កីឡាអន្តរជាតិ
អន្តរជាតិ
Hazard បង្ហោះរូបពាក់អាវក្រុមជើងឯកឆ្នាំ១៩៩៨ មុនជំនួបបែលហ្ស៊ិក-បារាំង
Eden Hazard (ស្តាំ) និងកណ្តាលប្អូនប្រុសរបស់គេ Thorgan Hazard ពាក់អាវក្រុមជម្រើសជាតិបារាំងឆ្នាំ ១៩៩៨
×![]()
ដោយ: ទេព ពិទូរ្យ
ប្រធានក្រុមជម្រើសជាតិបែលហ្ស៊ិក Eden Hazard បានបង្ហាញរូបថតមួយសន្លឹកដែលពាក់អាវក្រុមជម្រើសជាតិបារាំងឆ្នាំ១៩៩៨ ដើម្បីជាការគាំទ្រដល់គូប្រជែងនៅមុនពេលជួបគ្នាក្នុងការប្រកួតវគ្គពាក់កណ្តាលផ្តាច់ព្រ័ត្រ ពានរង្វាន់ FIFA World Cup 2018។
Hazard កាលពីកុមារភាពជាអ្នកគាំទ្រក្រុមមាន់គកបារាំង ដោយសារប្រទេសនេះបានឈ្នះជើងឯកព្រឹត្តិការណ៍កីឡាបាល់ទាត់ពិភពលោកឆ្នាំ១៩៩៨ ក្នុងផ្ទះខ្លួនឯង។ ខ្សែបម្រើ Chelsea វ័យ២៧ ឆ្នាំរូបនេះ បានធំធាត់ក្នុងប្រទេសបារាំង ហើយនិយាយភាសារបារាំងបានស្ទាត់ជំនាញ មុនពេលផ្លាស់ទៅរស់នៅទីក្រុង Lille និងលេងឲ្យក្រុមយុវជនក្នុងក្លិបនេះតាំងពីវ័យ១៤ឆ្នាំ។ នេះបើតាមការផ្សាយរបស់ TheSun។
មុនការប្រកួតវគ្គ៤ក្រុមចុងក្រោយចូលមកដល់ដែលបែលហ្ស៊ិកត្រូវដណ្តើមកៅអីទៅកាន់វគ្គផ្តាច់ព្រ័ត្រជាមួយបារាំង នាថ្ងៃទី១០ ខែកក្កដា វេលាម៉ោង ១អាធ្រាត្រ (ម៉ោងនៅកម្ពុជា) Hazard បានបង្ហាញរួបថតមួយសន្លឹកដោយរៀបរាប់ថា៖«ជាមួយនឹងប្អូនប្រុសខ្ញុំ ពួកយើងតែងគាំទ្របារាំងជាងបែលហ្ស៊ិកព្រោះយើងបានធំធាត់ជាមួយគ្នានៅបារាំងតាំងពីឆ្នាំ ១៩៩៨។ នៅពេលនោះមិនមានអាវរបស់បែលហ្ស៊ិកទេ ហើយនេះជាមូលហេតុដែលយើងពាក់អាវបារាំង»។
តារាឆ្នើមរបស់ក្រុមរហស្សនាមបិសាចក្រហមបន្តថា ខ្លួនមិនចង់ប្រមាថក្រុមជម្រើសជាតិបែលហ្ស៊ិកទេនៅពេលនោះ ប៉ុន្តែកាលនោះមានកីឡាករល្អៗជាច្រើនគឺនៅក្នុងជម្រើសជាតិបារាំង។
លើសពីនេះទៀតនោះ Hazard ក៏បានសរសើរកីឡាករពីររូបរបស់បារាំងនាពេលបច្ចុប្បន្នរួមមាន Kylian Mbappe និង N’Golo Kante ផងដែរ។ អតីតសមាជិកក្រុម Lille សារភាពថាខ្លួនចាប់អារម្មណ៍និងចូលចិត្តមើលការលេងរបស់ Kylian Mbappe ណាស់ ហើយយុវជនរបស់បារាំងវ័យ១៩ឆ្នាំរូបនេះនឹងល្បីល្បាញរយៈពេលយូរទៅមុខទៀត។
ប៉ុន្តែយ៉ាងណាក៏ដោយ ខ្សែប្រយុទ្ធឆ្មើមរបស់តោខៀវរូបនេះប្តេជ្ញាជួយបែលហ្ស៊ិកផ្តួលបារាំងឲ្យបានដើម្បីឈានទៅកាន់វគ្គផ្តាច់ព្រ័ត្រ៕
Hazard កាលពីកុមារភាពជាអ្នកគាំទ្រក្រុមមាន់គកបារាំង ដោយសារប្រទេសនេះបានឈ្នះជើងឯកព្រឹត្តិការណ៍កីឡាបាល់ទាត់ពិភពលោកឆ្នាំ១៩៩៨ ក្នុងផ្ទះខ្លួនឯង។ ខ្សែបម្រើ Chelsea វ័យ២៧ ឆ្នាំរូបនេះ បានធំធាត់ក្នុងប្រទេសបារាំង ហើយនិយាយភាសារបារាំងបានស្ទាត់ជំនាញ មុនពេលផ្លាស់ទៅរស់នៅទីក្រុង Lille និងលេងឲ្យក្រុមយុវជនក្នុងក្លិបនេះតាំងពីវ័យ១៤ឆ្នាំ។ នេះបើតាមការផ្សាយរបស់ TheSun។
មុនការប្រកួតវគ្គ៤ក្រុមចុងក្រោយចូលមកដល់ដែលបែលហ្ស៊ិកត្រូវដណ្តើមកៅអីទៅកាន់វគ្គផ្តាច់ព្រ័ត្រជាមួយបារាំង នាថ្ងៃទី១០ ខែកក្កដា វេលាម៉ោង ១អាធ្រាត្រ (ម៉ោងនៅកម្ពុជា) Hazard បានបង្ហាញរួបថតមួយសន្លឹកដោយរៀបរាប់ថា៖«ជាមួយនឹងប្អូនប្រុសខ្ញុំ ពួកយើងតែងគាំទ្របារាំងជាងបែលហ្ស៊ិកព្រោះយើងបានធំធាត់ជាមួយគ្នានៅបារាំងតាំងពីឆ្នាំ ១៩៩៨។ នៅពេលនោះមិនមានអាវរបស់បែលហ្ស៊ិកទេ ហើយនេះជាមូលហេតុដែលយើងពាក់អាវបារាំង»។
តារាឆ្នើមរបស់ក្រុមរហស្សនាមបិសាចក្រហមបន្តថា ខ្លួនមិនចង់ប្រមាថក្រុមជម្រើសជាតិបែលហ្ស៊ិកទេនៅពេលនោះ ប៉ុន្តែកាលនោះមានកីឡាករល្អៗជាច្រើនគឺនៅក្នុងជម្រើសជាតិបារាំង។
លើសពីនេះទៀតនោះ Hazard ក៏បានសរសើរកីឡាករពីររូបរបស់បារាំងនាពេលបច្ចុប្បន្នរួមមាន Kylian Mbappe និង N’Golo Kante ផងដែរ។ អតីតសមាជិកក្រុម Lille សារភាពថាខ្លួនចាប់អារម្មណ៍និងចូលចិត្តមើលការលេងរបស់ Kylian Mbappe ណាស់ ហើយយុវជនរបស់បារាំងវ័យ១៩ឆ្នាំរូបនេះនឹងល្បីល្បាញរយៈពេលយូរទៅមុខទៀត។
ប៉ុន្តែយ៉ាងណាក៏ដោយ ខ្សែប្រយុទ្ធឆ្មើមរបស់តោខៀវរូបនេះប្តេជ្ញាជួយបែលហ្ស៊ិកផ្តួលបារាំងឲ្យបានដើម្បីឈានទៅកាន់វគ្គផ្តាច់ព្រ័ត្រ៕
Tag:
បាល់ទាត់
FIFA World Cup
Eden Hazard
បែលហ្ស៊ិក
© រក្សាសិទ្ធិដោយ thmeythmey.com
