អន្តរជាតិ
ប្រធានាធិបតីតៃវ៉ាន់ Tsai Ing-wen កំពុងទស្សនាមជ្ឈមណ្ឌលរបស់ NASA (រូបភាពពីគេហទំព័រការិយាល័យប្រធានាធិបតីតៃវ៉ាន់)
×![]()
ដោយ: តន ចាន់រិទ្ធារ៉ា
ក្រុងប៉េកាំង នៅថ្ងៃទី២០ ខែសីហា បានតវ៉ាទៅកាន់ក្រុងវ៉ាស៊ីនតោនជុំវិញដំណើរទស្សនកិច្ចរបស់ប្រធានាធិបតីតៃវ៉ាន់ Tsai Ing-wen នៅមជ្ឈមណ្ឌលគ្រប់គ្រងអវកាសរបស់ NASA កាលពីចុងសប្ដាហ៍មុន។ លោកស្រី Tsai Ing-wen ឈប់សំចតទឹកដីអាមេរិក ក្រោយត្រឡប់ពីការធ្វើទស្សនកិច្ចនៅរដ្ឋសម្ព័ន្ធមិត្តចំនួនពីររួចមក។ អ្នកនាំពាក្យក្រសួងការបរទេសចិននិយាយថា ចិនប្រឆាំងទំនាក់ទំនងការទូតរវាងអាមេរិក និងតៃវ៉ាន់ និងបានប្រាប់ឲ្យអាមេរិកគោរពខ្ជាប់ខ្ជួននូវនយោបាយចិនតែមួយ។
ប្រធានាធិបតីតៃវ៉ាន់ Tsai Ing-wen ទើបបញ្ចប់ដំណើរទស្សនកិច្ចនៅប្រទេសជាមិត្តចំនួនពីរ គឺប៉ារ៉ាហ្កាយ និងបេលី ។ ក្នុងដំណើរទៅមាតុភូមិវិញ លោកស្រីក៏ឈប់សំចតនៅអាមេរិក ដែលធ្វើឲ្យចិនខឹងសម្បារយ៉ាងខ្លាំង។ ចិនរឹតតែក្ដៅស្លឹកត្រចៀក ពេលអាមេរិកអនុញ្ញាតឲ្យប្រធានាធិបតីតៃវ៉ាន់រូបនេះចូលទស្សនាមជ្ឈមណ្ឌលគ្រប់គ្រងបេសកកម្មរបស់រដ្ឋបាលអវកាស និងលំហជាតិ (NASA) ក្នុងរដ្ឋតិចសាស់ កាលពីចុងសប្ដាហ៍មុន។
លោកស្រី Tsai ក្លាយជាប្រធានាធិបតីតៃវ៉ាន់ដំបូងគេ ដែលធ្វើទស្សនកិច្ចនៅមជ្ឈមណ្ឌលអវកាស Johnson ក្នុងទីក្រុងហូស្តុន ដែលកន្លងមករឹតត្បិតការធ្វើទស្សនកិច្ចរបស់អ្នកជំនាញចិន ព្រោះបារម្ភពីការបែកធ្លាយការសម្ងាត់។ កាលពីសប្ដាហ៍មុន ប្រធានាធិបតីតៃវ៉ាន់រូបនេះក៏បានថ្លែងនៅសាកលវិទ្យាល័យល្បីឈ្មោះរបស់អាមេរិកទៅទៀត ដែលនេះត្រូវបានគេមើលឃើញថា ជាការខិតជិតរបស់សម្ព័ន្ធមិត្តទាំងពីរនេះ។
សកម្មភាពនៅបរទេសរបស់មេដឹកនាំតៃវ៉ាន់ជាពិសេសនៅទឹកដីអាមេរិក មិនធ្វើឲ្យចិនសប្បាយចិត្តឡើយ។ អ្នកនាំពាក្យក្រសួងការបរទេសចិន Lu Kang និយាយថា ចិនបានដាក់លិខិតតវ៉ាទៅកាន់ប្រទេសទាំងអស់ដែលមានទំនាក់ទំនងជាមួយខ្លួនរាប់ទាំងអាមេរិកផងចំពោះការទាក់ទងដោយផ្ទាល់ជាមួយតៃវ៉ាន់។ ក្នុងសន្និសីទសារព័ត៌មានថ្ងៃទី២០ ខែសីហា លោក Lu ក៏ប្រាប់ឲ្យអាមេរិកគោរពនយោបាយចិនតែមួយឲ្យបានដាច់ខាត។
ដោយចង់សំដៅបដិសណ្ឋារកិច្ចរាក់ទាក់ពីអាមេរិកទៅលើលោកស្រី Tsai មន្ត្រីក្រសួងការបរទេសចិនខាងលើបានព្រមានដែរថា ក្រុមដែលចង់ផ្ដាច់ខ្លួននៅតៃវ៉ាន់ មិនគួរត្រូវបានជួយ ឬផ្ដល់ផ្ដល់វេទិកានៅលើឆាកអន្តរជាតិឡើយ។ នៅមុនចាកចេញពីតៃវ៉ាន់ លោកស្រីប្រធានាធិបតីតៃវ៉ាន់ចាត់ទុកដំណើរទស្សនកិច្ចនៅបរទេសលើកនេះ ជាការលើកមុខមាត់តៃវ៉ាន់ និងអះអាងថា គ្មាននរណាអាចលុបបំបាត់តៃវ៉ាន់បានឡើយ។
ប៉ារ៉ាហ្កាយ និងបេលី ជាប្រទេសមួយក្នុងចំណោមសម្ព័ន្ធមិត្តសេសសល់តូចៗនិងក្រីក្រចំនួន ១៧ លើពិភពលោកដែលបន្តទទួលស្គាល់តៃវ៉ាន់ជារដ្ឋ។ សម្ព័ន្ធមិត្តតៃវ៉ាន់បន្តរត់ចេញម្តងមួយៗកន្លងមក ដោយសារចិនព្យាយាមប្រើប្រាស់នយោបាយការទូតដុល្លារ ព្រោះតៃវ៉ាន់មិនអាចមានប្រៀបលើចិនឡើយ និយាយដូចរឿងលុយ។ ដូចឃើញស្រាប់ ប៊ូគីណាហ្វាសូ សាធារណរដ្ឋដូមីនិក និងអែលសាល់វ៉ាឌ័រទើបរត់ចោលតៃវ៉ាន់ទៅស្រវាទឹកប្រាក់របស់ចិន
ប្រធានាធិបតីតៃវ៉ាន់ Tsai Ing-wen ទើបបញ្ចប់ដំណើរទស្សនកិច្ចនៅប្រទេសជាមិត្តចំនួនពីរ គឺប៉ារ៉ាហ្កាយ និងបេលី ។ ក្នុងដំណើរទៅមាតុភូមិវិញ លោកស្រីក៏ឈប់សំចតនៅអាមេរិក ដែលធ្វើឲ្យចិនខឹងសម្បារយ៉ាងខ្លាំង។ ចិនរឹតតែក្ដៅស្លឹកត្រចៀក ពេលអាមេរិកអនុញ្ញាតឲ្យប្រធានាធិបតីតៃវ៉ាន់រូបនេះចូលទស្សនាមជ្ឈមណ្ឌលគ្រប់គ្រងបេសកកម្មរបស់រដ្ឋបាលអវកាស និងលំហជាតិ (NASA) ក្នុងរដ្ឋតិចសាស់ កាលពីចុងសប្ដាហ៍មុន។
លោកស្រី Tsai ក្លាយជាប្រធានាធិបតីតៃវ៉ាន់ដំបូងគេ ដែលធ្វើទស្សនកិច្ចនៅមជ្ឈមណ្ឌលអវកាស Johnson ក្នុងទីក្រុងហូស្តុន ដែលកន្លងមករឹតត្បិតការធ្វើទស្សនកិច្ចរបស់អ្នកជំនាញចិន ព្រោះបារម្ភពីការបែកធ្លាយការសម្ងាត់។ កាលពីសប្ដាហ៍មុន ប្រធានាធិបតីតៃវ៉ាន់រូបនេះក៏បានថ្លែងនៅសាកលវិទ្យាល័យល្បីឈ្មោះរបស់អាមេរិកទៅទៀត ដែលនេះត្រូវបានគេមើលឃើញថា ជាការខិតជិតរបស់សម្ព័ន្ធមិត្តទាំងពីរនេះ។
សកម្មភាពនៅបរទេសរបស់មេដឹកនាំតៃវ៉ាន់ជាពិសេសនៅទឹកដីអាមេរិក មិនធ្វើឲ្យចិនសប្បាយចិត្តឡើយ។ អ្នកនាំពាក្យក្រសួងការបរទេសចិន Lu Kang និយាយថា ចិនបានដាក់លិខិតតវ៉ាទៅកាន់ប្រទេសទាំងអស់ដែលមានទំនាក់ទំនងជាមួយខ្លួនរាប់ទាំងអាមេរិកផងចំពោះការទាក់ទងដោយផ្ទាល់ជាមួយតៃវ៉ាន់។ ក្នុងសន្និសីទសារព័ត៌មានថ្ងៃទី២០ ខែសីហា លោក Lu ក៏ប្រាប់ឲ្យអាមេរិកគោរពនយោបាយចិនតែមួយឲ្យបានដាច់ខាត។
ដោយចង់សំដៅបដិសណ្ឋារកិច្ចរាក់ទាក់ពីអាមេរិកទៅលើលោកស្រី Tsai មន្ត្រីក្រសួងការបរទេសចិនខាងលើបានព្រមានដែរថា ក្រុមដែលចង់ផ្ដាច់ខ្លួននៅតៃវ៉ាន់ មិនគួរត្រូវបានជួយ ឬផ្ដល់ផ្ដល់វេទិកានៅលើឆាកអន្តរជាតិឡើយ។ នៅមុនចាកចេញពីតៃវ៉ាន់ លោកស្រីប្រធានាធិបតីតៃវ៉ាន់ចាត់ទុកដំណើរទស្សនកិច្ចនៅបរទេសលើកនេះ ជាការលើកមុខមាត់តៃវ៉ាន់ និងអះអាងថា គ្មាននរណាអាចលុបបំបាត់តៃវ៉ាន់បានឡើយ។
ប៉ារ៉ាហ្កាយ និងបេលី ជាប្រទេសមួយក្នុងចំណោមសម្ព័ន្ធមិត្តសេសសល់តូចៗនិងក្រីក្រចំនួន ១៧ លើពិភពលោកដែលបន្តទទួលស្គាល់តៃវ៉ាន់ជារដ្ឋ។ សម្ព័ន្ធមិត្តតៃវ៉ាន់បន្តរត់ចេញម្តងមួយៗកន្លងមក ដោយសារចិនព្យាយាមប្រើប្រាស់នយោបាយការទូតដុល្លារ ព្រោះតៃវ៉ាន់មិនអាចមានប្រៀបលើចិនឡើយ និយាយដូចរឿងលុយ។ ដូចឃើញស្រាប់ ប៊ូគីណាហ្វាសូ សាធារណរដ្ឋដូមីនិក និងអែលសាល់វ៉ាឌ័រទើបរត់ចោលតៃវ៉ាន់ទៅស្រវាទឹកប្រាក់របស់ចិន
Tag:
ចិន
អាមេរិក
តៃវ៉ាន់
NASA
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
