កីឡាអន្តរជាតិ
អន្តរជាតិ
អាជ្ញាកណ្តាលកាត់សេចក្តី Arsenal-PSG សុំ Ozil ចុះហត្ថលេខាលើកាតលឿង
× អាជ្ញាកណ្តាលកាត់សេចក្តីការប្រកួតរវាង Arsenal និង Paris Saint-Germain ក្នុងពានរង្វាន់មិត្តភាព ICC នៅសិង្ហបុរី នៅថ្ងៃទី២៨ ខែកក្កដា បានធ្វើរឿងគួរឲ្យភ្ញាក់ផ្អើលមួយដោយដកកាតលឿងសុំឲ្យ Mesut Ozil ចុះហត្ថលេខានៅលើកាតនោះ។
Mesut Ozil ខ្សែបម្រើក្រុមរហស្សនាមកាំភ្លើងធំដែលកំពុងមានរឿងរ៉ាវរើសអើងពូជសាសន៍ពីអ្នកគាំទ្រអាល្លឺម៉ង់ និងសហព័ន្ធកីឡាបាល់ទាត់អាល្លឺម៉ង់ក៏មានវត្តមានក្នុងជម្រើសដំបូងសម្រាប់ការប្រកួត International Champions Cup ដែលជាពានកំដៅសាច់ដុំមុនបើករដូវកាលថ្មីលើទឹកដីអាស៊ីនេះដែរ។
នៅមុនការប្រកួតអំឡុងពេលឈរត្រៀមដើរចេញមកកាន់ទីលានប្រកួតនាកីឡដ្ឋាន Singapore National Stadium ក្នុងនាមជាប្រធានក្រុម Ozil ត្រូវបានលោកអាជ្ញាកណ្តាលកាត់សេចក្តីសញ្ជាតិសិង្ហបុរីសុំឲ្យរួបគេចុះហត្ថលេខានៅលើកាតលឿងដើម្បីទុកជាអនុស្សាវរីយ។
ក្រោមការដឹកនាំរបស់អ្នកចាត់ការថ្មីលោក Unai Emery បាននាំ Arsenal យកឈ្នះ PSG ក្នុងលទ្ធផល ៥-១ ដែលធ្វើបានដោយ Mesut Ozil, Alexandre Lacazette ២គ្រាប់ Holding និង Edward Nketiah ហើយ១គ្រាប់របស់ក្រុមម្ចាស់ជើងឯក ligue1 បារាំងធ្វើបានដោយ Christopher Nkunku ពីការស៊ុតបាល់ពិន័យ១១ម៉ែត្រ។
នេះជាការប្រកួតលើកទី២ផងដែរក្នុងដំណើរទៅកាន់សិង្ហបុរីនៅឆ្នាំ២០១៨ ដែលប្រកួតទី១ ក្រុមពីអង់គ្លេសនេះបានចាញ់ At-Madrid ដោយបាល់កាត់សេចក្តី១១មែត្រ៕
Tag:
បាល់ទាត់
Arsenal
Paris Saint-Germain
Mesut Ozil
© រក្សាសិទ្ធិដោយ thmeythmey.com