-​ចាត់ចែង​ចែកចាយ​រាយរៀប​សេចក្តី​ ​ ​រឿង​មន្ត្រី​អង្គ​ក្សត្រ​ចាត់​ពិសោធន៍​

​ដោយ​ឲ្យ​គ្រាប់​ល្ពៅ​ស្ងោរ​ដាំ​ទ្រង់​ផ្តោត​ ​ ​ក្រោយ​ពិសោធន៍​ទ្រង់​ស្គាល់​មន្ត្រី​ច្បាស់​។​

-​ក្រុម​មួយ​ទូល​ថា​ល្ពៅ​ពូជ​ល្អ​ក្រៃ​ ​ ​ដាំ​ដក​ដៃ​លូតលាស់​ផ្លែ​ច្រើនណាស់​

​ដឹក​ទាំង​រទេះ​មក​ថ្វាយ​អម្ចាស់​ ​ ​ ​ស្តាយ​ពេក​ណាស់​មាន​អ្នក​ស្ទាក់​ពារ​ពាំង​។​

-​ក្រុម​ពីរ​ថា​ដាំ​បាន​ផ្លែ​ច្រើន​ដែរ​ ​ ​ ​ក៏​ប៉ុ​ន្ត​មិនបាន​ដឹក​មក​វាំង​

​ក្រុម​បី​ថា​ដាំ​មិនបាន​បាំង​រាំង​ ​ ​ ​ភ្លេច​រវាំង​កណ្តុរ​កាត់​ឆី​ហ្មត់​។​

-​ក្រុម​បួន​ឆ្លើយ​ត្រង់​មិន​បង្អង់​ឡើយ​ ​ ​​គ្រាប់​ស្ងោរ​ហើយ​ក្រាបទូល​ពិតប្រាកដ​

​ដាក់​ដាំ​មិន​ដុះ​ទូលបង្គំ​ស្បថ​ ​ ​ ​​អង្គ​ក្សត្រ​កត់ចំណាំ​ចាំ​មុខ​ជាក់​។​

-​មន្ត្រី​ចុងក្រោយ​គួរ​ឲ្យ​សរសើរ​ ​ ​ ​ស្ម័គ្រ​បម្រើ​ក្សត្រ​ស្មោះ​ដោយ​ពុំ​លាក់​

​ក្រុម​មួយក្រុម​ពីរ​មិនអាច​ពឹងពាក់​ ​ ​​ក្រុម​បី​អ្នក​អាច​អប់រំ​ប្រើ​បាន​។​

-​ក្រុម​មួយក្រុម​ពីរបែប​មាន​ច្រើន​ដែរ​ ​ ​នៅ​ស្រុក​ខ្មែរ​ធ្វើ​ឲ្យ​រាស្ត្រ​រំខាន​

​កុហក​ភរភូត​អួត​បង្វែងដាន​   ​ ​​តើ​ឈរ​បាន​ទៀត​ទេ​អាណត្តិ​នេះ​?​ ​

​