ជាតិ
បាក់ឌុប
លោក ហង់ ជួន ណារ៉ុន៖ ការរឹតបន្តឹងការប្រឡង ប្តូរឥរិយាបថសិស្សយ៉ាងលឿន
× ភ្នំពេញ៖ ដំណើរការប្រឡងបាក់ឌុបសម្រាប់ឆ្នាំ២០១៨ បានចាប់ផ្តើមហើយ ដោយលោក ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានបើកវិញ្ញាសាប្រឡង សម្រាប់បេក្ខជននៅមណ្ឌលវិទ្យាល័យព្រះស៊ីសុវត្ថិ។
ក្រោយបើកវិញ្ញាសារួច លោករដ្ឋមន្ត្រី បានថ្លែងនៅចំពោះមុខអ្នកកាសែតថា ការរឹតបន្តឹងការប្រឡងបាក់ឌុបពីមួយឆ្នាំទៅមួយឆ្នាំដំណើរការប្រឡងកាន់តែល្អឡើងៗ ហើយអ្វីដែលលោករដ្ឋមន្ត្រីកាន់តែត្រេកអរនោះ គឺបានផ្លាស់ប្តូរកាន់តែលឿនរបស់គ្រូ និងសិស្ស។ លោកហង់ ជួន ណារ៉ុន បញ្ជាក់ ៖«ថ្ងៃនេះ យើងមិនឃើញមានសិស្សណា មា្នក់កាន់សំណៅឯកសារ ឬឧបករណ៍អេឡិចត្រូនិក ចូលមណ្ឌលប្រឡងទេ។ បើធៀបនឹង៥ឆ្នាំមុន ខុសគ្នាមែនទែន។ យើងក៏ឃើញថា ទាំងអនុរក្ស និងមេប្រយោគ ក៏បំពេញការងារបានល្អ»។
ទន្ទឹមគ្នានេះ លោករដ្ឋមន្ត្រីក៏នៅតែអះអាងដដែលថា ដំណើរការប្រឡងបាក់ឌុបសម្រាប់ឆ្នាំនេះ នៅតែធានាបានតម្លាភាព យុត្តិធម៌ និងការទទួលយកការណ៍បាន ដោយឈរលើគោលការណ៍ «អ្នកចេះគឺជាប់»។
សូមបញ្ជាក់ថា ការប្រឡងសញ្ញាបត្រមធ្យមសិក្សាទុតិយភូមិឆ្នាំ២០១៨នេះ មានបេក្ខជនសរុបចំនួន ១១៧,០៦១នាក់ ទាំងថ្នាក់វិទ្យាសាស្ត្រ និងវិទ្យាសាស្ត្រសង្គម ដោយចែកចេញជា ១៩៦មណ្ឌល និងបន្ទប់ប្រឡងចំនួន ៤,៧១៦ បន្ទប់ នៅទូទាំង២៥រាជធានី-ខេត្ត៕
Tag:
បាក់ឌុប
ហង់ ជួន ណារ៉ុន
BacII
© រក្សាសិទ្ធិដោយ thmeythmey.com