បាត់ដំបង៖ CPP បានជិត៦៨ភាគរយ ខណៈហ្វ៊ុនស៊ិនប៉ិច លើស LDP តិចតួច

ជាតិ

បោះឆ្នោត

បាត់ដំបង៖ CPP បានជិត៦៨ភាគរយ ខណៈហ្វ៊ុនស៊ិនប៉ិច លើស LDP តិចតួច

30, Jul 2018 , 11:18 am

រូបភាព

ដោយ: រួបរួម

ខេត្តបាត់ដំបង មាន៨អាសនៈ ដោយក្នុងនោះ គណបក្សប្រជាជនកម្ពុជាទទួលបានការគាំទ្រ ២៩៧ ៧៩៨សំឡេងស្មើ ៦៧,៨៩ភាគរយក្នុងចំណោមអ្នកដែលបានទៅបោះឆ្នោតជ្រើសតាំងតំណាងរាស្ត្រនីតិកាលទី៦ ។ នេះបើតាមលទ្ធផលបឋមដែលផ្សាយដោយគណៈកម្មាធិការជាតិរៀបចំការបោះឆ្នោត។

យោងការរាប់សន្លឹកឆ្នោតបឋមសរុបទាំង១៦៥៥ការិយាល័យនៅមណ្ឌលខេត្តបាត់ដំបង អ្នកទៅបោះឆ្នោតមានចំនួន៤៣៨ ៦៤៣នាក់ ពោលគឺស្មើ៧៧,៦៣ភាគរយក្នុងចំណោមអ្នកមានឈ្មោះក្នុងបញ្ជីសរុប ៥៦៥ ០៤៤នាក់។ ទាក់ទងនឹងចំនួនសំឡេងឆ្នោត សន្លឹកបានការមាន ៤០៤ ២៥៨សំឡេង និងមិនបានការមាន៣២ ៥១៦សំឡេង។

គណបក្សចំនួន១៥ បានចូលរួមប្រកួតប្រជែង ក្រៅពីគណបក្សប្រជាជនកម្ពុជា ដែលបានសំឡេងគាំទ្ររហូតដល់ទៅ៦៧,៨៩ភាគរយ គណបក្សហ្វ៊ុនស៊ិនប៉ិច បាន២៩ ០៩៨សំឡេង (៦,៦៣ភាគរយ) គណបក្សសម្ព័ន្ធដើម្បីប្រជាធិបតេយ្យ បាន២៨ ១៤១សំឡេង (៦,៤២ភាគរយ) គណបក្សឆន្ទៈខ្មែរ បាន១៦ ២១៥សំឡេង (៣,៧០ភាគរយ) និងគណបក្សខ្មែរសាធារណរដ្ឋ បាន៤៧៤១សំឡេង (១,០៨ភាគរយ)៕

Tag:

បោះឆ្នោត

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

2 ថ្ងៃ

តើពាក្យ«បច្ច័យ»មានន័យច្បាស់លាស់ដូចម្តេច?

3 ថ្ងៃ

សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ

1 សប្តាហ៍

«បុរាណ»និង«បូរាណ» មានអត្ថន័យដូចគ្នា

1 សប្តាហ៍

«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ

5 ថ្ងៃ

អត្ថបទពេញនិយមបន្ថែម