កីឡាជាតិ
ជាតិ
Futsal លីគ៖ កំចាយមារជួបដោនថោនដណ្តើមជើងឯក ឯហូមស្ព័តប៉ះឪម៉ាល់ដណ្តើមលេខ៣
×![]()
ការប្រកួតបាល់ទាត់ដណ្តើមពានរង្វាន់ National League Futsal 2018 បានឈានដល់ការប្រកួតវគ្គផ្តាច់ព្រ័ត្រ ដោយនៅថ្ងៃសៅរ៍ ទី១៨ ខែសីហានេះមានការប្រកួតចំនួនពីរគូ។ ក្នុងនោះក្រុមសហភាពសហព័ន្ធយុវជនកម្ពុជាស្រុកកំចាយមារ(ស.ស.យ.ក.កំចាយមារ) ត្រូវប្រជែងដណ្តើមជើងឯកជាមួយក្រុមដោនថោនស្ព័តនៅម៉ោង៦ល្ងាច ខណៈក្រុមហូមស្ព័តប្រជែងដណ្តើមលេខ៣ជាមួយឪម៉ាល់នៅម៉ោង៤រសៀល។ ការប្រកួតទាំងពីររៀបចំនៅទីលាន CLEAR Arena។ 
មុនឡើងមកជួបគ្នាក្នុងវគ្គផ្តាច់ព្រ័ត្រដណ្តើមជើងឯក ក្រុមការពារតំណែងជើងឯក ស.ស.យ.ក.កំចាយមារ បានទម្លាក់ក្រុមហូបស្ព័តក្នុងវគ្គពាក់កណ្តាលផ្តាច់ព្រ័ត្រជាមួយលទ្ធផល ១៣-៤។ ចំណែកក្រុមដោនថោន ទម្លាក់ក្រុមជើងឯករងឆ្នាំចាស់ឪម៉ាល់ក្នុងលទ្ធផល ៦-១។ ក្រោយបរាជ័យរៀងៗខ្លួន ក្រុមជើងឯករងឆ្នាំចាស់ឪម៉ាល់ត្រូវប្រជែងដណ្តើមលេខ៣ជាមួយហូមស្ព័ត។
កាលពីឆ្នាំ២០១៧ ក្រោមការដឹកនាំរបស់លោក ហុក សុចិត្រា ក្រុមស.ស.យ.ក.កំចាយមារបានយកឈ្នះក្រុមឪម៉ាល់ក្នុងលទ្ធផល ១០-៦ ក្នុងវគ្គផ្តាច់ព្រ័ត្រ ដើម្បីគ្រងជើងឯក។ ចំណែកក្រុមឆន្ទៈកីឡាទទួលបានចំណាត់ថ្នាក់លេខ៣ ក្រោយយកឈ្នះអាណាចក្របៃតងក្នុងលទ្ធផល ៦-២។ ប៉ុន្តែឆ្នាំនេះ ក្រុមទាំងពីរបានធ្លាក់ត្រឹមវគ្គជម្រុះសន្សំពិន្ទុ៕
Tag:
National Futsal League 2018
© រក្សាសិទ្ធិដោយ thmeythmey.com
