កីឡាអន្តរជាតិ
អន្តរជាតិ
×![]()
ដោយ: ទេព ពិទូរ្យ
Thomas Lemar បង្ហាញអារម្មណ៍សប្បាយរីករាយក្នុងការសម្រេចចិត្តចាកចេញពី AS Monaco ទៅចូលរួមជាមួយ Atletico Madrid ក្រោយបញ្ចប់ការផ្ទេរដោយជោគជ័យ។ នេះបើតាមការចុះផ្សាយរបស់វេបសាយផ្លូវការ Atletico Madrid ។
ខ្សែបម្រើវ័យ ២២ ឆ្នាំដែលជាសមាជិករបស់ក្រុមជម្រើសជាតិបារាំងដើម្បីទទួលពានរង្វាន់ FIFA World Cup ជាលើកទី២ បានចុះហត្ថលេខាលើកិច្ចសន្យាមួយជាមួយក្រុមរបស់លោក Diego Simeone តាំងពីអំឡុងការប្រកួតកីឡាបាល់ទាត់ពិភពលោកនៅរុស្ស៊ី ប៉ុន្តែក្លិបនៅអេស្ប៉ាញនេះមិនបានបញ្ជាក់ពីការផ្លាស់ប្តូរ។
«ខ្ញុំសប្បាយចិត្តណាស់ដែលបានមកទីនេះ។ Antoine Griezmann និង Lucas Hernandez បានប្រាប់ខ្ញុំជាច្រើនអំពីក្លិប។ ខ្ញុំរីករាយនឹងការសម្រេចចិត្តរបស់ខ្ញុំ»។ Lemar និយាយដូច្នេះ។
អតីតសមាជិកក្រុម Caen បន្ថែមថា៖«ខ្ញុំដឹងថាក្រុមនេះត្រូវការការកីឡាករដែលខិតខំប្រឹងប្រែងខ្លាំង ហើយខ្ញុំនឹងផ្តល់អ្វីទាំងអស់នោះសម្រាប់ក្រុម។ ប្រសិនបើក្រុមត្រូវការឲ្យខ្ញុំរត់ច្រើន ខ្ញុំនឹងរត់ដោយគ្មានបញ្ហា»។
ជុំវិញការផ្ទេររបស់ Lemar ទៅកាន់ទឹកដី Metropolitano មិនមានការបង្ហាញពីតម្លៃខ្លួន និងកិច្ចសន្យាច្បាស់លាស់នោះទេ៕
ខ្សែបម្រើវ័យ ២២ ឆ្នាំដែលជាសមាជិករបស់ក្រុមជម្រើសជាតិបារាំងដើម្បីទទួលពានរង្វាន់ FIFA World Cup ជាលើកទី២ បានចុះហត្ថលេខាលើកិច្ចសន្យាមួយជាមួយក្រុមរបស់លោក Diego Simeone តាំងពីអំឡុងការប្រកួតកីឡាបាល់ទាត់ពិភពលោកនៅរុស្ស៊ី ប៉ុន្តែក្លិបនៅអេស្ប៉ាញនេះមិនបានបញ្ជាក់ពីការផ្លាស់ប្តូរ។
«ខ្ញុំសប្បាយចិត្តណាស់ដែលបានមកទីនេះ។ Antoine Griezmann និង Lucas Hernandez បានប្រាប់ខ្ញុំជាច្រើនអំពីក្លិប។ ខ្ញុំរីករាយនឹងការសម្រេចចិត្តរបស់ខ្ញុំ»។ Lemar និយាយដូច្នេះ។
អតីតសមាជិកក្រុម Caen បន្ថែមថា៖«ខ្ញុំដឹងថាក្រុមនេះត្រូវការការកីឡាករដែលខិតខំប្រឹងប្រែងខ្លាំង ហើយខ្ញុំនឹងផ្តល់អ្វីទាំងអស់នោះសម្រាប់ក្រុម។ ប្រសិនបើក្រុមត្រូវការឲ្យខ្ញុំរត់ច្រើន ខ្ញុំនឹងរត់ដោយគ្មានបញ្ហា»។
ជុំវិញការផ្ទេររបស់ Lemar ទៅកាន់ទឹកដី Metropolitano មិនមានការបង្ហាញពីតម្លៃខ្លួន និងកិច្ចសន្យាច្បាស់លាស់នោះទេ៕
Tag:
បាល់ទាត់
Thomas Lemar
Thomas Lemar
Monaco
© រក្សាសិទ្ធិដោយ thmeythmey.com
