កីឡាអន្តរជាតិ
អន្តរជាតិ
Man Utd ចង់បាន Zidane មកដឹកនាំ ប្រសិន Mourinho ចាកចេញ
× Zinedine Zidane នឹងក្លាយជាជម្រើសទី១របស់ក្លិប Manchester United ប្រសិនបើអ្នកចាត់ការទូទៅបច្ចុប្បន្នលោក Jose Mourinho ចាកចេញ។ នេះបើតាមការផ្សាយរបស់ The Sun។
ការបង្ហាញខ្លួនក្នុងការប្រកួតកំដៅសាច់ដុំមុនបើករដូវកាលថ្មី ២០១៨-២០១៩ លើទឹកដីអាមេរិកប៉ុន្មានប្រកួតនេះ ក្រុមបិសាចក្រហមនៅមិនទាន់ធ្វើបានល្អនោះទេសម្រាប់ការដឹនាំរបស់អ្នកចាត់ការ Special One។
បើយោងតាមប្រភពពី Old Trafford ប្រសិនបើអ្នកចាត់ការសញ្ជាតិព័រទុយហ្គាល់ វ័យ៥៥ឆ្នាំចាកចេញពី Man Utd ដោយសារមិនបានជួយក្រុមឈ្នះពានធំណាមួយនោះ ជម្រើសដំបូងគេដើម្បីជំនួសតំណែងនេះគឺ Zidane។ Mourinho នៅជាប់កិច្ចសន្យារយៈពេល២ឆ្នាំទៀត ពោលគឺរហូតដល់ឆ្នាំ២០២០។
អ្នកចាត់ការសញ្ជាតិបារាំង វ័យ៤៦ឆ្នាំ បានដើរចេញពីកៅអីអ្នកចាត់ការ Real Madrid ក្រោយជួយក្រុមឈ្នះពានរង្វាន់ Champions League បីរដូវកាលជាប់គ្នា។
Zizou បានស្ថិតក្នុងបញ្ជីនាំមុខគេក្នុងតំណែងអ្នកអ្នកចាត់ការថ្មីរបស់ Man Utd ដូចកាលដែលលោក Mourinho បានធ្វើក្នុងរដូវកាលចុងក្រោយរបស់លោក Louis van Gaal នៅទឹកដី Old Trafford ដែរ។
ចំពោះការដឹកនាំរបស់អតីតអ្នកចាត់ការ Inter Milan, Real Madrid, Porto និង Chelsea បានទទួលភាពតានតឹងខ្លាំង បន្ទាប់ពីស្ថិតនៅក្រុង Manchester មិនទទួលពានអ្វីសោះកាលពីរដូវកាលមុនបើទោះបានចំណាយប្រាក់ច្រើនគួរសមហើយថែមទាំងតាមពីក្រោយម្ចាស់ជើងឯកពានកំពូលអង់គ្លេស Manchester City រហូត ១៩ពិន្ទុ។
សម្រាប់រដូវកាលថ្មីនេះ Mourinho ក៏បាននាំចូលកីឡាករមួយចំនួនមកពង្រឹងក្រុមបន្ថែមទៀតផងដែរដូចជាខ្សែបម្រើប្រេស៊ីល Fred ពី Shakhtar Donetsk និងខ្សែការពារ Diogo Dalot ពី Porto។ ប្រសិនបើម្ចាស់ជើងឯកក្របខណ្ឌកំពូលអង់គ្លេស២០សម័យធ្វើមិនបានល្អនៅរដូវកាលថ្មីទៀតនោះ នឹងត្រូវប្រឈមមុខនឹងការចាកចេញជាមិនខាន៕
Tag:
បាល់ទាត់
Zinedine Zidane
Jose Mourinho
Manchester United
© រក្សាសិទ្ធិដោយ thmeythmey.com