រដូវភ្លៀងធ្លាក់៖ ដើម្បីចៀសវាងរថយន្តខូច មិនគួរជិះឆ្លងកាត់ផ្លូវទឹកលិចខ្លាំងឡើយ

ជាតិ

បទយកការណ៍ / បទសម្ភាសន៍

រថយន្ត

02, Jul 2018 , 8:19 pm

រូបភាព

លោក ឈួន សាវ៉ុន ម្ចាស់យាន្តដ្ឋានជួសជុលរថយន្ត អិល អេស វី Front

ដោយ:

ភ្នំពេញ៖ អ្នក មានរថយន្ត ត្រូវដឹងថា នៅពេលមានភ្លៀងធ្លាក់ខ្លាំងរហូតធ្វើឲ្យដងផ្លូវមួយចំនួនទឹកលិច ឬទឹកដក់ខ្លាំង មិនគួរធ្វើដំណើរឆ្លងកាត់ផ្លូវនោះឡើយ ពីព្រោះមានបញ្ហាប្រឈមកើតឡើងសម្រាប់រថយន្ត។ ដូច្នេះ គេត្រូវចតរថយន្តមួយកន្លែងសិន ដើម្បីរង់ចាំទឹកស្រក ឬក៏អាចទៅផ្លូវផ្សេង។ ប៉ុន្តែក្នុងករណីបន្ទាន់ មិនអាចបញ្ឈប់ការធ្វើដំណើរបាន បន្ទាប់ពីឆ្លងកាត់ទឹកជ្រៅនៅតាមផ្លូវរយៈពេលក្រោយ ១០ម៉ោង ត្រូវយករថយន្តនោះទៅយាន្តដ្ឋាន ឬហ្គារ៉ាស់ ដើម្បីឆែកមើលប្រព័ន្ធគ្រឿងក្រោម និងម៉ាស៊ីន ចៀសវាងការធ្វើដំណើរយូរបណ្ដាលឲ្យខូចធ្ងន់ធ្ងរថែមទាំងចំណាយថវិកាច្រើន។

ម្ចាស់យានដ្ឋាន ជួសជុលរថយន្ត អិល អេស វី នៅជិតរង្វង់ផ្សារដើមថ្កូវ លោក ឈួន សាវ៉ុន បាននិយាយថា រាល់រថយន្តដែលផលិតឡើងអាចជិះកាត់ទឹក កាត់ភក់ល្បាប់ផ្សេងៗបាន។ ប៉ុន្តែ លោក លើកឡើងថា រថយន្តមួយចំនូន នឹងប្រឈមទៅនឹងបញ្ហាផ្នែកគ្រឿងខាងក្រោមរបស់វា ដោយសារតែវាទាបបណ្ដាលឲ្យកន្លែងប្រព័ន្ធទាក់ទងគ្នាឆ្លងភ្លើង ធ្វើឲ្យការបញ្ជាមានការពិបាក ដូច្នេះម្ចាស់រថយន្តពេលដែលជិះកាត់ទឹក ដែលមានជម្រៅខ្លាំងអាចឈប់ ឬចតមួយកន្លែងសិន កុំទាន់ធ្វើដំណើរ។ ប៉ុន្តែប្រសិនបើធ្វើដំណើរ កាត់ទឹកហើយ ត្រូវឆាប់យករថយន្តនោះទៅយានដ្ឋាន ឬហ្គារ៉ាស់ ដើម្បីពិនិត្យមើលគ្រឿងក្រោមប្រព័ន្ធណាមួយដែលអាចមិនដំណើរការ។ លោក បញ្ជាក់ថា៖«ជម្រើសដែលល្អបំផុតសម្រាប់គ្រប់ម្ចាស់រថយន្តដែលមិនមែនជាប្រភេទដឹកទំនិញ គឺត្រូវឈប់មួយកន្លែងសិន មិនត្រូវជិះកាត់ទឹកមានជម្រៅជ្រៅឡើយ ចៀសវាងខូចអស់ប្រាក់ច្រើន»។

សំឡេង ឈួន សាវ៉ុន ៖