ជាតិ
ខ្មែរមូស្លីម៥រូប ជាប់ជាតំណាងរាស្ត្រនីតិកាលទី៦
× ការបោះឆ្នោតជ្រើសរើសតំណាងរាស្ត្រនីតិកាលទី៦ ឆ្នាំ២០១៨ ត្រូវបានគណកម្មាធិការជាតិរៀបចំការបោះឆ្នោត បានប្រកាសលទ្ធផលជាផ្លូវការហើយកាលពីថ្ងៃទី១៥ ខែសីហា។ លទ្ធផលជាផ្លូវការ គឺគណបក្សប្រជាជនកម្ពុជា បានដណ្ដើមកៅអីទាំង១២៥របស់រដ្ឋសភា ដែលមានគណបក្សចូលរួមប្រកួតប្រជែងចំនួន២០។ ក្នុងចំណោមតំណាងរាស្ដ្រទាំង ១២៥នោះ គេសង្កេតឃើញមានខ្មែរមូស្លីមចំនួន៥រូប បានជាប់ឈ្មោះជាតំណាងរាស្ដ្រនៅតាមមណ្ឌលផ្សេងៗ។
បេក្ខជនតំណាងរាស្ដ្រជាខ្មែរមូស្លីមទាំង៥ រូប រួមមាន៖
ទី១ លោក ហ្សាការីយ៉ា អាដាម អតីតរដ្ឋមន្ត្រីប្រតិភូអមនាយករដ្ឋមន្ត្រីក្នុងគណរដ្ឋមន្ត្រីនានីតិកាលទី៥ ក្លាយជាតំណាងរាស្ដ្រមណ្ឌល កណ្តាល
ទី២ លោក អូស្មាន ហាស្សាន់ អតីតរដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការក្រសួងការងារ និងបណ្ដុះបណ្ដាលវិជ្ជា ក្លាយជាតំណាងរាស្ដ្រមណ្ឌល ភ្នំពេញ
ទី៣ លោកស្រី កុប ម៉ារីយ៉ាស ជារដ្ឋលេខាធិការក្រសួង កិច្ចការនារី ក្លាយជាតំណាងរាស្ដ្រមណ្ឌល កំពង់ឆ្នាំង
ទី៤ លោក ម៉ូត យូសុះ បច្ចុប្បន្នជាប្រធានគណៈចលនាសាសនិកឥស្លាមរបស់គណបក្សប្រជាជនកម្ពុជា ខេត្តត្បូងឃ្មុំ ក្លាយជាតំណាងរាស្ដ្រមណ្ឌល ត្បូងឃ្មុំ
ទី៥ លោក ម៉ាត់ សេត មានតួនាទីជាប្រធានសម្ព័ន្ធយុវជនមូស្លីមកម្ពុជាសាខាខេត្ត កំពត និងជាអនុប្រធានគណៈចលនាឥស្លាមរបស់គណបក្សប្រជាជនកម្ពុជា ខេត្តកំពត ក្លាយជាតំណាងរាស្ដ្រមណ្ឌល កំពត៕
Tag:
នយោបាយជាតិ បោះឆ្នោត
© រក្សាសិទ្ធិដោយ thmeythmey.com