ជាតិ
បាក់ឌុប
ចំថ្ងៃសីល បេក្ខជនបាក់ឌុបដ៏ច្រើនកុះករ នាំគ្នាបន់ស្រន់នៅព្រះអង្គដងកើ
× ភ្នំពេញ៖ ទីតាំងព្រះអង្គដងកើនៅព្រឹកថ្ងៃទី១៩ ដែលចំថ្ងៃសីលនេះ មានមនុស្សម្នាជាច្រើន បានមកបន់ស្រន់ ដោយក្នុងនោះមានមួយចំនួនជាសិស្សដែលត្រូវប្រឡងបាក់ឌុបនៅថ្ងៃស្អែកនេះ។ បេក្ខជនដែលប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) មួយចំនួន បានសម្រុកមកបន់ស្រន់នៅព្រះអង្គដងកើ រាជធានីភ្នំពេញ ដើម្បីសុំសេចក្ដីសុខ, សុំឲ្យប្រឡងជាប់ និងសុំកុំឲ្យមានការភ័យព្រួយ។ បេក្ខជនទាំងនោះ បញ្ជាក់ថា ពួកគេត្រៀមខ្លួនរួចហើយសម្រាប់ការប្រឡង ហើយការមកបន់ស្រន់នេះគ្រាន់តែកុំឲ្យភ័យប៉ុណ្ណោះ។
សម័យប្រឡងសញ្ញាបត្រមធ្យមសិក្សាទុតិយភូមិឆ្នាំ២០១៨នេះ ប្រព្រឹត្តទៅនៅថ្ងៃទី ២០-២១ សីហា ដែលមានបេក្ខជនប្រឡងចំនួន ១១៧.០៦១នាក់ និងមានមណ្ឌលប្រឡងចំនួន១៩៥ មណ្ឌល ចែកចេញជា ៤.៧១៦បន្ទប់ នៅរាជធានីខេត្តទាំង២៥ទូទាំងប្រទេស៕
សូមអញ្ជើញទស្សនាវីដេអូរវាងកញ្ញា ញឹក ស្រីល័ក្ខ អ្នកយកព័ត៌មាននៃសារព័ត៌មានថ្មីៗ ជាមួយបេក្ខជនប្រឡងបាក់ឌុបដូចតទៅ៖
© រក្សាសិទ្ធិដោយ thmeythmey.com