អត្ថបទពាណិជ្ជកម្ម
ការប្រកួតដាក់បាតដៃលើរថយន្ត SUBARU PALM CHALLENGE 2018 ត្រលប់មកវិញជាមួយរង្វាន់ដ៏សន្ធឹកសន្ធាប់
× កម្មវិធីប្រកួតដាក់បាតដៃលើរថយន្ត SUBARU PALM CHALLENGE 2018 បានត្រលប់មកវិញហើយ ជាមួយនឹងរង្វាន់ដ៏សន្ធឹកសន្ធាប់។ កម្មវិធីនេះ បានឈានដល់ឆ្នាំទី៨ហើយ ពោលគឺនឹងប្រព្រឹត្តទៅ នៅថ្ងៃទី២៦ ខែ សីហា ឆ្នាំ២០១៨ ចាប់ផ្តើមចាប់ពីម៉ោង៨ព្រឹក ដល់ម៉ោង៩យប់ នៅផ្សារទំនើបសុវណ្ណា រាជធានីភ្នំពេញ។
បេក្ខជន បេក្ខនារី ចំនួន ៦០រូប នឹងចូលរួមការប្រកួតដ៏ស្វិតស្វាញនេះ ដោយជំនះភាពនឿយហត់ និងអាកាសធាតុ ដើម្បីដណ្តើមយកសិទ្ធិ ១០កន្លែង ចូលរួមការប្រកួតយកវង្វាន់ធំ នៅវគ្គផ្តាច់ព្រ័ត្រ នៅប្រទេសសិង្ហបុរី នៅចុងខែតុលាខាងមុខនេះ។
ដើម្បីអាចចូលរួមប្រកួតក្នុងកម្មវិធីនេះបាន បេក្ខជនទាំងពីរភេទ ត្រូវមានអាយុចាប់ពី ១៨ ឆ្នាំឡើងទៅ មានកាយសម្បទារឹងមាំ ទាំងផ្លូវកាយ និងស្មារតី ដែលអាចធន់ជាមួយការប្រកួតដ៏ស្វិតស្វាញនេះបាន។ ការប្រកួតនេះ នឹងជ្រើសរើសយកបេក្ខជនដែលអាចឈរ ដាក់បាតដៃលើរថយន្តចុងក្រោយ ចំនួន១០រូបប៉ុណ្ណោះ ជាតំណាងឲ្យប្រទេសកម្ពុជា ទៅចូលរួមប្រកួតវគ្គផ្តាច់ព្រ័ត្រ នៅក្នុងប្រទេសសិង្ហបុរី ចាប់ពីថ្ងៃទី២៧ ដល់ថ្ងៃទី៣០ ខែតុលា។
បេក្ខជន១០នាក់នេះ ត្រូវប្រកួតជាមួយបេក្ខជនជ័យលាភីមកពីបណ្តាប្រទេសដទៃទៀត ក្នុងតំបន់ ដូចជាប្រទេសសិង្ហបុរី ម៉ាឡេស៊ី ហ្វីលីពីន ថៃ វៀតណាម តៃវ៉ាន់ ហុងកុង និងចិន ដើម្បីដណ្តើមយករង្វាន់ធំ គឺរថយន្ត Subaru XV 2.0i-S មួយគ្រឿង ដែលមានតម្លៃ ៥៥,០០០ ដុល្លារ។
ដើម្បីឈ្នះរង្វាន់ធំ បេក្ខជន បេក្ខនារី ត្រូវដាក់បាតដៃរបស់ខ្លួនឲ្យបានត្រឹមត្រូវ នៅលើសញ្ញាបាតដៃ នៅលើរថយន្ត ស៊ូបារុ និងជាបេក្ខជនចុងក្រោយតែម្នាក់គត់ ដែលដាក់បាតដៃលើរថយន្ត។ កម្មវិធីនេះចាប់ផ្តើមទទួលពាក្យពីថ្ងៃនេះ រហូតដល់ថ្ងៃទី២៧ ខែសីហា ឆ្នាំ២០១៨ វេលាម៉ោង ៥ ល្ងាច។
តើអ្នកត្រៀមខ្លួនហើយឬនៅ? សូមរួសរាន់បំពេញពាក្យចូលរួមការប្រកួត ដើម្បីមានឱកាសឈ្នះរថយន្តទំនើប Subaru XV 2.0i-S មួយគ្រឿង ដែលមានតម្លៃ ៥៥,០០០ដុល្លារ។ សម្រាប់ពត៌មានបន្ថែមអំពីការចុះឈ្មោះ និងលក្ខណ្ឌនៃការប្រកួត សូមអញ្ជើញមកកាន់ក្រុមហ៊ុន ម៉ូធ័រអ៊ីម៉េជ ខេមបូឌា ដែលមានអាសយដ្ឋាន នៅអគារលេខ ១៧៥-១៧៩ មហាវិថីសហព័ន្ធរុស្សី រាជធានីភ្នំពេញ ឬទំនាក់ទំនងតាមរយៈ លេខទូរស័ព្ទ០៨៩ ៩៩៩ ៦៩៨ និងលេខ០១៦ ៣០៣ ៤០៤៕
( អត្ថបទពាណិជ្ជកម្ម )
© រក្សាសិទ្ធិដោយ thmeythmey.com