បទយកការណ៍ / បទសម្ភាសន៍
ក្រុមហ៊ុនMercedes ចូលរួមក្នុងពិព័រណ៍អឺរ៉ុប និងមានកម្មវិធីចាប់រង្វាន់ពិសេសសម្រាប់អ្នកទស្សនា
× ពិព័រណ៍អឺរ៉ុបលើកដំបូងនៅកម្ពុជា ដែលរៀបចំដោយសភាពាណិជ្ជកម្មអឺរ៉ុបនៅកម្ពុជា ហៅកាត់ថា EuroCham Cambodia នៅកោះពេជ្ររយៈពេល៣ថ្ងៃ និងមានក្រុមហ៊ុនម៉ាកល្បីៗមកពីបណ្តាប្រទេសនៃសហភាពអឺរ៉ុបចូលរួមបង្ហាញផលិតផល និងសេវាកម្មរបស់ខ្លួន។ ក្នុងក្រុមហ៊ុន ស្តារ អូតូ ខេមបូឌា (Star Auto Cambodia) ដែលនាំចូល និងចែកចាយផ្តាច់មុខ រថយន្តប្រណីត Mercedes-Banz ប្រចាំនៅកម្ពុជា ក៏មានវត្តមានក្នុងពិព័រណ៍នេះដែរ។
តាមលោក ឃុន ចាន់ថា នាយកគ្រប់គ្រងផ្នែកលក់ និងទីផ្សារនៃក្រុមហ៊ុន Star Auto Cambodia បានបញ្ជាក់ថា ក្រៅតែតាំងបង្ហាញរថយន្តប្រណីត Mercedes-Banz ក្រុមហ៊ុននេះ ក៏បានរៀបចំកម្មវិធីចាប់រង្វាន់ជាពិសេសសម្រាប់អ្នកដែលបានចូលរួមទស្សនាក្នុងស្តង់តាំងបង្ហាញរថយន្តប្រណីត Mercedes-Banzថែមទៀតផង។ លើលពីទៀត ក្រុមហ៊ុន Mercedes-Banz ក៏កំពុងជ្រើសរើសបុគ្គលិក ទាំងផ្នែកលក់ ផ្នែកជួសជុលរថយន្ត ផ្នែកគ្រឿងបន្លាស់ និងផ្នែកសេវាកម្មជាច្រើនរូបផងដែរ ដែលនេះក៏ជាឱកាសល្អមួយសម្រាប់អ្នកដែលចាប់អារម្មណ៍ធ្វើការងារក្នុងវិស័យរថយន្ត។
លោក ឃុន ចាន់ថា នឹងលម្អិតបន្ថែមប្រាប់កញ្ញា ខន ចំប៉ា អ្នកសារព័ត៌មានថ្មីៗ ពីមូលហេតុដែលក្រុមហ៊ុន Mercedes-Banz ចូលរួមក្នុងការតាំងពិព័រណ៍អឺរ៉ុបលើកដំបូងគេនេះ ក៏ដូចជាឱកាសពិសេសនានាដែលក្រុមហ៊ុន នឹងផ្តល់ជូនអ្នកចូលរួមការតាំងពិព័ណ៍នេះ។ សូមអញ្ជើញទស្សនាដូចតទៅ៖
© រក្សាសិទ្ធិដោយ thmeythmey.com