ជាតិ
បទយកការណ៍ / បទសម្ភាសន៍
ម្ចាស់ផ្សារមួយនៅសៀមរាប រៀបកន្លែងលក់បន្លែសុវត្ថិភាពមិនយកកម្រៃ ព្រោះចង់លើកស្ទួយទិន្នផលកសិករ
×![]()
សៀមរាប៖ រយៈពេលជាង១ឆ្នាំមកហើយ ដែលផ្សារផលិតផលកម្ពុជា បង្កើតឡើងដោយយុវជនមួយរូប បានរៀបចំកន្លែងសម្រាប់ឱ្យមានការលក់បន្លែសុវត្ថិភាពដោយមិនគិតថ្លៃ។ បន្លែទាំងនោះ ត្រូវបានដាំ ប្រមូល និងលក់ដោយបណ្ដាញសហគមន៍កសិករនៅក្នុងខេត្តសៀមរាប ដែលមានការជ្រោមជ្រែង និងបង្រៀនបច្ចេកទេសដោយអង្គការ អាហ្គ្រីស៊ូត។ ជាងមួយឆ្នាំមកនេះ សន្ទុះនៃការលក់ និងទិញបន្លែសុវត្ថិភាពរបស់ពលរដ្ឋហាក់មានការកើនឡើង ដោយពួកគេបានយល់ច្បាស់ពីបន្លែសុវត្ថិភាព និងបន្លែដែលប្រើថ្នាំគីមីខ្ពស់។ 
ផ្សារបន្លែសុវត្ថិភាពនៅក្នុងផ្សារផលិតផលកម្ពុជា បើកលក់រៀងរាល់ថ្ងៃចាប់ពីម៉ោង៨ដល់ម៉ោង១២ ថ្ងៃត្រង់។ មានអតិថិជនជាច្រើនដែលតែងទិញបន្លែ និងផ្លែឈើ ដែលត្រូវបានអ្នកភូមិឆ្ងាយៗក្នុងខេត្តសៀមរាប យកមកលក់ នៅតំបន់ប្រជុំជនក្បែរផ្សារចាស់។ បន្លែទាំងនោះ មិនមានជាទៀងទាត់ទេ ជារួមថ្ងៃខ្លះមានបន្លែនេះ ថ្ងៃខ្លះមានបន្លែនោះ ទៅតាមពេលវេលាដែលអ្នកភូមិដាំ។
លោក អ៊ុន សុវណ្ណ ម្ចាស់ផ្សារផលិតផលកម្ពុជា បានឱ្យដឹងថា លោកសប្បាយពេលឃើញការលក់ដូរនៅផ្សារបន្លែសុវត្ថិភាពមានគេស្គាល់ និងគាំទ្រច្រើន។ ក្នុងនាមជាអ្នកលើកកម្ពស់ផលិតផល និងស្នាដៃកសិករមួយរូប លោកសុំឱ្យពលរដ្ឋខ្មែរជួយទិញបន្លែសុវត្ថិភាព ដើម្បីកម្ពស់ជីវភាពកសិករខ្មែរ ពិសេសដើម្បីសុខភាពខ្លួនឯងផងដែរ។ លោកអ្នកអាចរកទិញបន្លែសុវត្ថិភាពទាំងនេះបាន ដែលមានទីតាំងនៅតំបន់ឃីងរ៉ូដអង្គរ ឬនៅខាងត្បូងឈៀងកើតស្ពានថ្មផ្សារចាស់៕
សូមស្ដាប់បទសម្ភាស រវាងអ្នកសារព័ត៌មានថ្មីៗ និងលោក អ៊ុន សុវណ្ណ ម្ចាស់ផ្សារផលិតផលកម្ពុជា ដូចតទៅ៖
Tag:
ផ្សារបន្លែសុវត្ថិភាព
© រក្សាសិទ្ធិដោយ thmeythmey.com
