ពីនេះ ពីនោះ
«ប្លោង» សរសេរជា «ផ្លោង» ត្រឹមត្រូវដូចគ្នា
× «ប្លោង» អាចសរសេរបានពីរយ៉ាង។ សរសេរជា «ប្លោង» ក៏បាន «ផ្លោង»ក៏បាន។ តែភាគច្រើនពលរដ្ឋនិយមសរសេរ ពាក្យ «ប្លោង» នេះជាងច្រើន «ផ្លោង»។ «ប្លោង និងផ្លោង» មានន័យថា បោះចោលឲ្យខ្ពស់ឡើងទៅលើសំដៅទៅខាងមុនរំលងអ្វីដែលនៅខ្ពស់។
នៅមានពាក្យដទៃទៀតដែលអាចសរសេរបានច្រើនយ៉ាងដូចគ្នាដែរ។ ពាក្យទាំងនោះមានដូចជា «លំហ» អាចសរសេរជា «លម្ហ រំហ និងរម្ហ» ក៏បាន, ពាក្យ «សំភី» សរសេរ ជា «សម្ភី»ក៏បាន, ពាក្យ «ជៀស» សរសេរជា «ចៀស» ក៏បាន, ពាក្យ«បម្រាស»សរសេរ ជា«បង្រាស»ក៏បាន, ពាក្យ «ខាន់» សរសេរជា «ខ័ន» ក៏បាន, ពាក្យ«វិស្ម័យ»,«ពិស្ម័យ», «វិម្ហយ» «វិម្ហយៈ» និង«ពិសម័យ» អាចសរសេរមួយណាក៏បានគឺសុទ្ធតែបញ្ជាក់ថាត្រឹមត្រូវដូចគ្នាទាំងអស់៕
© រក្សាសិទ្ធិដោយ thmeythmey.com