ជាតិ
នយោបាយជាតិ
លោក គឹម សុខ ត្រូវបានដោះលែងហើយ ព្រះសង្ឃ និងប្រជាពលរដ្ឋ ទៅទទួលលោក គឹម សុខ ពេលចេញពីពន្ធនាគារព្រៃស នៅព្រឹកថ្ងៃទី១៧ ខែសីហា ឆ្នាំ២០១៨
× លោក គឹម សុខ អ្នកវិភាគនយោបាយ ត្រូវបានតុលាការរាជធានីភ្នំពេញ សម្រេចដោះលែងនៅថ្ងៃទី១៧ ខែសីហា ឆ្នាំ២0១៨នេះ ក្រោយពីលោក បានអនុវត្តទោស គ្រប់តាមកាលកំណត់។
តុលាការ បានកំណត់ឲ្យលោក គឹម សុខ ជាប់ឃុំរយៈពេលមួយឆ្នាំកន្លះ។ លោក បានជាប់ឃុំតាំងពីថ្ងៃទី១៧ ខែកុម្ភៈ ឆ្នាំ២0១៧មក។
លោក ជូង ជូងី មេធាវីរបស់លោក គឹម សុខ បានប្រាប់សារព័ត៌មានថ្មីៗ តាមទូរសព្ទយ៉ាងដូច្នេះថា៖«គេដោះលែងគាត់ហើយ នៅម៉ោង៩កន្លះព្រឹកនេះ។ ខ្ញុំ ក៏បានទៅទទួលគាត់នៅពន្ធនាគារដែរ»។
តុលាការរាជធានីភ្នំពេញ ចោទប្រកាន់អ្នកវិភាគរូបនេះ ពី «បទបរិហារកេរ្តិ៍ជាសាធារណៈ» និង «បទញុះញង់ ឲ្យមានភាពវឹកវរដល់សន្តិសុខសង្គម»។ បើតាមតុលាការ មូលហេតុ ដែលលោករងបទចោទបែបនេះ គឺដោយសារតែលោក ចោទសម្តេច ហ៊ុន សែន នាយករដ្ឋមន្ត្រីនិងជាប្រធានគណបក្សប្រជាជនកម្ពុជាថា នៅពីក្រោយខ្នងនៃអំពើឃាតកម្មលើលោកបណ្ឌិត កែម ឡី៕
© រក្សាសិទ្ធិដោយ thmeythmey.com