ជាតិ
បទយកការណ៍ / បទសម្ភាសន៍
សេដ្ឋកិច្ច
អ្នកស្រី វី លក់ពោតអាំងតាមចិញ្ចើមផ្លូវមានរូបមន្តពិសេស និងមានអតិថិជនច្រើន
×![]()
សៀមរាប៖ ពោតអាំងមួយកន្លែង បានទាក់ទាញអតិថិនជនចូលទិញមិនលស់ ហើយល្បីថាឆ្ងាញ់។ អ្នកស្រី វី ដែលជាអ្នកលក់បានបង្ហើបឱ្យដឹងថា ពោតអាំងអ្នកស្រីមានរូបមន្តពិសេស ទើបធ្វើឱ្យមានឱជារសឆ្ងាញ់ ប្លែកពីពោតដទៃ។ អ្នកស្រីថា ចំណុចពិសេសដែលធ្វើឱ្យពោតឆ្ងាញ់នោះ គឺដោយសារពោត របៀបអាំង និងទឹកខ្ទិះ។
លក់នៅលើចិញ្ចើមផ្លូវតាមបណ្ដោយផ្លូវកូម៉ៃ ក្រោយសារមន្ទីរជាតិអង្គរ អ្នកស្រី វី មានរបរលក់ពោតអាំងនេះច្រើនឆ្នាំហើយ។ កន្លែងលក់របស់អ្នកស្រីមិនធំទេ។ អ្នកស្រីថា កន្លែងអ្នកស្រីគឺយកពោតថ្មីៗមកលក់ ដោយអ្នកស្រីត្រូវក្រោកទាំងយប់ ដើម្បីដើររកទិញពោតពីចម្ការអ្នកស្រីស្រុកឆ្ងាយជិត មាននៅបន្ទាយស្រី និងហួសដល់ដំដែក ស្រុកសូទ្រនិគមជាដើម។
អ្នកស្រី វី មានលក់ទាំងពោតស ដែលដាំនៅក្នុងស្រុក និងពោតក្រហម ដែលនាំចូលពីស្រុកថៃ។ ពោតស មានរសជាតិឆ្ងាញ់ សាច់ទន់ និងដែលអតិថិជនចូលចិត្តហូបច្រើនជាងគេ។ ក្នុងមួយថ្ងៃអ្នកស្រីអាចលក់ពោតបានពី១០០ ទៅ២០០ផ្លែ ក្នុងតម្លៃមួយ ១៥០០រៀល ដែលអាចឱ្យអ្នកស្រីចំណេញបាន២ ទៅ៣ម៉ឺនរៀលក្នុងមួយថ្ងៃ។
ចង់ដឹងថា អ្នកស្រី វី មានរូបមន្តអ្វីពិសេសទើបធ្វើឱ្យអតិថិជនមានទាំងអ្នកជិះម៉ូតូ ឡាន ឈប់ទិញពោតអ្នកស្រី និងសរសើរថាឆ្ងាញ់នោះ សូមស្ដាប់បទសម្ភាសរវាងអ្នកសារព័ត៌មានថ្មីៗប្រចាំខេត្តសៀមរាប និងអ្នកស្រី វី ដូចតទៅ
Tag:
លក់ពោត
© រក្សាសិទ្ធិដោយ thmeythmey.com
