព្រមានចំណាត់ការលើកម្ពុជានេះ ហាក់មិនមានយុត្តិធម៌ឡើយ។«ហេតុអ្វីបានជាគំរាមកំហែងមកលើតែប្រទេសកម្ពុជា នៅពេលដែលវិធានការនេះ មិនត្រូវបានដាក់ទៅលើប្រទេស ប៊ូរុនឌី អេក្វាទ័រហ្គីណេ សាធារណៈរដ្ឋប្រជាធិបតេយ្យកុងហ្គោ និងបណ្ដាប្រទេសជាច្រើនដែលទទួលបានផលប្រយោជន៍នៃការអនុគ្រោះពន្ធដែរ»។ នេះជាខ្លឹមរបស់លោក សុក ស៊ីផាន់ណា ដែលយកទៅបកស្រាយជាមួយសហភាពអឺរ៉ុប។
ការនាំចេញសរុបរបស់កម្ពុជាទៅទីផ្សារ EU ក្នុងឆ្នាំ២០១៦ មានទឹកប្រាក់ចំនួន ៦២៥៩ លានដុល្លារអាមេរិក។ កម្ពុជាទទួលបានការអនុគ្រោះពន្ធទាំងស្រុងពីទីផ្សារនេះ។ ក្រសួងបញ្ជាក់ទៀតថា បើមិនទទួលបានការអនុគ្រោះពន្ធទេនោះ កម្ពុជាត្រូវបង់ពន្ធចំនួន ៦៧៦ លានដុល្លារ។ ចំណែកទំហំទឹកប្រាក់នាំចេញ ក្នុងឆ្នាំ២០១៧ មានជាង៥ពាន់លានដុល្លារ។ នេះតាមរបាយការណ៍របស់គណកម្មការអឺរ៉ុបដែលចេញផ្សាយកាលពីខែមេសាកន្លងទៅ ។ ទំនិញដែលកម្ពុជានាំទៅទីផ្សារមួយនេះ រួមមាន សំលៀកបំពាក់ ស្រោមជើង ស្បែកជើង អង្ករ គ្រាប់ធញ្ញជាតិ វត្ថុធ្វើពីស្បែក កៅស៊ូ និងទោចក្រយាន ជាដើម៕
លោក សុក ស៊ីផាន់ណា ទីប្រឹក្សារាជរដ្ឋាភិបាល ជាអ្នកទទួលភារកិច្ចបញ្ចុះបញ្ចូលនិងទប់ស្កាត់វិធានការដកប្រព័ន្ធអនុគ្រោះពន្ធ «គ្រប់មុខទំនិញលើកលែងគ្រឿងសព្វាវុធ» (Everything But Arms-EBAs) ពីប្រទេសកម្ពុជា។ ភារកិច្ចដែលបេសកជនកម្ពុជា ត្រូវដោះស្រាយជាមួយសហភាពអឺរ៉ុបនោះ គឺមានរយៈពេលពីថ្ងៃទី១៨មិថុនា ដល់ខែ១ វិច្ចិកាខាងមុខ ។
គោលបំណងដែលលោក សុក ស៊ីផាន់ណា ត្រៀមបំភ្លឺជូនមន្ត្រីជាន់ខ្ពស់សំខាន់ៗរបស់គណៈកម្មការអឺរ៉ុប ប្រធានគណៈកម្មាធិការកិច្ចការបរទេសរបស់សភាអឺរ៉ុប និងឥស្សរជនសំខាន់ៗផ្សេងទៀត អំពីសភាពការណ៍ពិតនៅកម្ពុជា។ ខ្លឹមសារដែលកម្ពុជា គ្រោងយកទៅពិភាក្សាជាមួយភាគីសហភាពអឺរ៉ុប មានចំនួន១០ចំណុចជាអាទិ៍ សម្រាប់ការបកស្រាយ និងបន្ទន់ចិត្តសហភាពអឺរ៉ុប ឲ្យងាកមកដោះស្រាយជាមួយកម្ពុជាដោយការយោគយល់វិញ។
បើតាមខ្លឹមសារទាំងនោះ លោក សុក ស៊ីផាន់ណា ក៏នឹងពន្យល់ពីកិច្ចខិតខំប្រឹងប្រែងរបស់រដ្ឋាភិបាល ក្នុងការជួយដោះស្រាយបញ្ហាកម្មករនិយោជិត ឲ្យស្របតាមច្បាប់ការងារអន្តរជាតិ និងគោលនយោបាយរបស់រដ្ឋាភិបាល ដែលចង់បន្តសហការជាមួយសហភាពអឺរ៉ុប ក្នុងទិសដៅអភិវឌ្ឍន៍សេដ្ឋកិច្ច និងប្រទេស។ ទន្ទឹមនឹងការបកស្រាយនេះ លោក សុក ស៊ីផាន់ណា ក៏មិនភ្លេចពន្យល់ពីមូលហេតុដែលនាំឲ្យកម្ពុជា ក្លាយទៅជាប្រទេសមួយ ស្ថិតនៅក្នុងបញ្ជីអាក្រក់របស់សហភាពអឺរ៉ុបដែរ។
បញ្ហាដែលបេសកជនកម្ពុជា នឹងប្រាប់សហភាពអឺរ៉ុប គឺករណីកត់ត្រារបស់អ្នករាយការណ៍ពិសេសទទួលបន្ទុកសិទ្ធិមនុស្សរបស់អង្គការសហប្រជាជាតិ ដែលតែងតែប្រើប្រាស់របាយការណ៍ដដែលៗច្រើនជាង៣០ដង ដោយរបាយការណ៍នោះ ប្រជានិយមទៅខាងគណបក្សប្រឆាំង រួមទាំងរបាយការណ៍ពីខាងអង្គការសង្គមស៊ីវិល ដែលមាននិន្នាការនយោបាយ មករិះគន់ និងវាយប្រហារលើរដ្ឋាភិបាលកម្ពុជា។ ត្រង់ចំណុចនេះហើយ ដែលនាំឲ្យសហភាពអឺរ៉ុប ដាក់កម្ពុជាចូលក្នុងបញ្ជី ប្រទេសមានបញ្ហារបស់ខ្លួន (List Issue)។
សម្រាប់កម្ពុជា ការដកប្រព័ន្ធអនុគ្រោះពន្ធបណ្ដោះអាសន្ន ដោយសារតែរដ្ឋាភិបាលប្រើប្រាស់ជម្រើសការពារស្ថាប័ន ប្រឆាំងនឹងគោលបំណងផ្លាស់ប្តូររបបថ្មី ដែលផ្ទុយពីលទ្ធិប្រជាធិបតេយ្យនោះ វាមិនមែនជាផ្លូវល្អ ដែលអាចធ្វើឲ្យរដ្ឋាភិបាលផ្លាស់ប្ដូរឆន្ទៈក្នុងការរក្សាសន្តិភាព ស្ថិរភាព និងការអភិវឌ្ឍប្រទេសឡើយ។
តាមរយៈខ្លឹមសារដែលបេសកជនកម្ពុជាបកស្រាយនេះ ក៏ស្នើឲ្យសហភាពអឺរ៉ុបពិចារណាចំពោះវិធានការលើកម្ពុជា យ៉ាងដូច្នេះថា៖«វាគ្មានការសង្ស័យទេថា ប្រជាជនកម្ពុជា នឹងរងគ្រោះ ហើយវាច្បាស់ណាស់ថា ដំណើរការទ្រទ្រង់នៃការអភិវឌ្ឍប្រទេស និងត្រូវបញ្ឈប់ ដោយសារការដកប្រព័ន្ធអនុគ្រោះពន្ធបណ្ដោះអាសន្នលើកម្ពុជានេះ ខណៈដែលទណ្ឌកម្មស្រដៀងគ្នានេះ មិនត្រូវបានដាក់ទៅប្រទេស ដែលគ្មានសេរីភាពសារព័ត៌មាន ,ការសម្លាប់រង្គាលដោយគ្មានទោសពៃរ៍ ,ការបង្ក្រាបមិនរើសមុខស្ទើជារៀងរាល់ថ្ងៃ ចំពោះអ្នកប្រឆាំងរដ្ឋាភិបាល។ ដូច្នេះគួរតែមានវិធានការឲ្យដូចគ្នាចំពោះប្រទេសដទៃទៀតទាំងអស់ ដែលកំពុងមានភាពអយុត្តិធម៌អាក្រក់បំផុតនេះ»។
ទន្ទឹមនឹងការលើកឡើងនេះកម្ពុជា ចាត់ទុកការព្រមានចំណាត់ការលើកម្ពុជានេះ ហាក់មិនមានយុត្តិធម៌ឡើយ។«ហេតុអ្វីបានជាគំរាមកំហែងមកលើតែប្រទេសកម្ពុជា នៅពេលដែលវិធានការនេះ មិនត្រូវបានដាក់ទៅលើប្រទេស ប៊ូរុនឌី អេក្វាទ័រហ្គីណេ សាធារណៈរដ្ឋប្រជាធិបតេយ្យកុងហ្គោ និងបណ្ដាប្រទេសជាច្រើនដែលទទួលបានផលប្រយោជន៍នៃការអនុគ្រោះពន្ធដែរ»។ នេះជាខ្លឹមរបស់លោក សុក ស៊ីផាន់ណា ដែលយកទៅបកស្រាយជាមួយសហភាពអឺរ៉ុប។
ការនាំចេញសរុបរបស់កម្ពុជាទៅទីផ្សារ EU ក្នុងឆ្នាំ២០១៦ មានទឹកប្រាក់ចំនួន ៦២៥៩ លានដុល្លារអាមេរិក។ កម្ពុជាទទួលបានការអនុគ្រោះពន្ធទាំងស្រុងពីទីផ្សារនេះ។ ក្រសួងបញ្ជាក់ទៀតថា បើមិនទទួលបានការអនុគ្រោះពន្ធទេនោះ កម្ពុជាត្រូវបង់ពន្ធចំនួន ៦៧៦ លានដុល្លារ។ ចំណែកទំហំទឹកប្រាក់នាំចេញ ក្នុងឆ្នាំ២០១៧ មានជាង៥ពាន់លានដុល្លារ។ នេះតាមរបាយការណ៍របស់គណកម្មការអឺរ៉ុបដែលចេញផ្សាយកាលពីខែមេសាកន្លងទៅ ។ ទំនិញដែលកម្ពុជានាំទៅទីផ្សារមួយនេះ រួមមាន សំលៀកបំពាក់ ស្រោមជើង ស្បែកជើង អង្ករ គ្រាប់ធញ្ញជាតិ វត្ថុធ្វើពីស្បែក កៅស៊ូ និងទោចក្រយាន ជាដើម៕
Tag:
EU
EBA
អនុគ្រោះពន្ធ
© រក្សាសិទ្ធិដោយ thmeythmey.com
