ជាតិ
វីដេអូ
ម្ចាស់សណ្ឋាគារ Terres Rouges គ្រោងបង្កើតភូមិវប្បធម៌ជនជាតិដើមភាគតិចនៅខេត្តរតនគិរី
×![]()
រតនគិរី៖ លោកស្រី ខៃ ចិន្តា ម្ចាស់សណ្ឋាគារទែរូ (Terres Rouges) និងជាប្រធានសមាគមអភិរក្សដំរីខ្មែរអៃរាវត្តា មានគម្រោងបង្កើតភូមិវប្បធម៌របស់ជនជាតិដើមភាគតិច ដែលរស់នៅខេត្តរតនគិរី ដើម្បីលើកតម្កើងវប្បធម៌ប្រពៃណីជនជាតិដើមភាគតិច។ ក្នុងកិច្ចសម្ភាសជាមួយកម្មវិធី «Mercedes-Benz និងកំណប់អាថ៌កំបាំង» លោកស្រី ខៃ ចិន្តា បញ្ជាក់ថា នៅក្នុងភូមិវប្បធម៌នេះ នឹងមានសាងសង់ជាភូមិ ដែលបង្ហាញពីទំនៀមទម្លាប់ ប្រពៃណី ជំនឿរបស់ជនជាតិដើមភាគតិចទៅតាមអម្បូរនីមួយៗ។
ក្រៅពីបង្កើតភូមិវប្បធម៍ជនជាតិដើមភាគតិច លោកស្រី ខៃ ចិន្តា ក៏មានគម្រោងបង្កើតផ្សារសហគមន៍ជនជាតិដើមភាគតិចដែរ ដើម្បីគាំទ្រផលិតផល សម្ភារសិប្បកម្ម និងអាហាររបស់ជនជាតិដើមភាគតិច។ តាមម្ចាស់សណ្ឋាគារទែរូ ផ្សារនេះនឹងលើកកម្ពស់សេដ្ឋកិច្ចជនជាតិដើមភាគតិច តាមរយៈការផលិត និងការលក់ដូររបស់ពួកគាត់។
សូមអញ្ជើញទស្សនាបទសម្ភាសរវាងកញ្ញា ញឹក ស្រីល័ក្ខ អ្នកកាសែតនៃសារព័ត៌មានថ្មីៗ ជាមួយលោកស្រី ខៃ ចិន្តា ម្ចាស់សណ្ឋាគារទែរូ (Terres Rouges) នៅខេត្តរតនគិរីដូចតទៅ៖
សូមបញ្ជាក់ថា កម្មវិធី «Mercedes-Benz និងកំណប់អាថ៌កំបាំង» ផ្តួចផ្តើមរៀបចំ និងឧបត្ថម្ភដោយក្រុមហ៊ុន Star Auto Cambodia សហការរៀបចំជាមួយសារព័ត៌មានអេឡិចត្រូនិក ThmeyThmey.com និង Fresh News ដើម្បីចូលរួមលើកកម្ពស់វិស័យទេសចរណ៍នៅទូទាំងប្រទេស។ ក្រុមការងារកម្មវិធី«Mercedes-Benz និងកំណប់អាថ៌កំបាំង» នឹងស្វែងរក ក៏ដូចជាគាស់កកាយតំបន់ទេសចរណ៍សក្តានុពលដែលគេមិនសូវស្គាល់ ព្រមទាំងពង្រីកសក្តានុពលតំបន់ទេសចរណ៍ដែលមានស្រាប់ឲ្យកាន់តែមានសកម្មភាពរស់រវើក៕
Tag:
ជនជាតិដើមភាគតិច
ភូមិវប្បធម៌
រតនគិរី
ប្រពៃណី
ទំនៀមទម្លាប់
© រក្សាសិទ្ធិដោយ thmeythmey.com
