ជាតិ
បទយកការណ៍ / បទសម្ភាសន៍
លោក ហាស់ វាសនា ច្នៃរទេះគោអូសដោយកង់ផ្សព្វផ្សាយសេវាកម្មរកដៃគូជីវិត
× សៀមរាប៖ ពីមុនគេធ្លាប់ឃើញរទេះអូសដោយគោ។ តែពេលនេះ លោក ហាស់ វាសនា ដែលមានរហស្សនាម មីស្ទ័រម៉ាច បានបង្កើតរទេះគោ តែអូសដោយកង់ធាក់វិញម្ដង។ រទេះគោអូសដោយកង់ បានទាក់ទាញមហាជនមួយចំនួន ដែលហាក់ចម្លែកភ្នែក និងកោតសរសើរចំពោះគំនិតរបស់អ្នកច្នៃប្រឌិតថ្មី។
លោក ហាស់ វាសនា ដែលជាអ្នកបង្កើតរទេះអូសដោយកង់ បាននិយាយថា គោលបំណងនៃការច្នៃនេះ គឺលោកចង់លើកតម្លៃរទេះគោខ្មែរ ដែលចង់បាត់បង់ទៅហើយ។ លោកថា ក្រៅពីគោ រទេះឈើទាំងនោះក៏អាចប្រើកង់អូសទាញបានផងដែរ។ មួយវិញទៀត ដោយសារជាអ្នកជំនាញរកដៃគូជីវិត លោក វាសនា ក៏ប្រើយានជំនិះថ្មីនេះ សម្រាប់ផ្សព្វផ្សាយសេវាកម្មរកដៃគូជីវិតសម្រាប់អ្នកដែលមិនទាន់មានគូផងដែរ។
ក្រៅពីចង់លើកស្ទួយរទេះគោខ្មែរ និងផ្សព្វផ្សាយសេវាកម្មរកដៃគូជីវិតហើយនោះ លោក វាសនា ក៏មានបំណងចង់ឱ្យរទេះគោកង់ដែលលោកទើបនឹងច្នៃថ្មីនេះ ដឹកភ្ញៀវទេសចរកម្សាន្តក្នុងក្រុងផងដែរ។ លោកបានគិតថា តាមរយៈរទេះគោនេះ នឹងអាចទាក់ទាញភ្ញៀវទេសចរ ហើយអាចពន្យាពេលស្នាក់នៅរបស់ពួកគេផង៕
ព័ត៌មានលម្អិតសូមស្ដាប់បទសម្ភាសរវាងអ្នកសារព័ត៌មានថ្មីៗ និងលោក ហាស់ វាសនា អ្នកច្នៃរទេះគោអូសដោយកង់ដូចតទៅ៖
Tag:
រទេះគោ
កង់
ហាស់ វាសនា
© រក្សាសិទ្ធិដោយ thmeythmey.com