សម្ដេច ហ៊ុន សែន នឹងជួបពិភាក្សាជាមួយមេបក្សទាំង១៩ នៅថ្ងៃទី២១ សីហា

ជាតិ

បោះឆ្នោត

នយោបាយជាតិ

សម្ដេច ហ៊ុន សែន នឹងជួបពិភាក្សាជាមួយមេបក្សទាំង១៩ នៅថ្ងៃទី២១ សីហា

17, Aug 2018 , 12:13 pm

រូបភាព

ដោយ: ថ្មីៗ

ភ្នំពេញ៖ ដូចការគ្រោងទុក សម្ដេចនាយករដ្ឋមន្ត្រី ហ៊ុន សែន នឹងជួបជាមួយប្រធាន និងថ្នាក់ដឹកនាំគណបក្សនយោបាយទាំង១៩ ដែលចូលរួមបោះឆ្នោតអាណត្តិទី៦នេះ នៅថ្ងៃទី២១ សីហា ដើម្បីពិភាក្សាយកគំនិតល្អៗ ក្នុងការរួមចំណែកដោះស្រាយបញ្ហាប្រទេសជាតិ។

អ្នកនាំពាក្យទីស្តីការគណៈរដ្ឋមន្ត្រី លោក ផៃ ស៊ីផាន បាននិយាយថា រដ្ឋាភិបាល បានបញ្ជូនលិខិតទៅប្រធានគណបក្សទាំង១៩នោះហើយ ដើម្បីឲ្យពួកគេត្រៀមលើកយកបញ្ហា និងគំនិតថ្មីៗ មកពិភាក្សាគ្នាជាមួយប្រមុខរដ្ឋាភិបាល។

អត្ថបទទាក់ទង

សម្ដេច ហ៊ុន សែន៖ ខ្ញុំចង់ប្រើប្រាស់អាណត្តិទី៦ ប្រមូលធនធានខួរក្បាល អភិវឌ្ឍជាតិ

វេទិកាពិភាក្សាគ្នានេះ រដ្ឋាភិបាល នឹងបើកចំហឲ្យគណបក្សនយោបាយ ដែលមិនជាប់ឆ្នោតទាំងនោះ មានសិទ្ធិរិះគន់លើគោលនយោបាយរបស់រដ្ឋាភិបាល ដែលអនុវត្តការងារមិនល្អ និងជួយដោះស្រាយចំណុចខ្វះខាតនានា តាមរយៈការពិនិត្យលើយន្តការក្នុងសេចក្តីព្រាងច្បាប់ជាដើម។ ការរៀបចំបែបនេះ វានឹងជួយរំឭកដល់ការងាររដ្ឋាភិបាល ឲ្យអនុវត្តការងារត្រឹមត្រូវតាមការសន្យាខ្លួន ពោលគឺកុំឲ្យរដ្ឋាភិបាល ជិះសេះលែងដៃ ហើយទុកពលរដ្ឋរងទុក្ខលំបាក។ បើតាមសម្ដេច ហ៊ុន សែន ការរៀបចំវេទិកានេះ វាជាឱកាសឲ្យគណបក្សនយោបាយ ដែលមិនជាប់ឆ្នោតនេះ កសាងកិត្តិយសខ្លួន សម្រាប់ការបោះឆ្នោតនៅអាណត្តិខាងមុខទៀតផងដែរ។

ការលើកឡើងរបស់ប្រមុខរដ្ឋាភិបាលនេះ គឺជាគំនិតមួយល្អ ដែលទទួលបានការគាំទ្រពីថ្នាក់ដឹកនាំគណបក្ស ដែលចូលរួមបោះឆ្នោតអាណត្តិទី៦នេះ។ ពួកគេទាំងនោះ ចាត់ទុកការរៀបចំវេទិកានេះ គឺជារបត់នយោបាយមួយ ក្នុងដំណើររួមគ្នាអភិវឌ្ឍជាតិ រវាងគណបក្សកាន់អំណាច និងគណបក្សក្រៅរដ្ឋាភិបាល៕