កីឡាអន្តរជាតិ
អន្តរជាតិ
ប្រធានាធិបតីតួកគី ចេញមុខការពារ Ozil ជុំវិញការរើសអើង និងលាលែងពីជម្រើសជាតិ
×![]()
ដោយ: ទេព ពិទូរ្យ
ប្រធានាធិបតីតួកគី Recep Tayyip Erdogan បានចាត់ទុកការរើសអើងជាតិសាសន៍ទៅលើ Mesut Ozil ពីសំណាក់អ្នកគាំទ្រ និង DFB រហូតសម្រេចដកខ្លួនចេញពីក្រុមជម្រើសជាតិអាល្លឺម៉ង់ ថាជារឿង«មិនអាចទទួលយកបានទាំងស្រុង»។
Mesut Ozil ខ្សែបម្រើរបស់ Arsenal បានប្រកាសឈប់លេងឲ្យក្រុមជម្រើសជាតិអាល្លឺម៉ង់ ព្រោះទ្រាំមិនបាននឹងការរិះគន់ខ្លាំងៗពីសំណាក់ប្រធានសហព័ន្ធកីឡាបាល់ទាត់អាល្លឺម៉ង់ (DFB) ដោយសារតែរូបគេថតរូបជាមួយប្រធានាធិបតីតួកគីលោក Erdogan នាអំឡុងការឃោសនាបោះឆ្នោត។
អតីតសមាជិក Real Madrid ដែលបានកើតធំធាត់លើទឹកដីអាល្លឺម៉ង់ តែមានសាច់ឈាមតួកគីបង្ហើបថាខ្លួន និងក្រុមគ្រួសារបានទទួលការគំរាមកំហែងតាមទូរសព្ទ និងរើសអើងពូជសាសន៍នៅលើប្រព័ន្ធផ្សព្វផ្សាយសង្គមបន្ទាប់ពីមិនអាចជួយក្រុមរហស្សនាមឥន្ទ្រីដែកឆ្លងផុតវគ្គចែកពូលក្នុងព្រឹត្តិការណ៍ World Cup នៅរុស្ស៊ីកន្លងទៅ។
ជុំវិញការរើសអើងនេះ លោកប្រធានាធិបតីតួកគីបានចេញមុខការពារ Ozil ដោយលើកឡើងក្នុងកាសែត Sabah ថា៖«ការប្រកាន់ជាតិសាសន៍បែបនេះ បានធ្វើឲ្យមនុស្សម្នាក់ដែលបានផ្តល់អ្វីគ្រប់យ៉ាងដល់ក្រុមកីឡាបាល់ទាត់ជម្រសើជាតិអាល្លឺម៉ង់ដោយបានរួមចំណែកក្នុងការទទួលបានជោគជ័យកន្លងមកនោះគឺមិនអាចទទួលយកបានទាំងស្រុងនោះទេ»។
មិនត្រឹមតែលោក Erdogan នោះទេ ប្រធានសហព័ន្ធកីឡាបាល់ទាត់តួកគីលោក Yildirim Demiroren ក៏បានគាំទ្រដល់ Ozil ដែរ។
លោក Demiroren បានប្រាប់គេហទំព័ររបស់សហព័ន្ធ tff.org ថាលោកថ្កោលទោសចំពោះការគំរាមកំហែង និងការសរសេរពាក្យរិះគន់បង្ហោះលើបណ្តាញសង្គម ដោយសារតែដើមកំណើតរបស់ខ្សែបម្រើវ័យ២៩ឆ្នាំរូបនេះ។
លោកបន្ថែមថា៖«កីឡាករទាំងអស់គួរតែត្រូវបានការការពារដើម្បីប្រឆាំងរាល់ការតិះទាន ការរើសអើង និងការស្អប់ខ្ពើមណាមួយពីសំណាក់អ្នកគាំទ្រ»៕
អត្ថបទទាក់ទង
Mesut Ozil ខ្សែបម្រើរបស់ Arsenal បានប្រកាសឈប់លេងឲ្យក្រុមជម្រើសជាតិអាល្លឺម៉ង់ ព្រោះទ្រាំមិនបាននឹងការរិះគន់ខ្លាំងៗពីសំណាក់ប្រធានសហព័ន្ធកីឡាបាល់ទាត់អាល្លឺម៉ង់ (DFB) ដោយសារតែរូបគេថតរូបជាមួយប្រធានាធិបតីតួកគីលោក Erdogan នាអំឡុងការឃោសនាបោះឆ្នោត។
អតីតសមាជិក Real Madrid ដែលបានកើតធំធាត់លើទឹកដីអាល្លឺម៉ង់ តែមានសាច់ឈាមតួកគីបង្ហើបថាខ្លួន និងក្រុមគ្រួសារបានទទួលការគំរាមកំហែងតាមទូរសព្ទ និងរើសអើងពូជសាសន៍នៅលើប្រព័ន្ធផ្សព្វផ្សាយសង្គមបន្ទាប់ពីមិនអាចជួយក្រុមរហស្សនាមឥន្ទ្រីដែកឆ្លងផុតវគ្គចែកពូលក្នុងព្រឹត្តិការណ៍ World Cup នៅរុស្ស៊ីកន្លងទៅ។
ជុំវិញការរើសអើងនេះ លោកប្រធានាធិបតីតួកគីបានចេញមុខការពារ Ozil ដោយលើកឡើងក្នុងកាសែត Sabah ថា៖«ការប្រកាន់ជាតិសាសន៍បែបនេះ បានធ្វើឲ្យមនុស្សម្នាក់ដែលបានផ្តល់អ្វីគ្រប់យ៉ាងដល់ក្រុមកីឡាបាល់ទាត់ជម្រសើជាតិអាល្លឺម៉ង់ដោយបានរួមចំណែកក្នុងការទទួលបានជោគជ័យកន្លងមកនោះគឺមិនអាចទទួលយកបានទាំងស្រុងនោះទេ»។
មិនត្រឹមតែលោក Erdogan នោះទេ ប្រធានសហព័ន្ធកីឡាបាល់ទាត់តួកគីលោក Yildirim Demiroren ក៏បានគាំទ្រដល់ Ozil ដែរ។
លោក Demiroren បានប្រាប់គេហទំព័ររបស់សហព័ន្ធ tff.org ថាលោកថ្កោលទោសចំពោះការគំរាមកំហែង និងការសរសេរពាក្យរិះគន់បង្ហោះលើបណ្តាញសង្គម ដោយសារតែដើមកំណើតរបស់ខ្សែបម្រើវ័យ២៩ឆ្នាំរូបនេះ។
លោកបន្ថែមថា៖«កីឡាករទាំងអស់គួរតែត្រូវបានការការពារដើម្បីប្រឆាំងរាល់ការតិះទាន ការរើសអើង និងការស្អប់ខ្ពើមណាមួយពីសំណាក់អ្នកគាំទ្រ»៕
Tag:
បាល់ទាត់
Mesut Ozil
Recep Tayyip Erdogan
DFB
© រក្សាសិទ្ធិដោយ thmeythmey.com
